سىبايلاس جەمقورلىققا قارسى قىزمەت جىل باسىنان بەرٸ 772 ٸستٸ سوتقا جولداعان. سونداي-اق كٸنەسٸ دەلەلدەنگەن 570 ادام سوتتالعان, دەپ حابارلايدى قازاقپارات.
سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر بويىنشا تەرگەۋشٸسٸ دانييار بەگايداروۆ Antikor اقپارات الاڭىندا وسىنداي مەلٸمەت كەلتٸردٸ.
«سىبايلاس جەمقورلىققا قارسى قىزمەت 2021 جىلدىڭ ٶتكەن كەزەڭٸندە 1038 سوتقا دەيٸنگٸ تەرگەپ-تەكسەرۋدٸ تٸركەدٸ, ونىڭ 772-سٸ سوتقا جٸبەرٸلدٸ. اتالعان قىلمىستىق ٸستەر بويىنشا 135 لاۋازىمدى تۇلعا ۇستالدى, 122 ادامعا قاتىستى «كٷزەتپەن ۇستاۋ» جەنە 29 ادامعا قاتىستى «ٷيقاماق» بۇلتارتپاۋ شارالارى قولدانىلدى», - دەدٸ اگەنتتٸكتٸڭ اسا ماڭىزدى ٸستەر بويىنشا تەرگەۋشٸسٸ.
ونىڭ سٶزٸنە قاراعنادا, جىل باسىنان بەرٸ سىبايلاس جەمقورلىق قىلمىستىق ٸستەر بويىنشا 570 ادام سوتتالعان. ونىڭ ٸشٸندە 138 ادام پارا العانى ٷشٸن, 237 ادام پارا بەرگەنٸ ٷشٸن, 12 ادام دەلدالدىق ٷشٸن, 78 ادام الاياقتىق ٷشٸن, 42 ادام ۇرلىق ٷشٸن, 42 ادام لاۋازىمدىق ٶكٸلەتتٸكتەرٸن تەرٸس پايدالانعانى ٷشٸن, 11 ادام بيلٸكتٸ نەمەسە لاۋازىمدىق ٶكٸلەتتٸكتەرٸن اسىرا پايدالانعانى ٷشٸن جاۋاپقا تارتىلعان.
«باس بوستاندىعىنان ايىرۋعا – 172 ادام, باس بوستاندىعىن شەكتەۋگە – 56 (قالعاندارى شارتتى مەرزٸمگە جەنە جازاسىن ٶتەۋدٸ كەيٸنگە قالدىرا وتىرىپ - 8), پارا سوماسىنان بٸرنەشە ەسەلەنگەن ايىپپۇلدارعا 330 ادام تارتىلدى. ايىپپۇلداردىڭ جالپى سوماسى شامامەن 1,9 ملرد تەڭگە بولدى», - دەدٸ دانييار بەگايداروۆ.
