«ەلەۋمەتتٸك مەديتسينالىق ساقتاندىرۋ قورى» كەاق 2018 جىل باسىنان بەرٸ وتاندىق مەديتسينا ۇيىمدارىنا 549,8 ملرد تەڭگە تٶلەدٸ. مەملەكەتتٸك تاپسىرىس شەڭبەرٸندە حالىققا تەگٸن قىزمەت كٶرسەتكەن ەمحانالار مەن كلينيكالار بۇل قارجىنى كەپٸلدەندٸرٸلگەن تەگٸن مەديتسينالىق كٶمەك جٶنٸندەگٸ كەلٸسٸمشارتتار نەگٸزٸندە الدى. بۇل تۋرالى «ەلەۋمەتتٸك مەديتسينالىق ساقتاندىرۋ قورى» كەاق باسقارۋشى ديرەكتورىنىڭ مٸندەتٸن اتقارۋشى بوتاگٶز جاقسەلەكوۆا حابارلادى.
ايتۋىنشا, قورمەن كەلٸسٸمشارت بەكٸتكەن جەتكٸزۋشٸ كومپانييالارعا 8 قازانعا دەيٸن 549,8 ملرد تەڭگە تٶلەندٸ. «بۇل جالپى كەپٸلدەندٸرٸلگەن تەگٸن مەديتسينالىق كٶمەك پاكەتٸ (تمككك) شەڭبەرٸندە بەكٸتٸلگەن كەلٸسٸمشارت سوماسىنىڭ 70 پايىزىن قۇرايدى», - دەدٸ ب.جاقسەلەكوۆا.
ەستەرٸڭٸزگە سالا كەتسەك, تمككك جەنە مٸندەتتٸ ەلەۋمەتتٸك مەديتسينالىق ساقتاندىرۋ پاكەتتەرٸنٸڭ قارجىلىق وپەراتورى بولىپ سانالاتىن قور ەمدەۋ مەكەمەلەرٸمەن تمككك پاكەتٸ شەڭبەرٸندە حالىققا تەگٸن كٶمەك كٶرسەتۋ جٶنٸندە كەلٸسٸمشارتتار بەكٸتكەن بولاتىن. بەكٸتٸلگەن كەلٸسٸمشارتتاردىڭ جالپى سوماسى 785,8 ملرد تەڭگە.
«جۇمىس كەستەگە ساي جٷرٸپ جاتىر. بٶلٸنگەن قاراجات مەديتسينا مەكەمەلەرٸنٸڭ وپەراتسييالىق شىعىندارىن ٶتەۋگە جەتكٸلٸكتٸ», - دەدٸ ب.جاقسەلەكوۆا.
بٷگٸنگٸ تاڭدا قور مەملەكەتتٸك تاپسىرىس بويىنشا 1379 مەديتسينا ۇيىمىمەن كەلٸسٸمشارت بەكٸتكەن. ونىڭ 627-سٸ – جەكە مەنشٸك. بيىل جەكە كلينيكالار سانى 2017 جىلمەن سالىستىرعاندا 166-عا كٶبەيگەن. ال, ولارمەن بەكٸتٸلگەن كەلٸسٸمشارت سوماسى 2 ەسە ارتىپ, 120,2 ملرد تەڭگەنٸ قۇرادى.
.jpeg)