جىل باسىنان بەرٸ قازاقستاندىقتارعا 894 ملرد تەڭگەدەن استام زەينەتاقى تٶلەندٸ, دەپ حابارلايدى "ۇلت اقپارات".
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, 2021 جىلدىڭ قاڭتار- سەۋٸر ايلارىندا رەسپۋبليكالىق بيۋدجەتتەن بازالىق زەينەتاقى تٶلەۋگە - 274,2 ملرد تەڭگە, ىنتىماقتى زەينەتاقىعا – 620,1 ملرد تەڭگە باعىتتالدى.
2021 جىلدىڭ سەۋٸر ايىندا رەسپۋبليكالىق بيۋدجەتتەن زەينەتاقى تٶلەمدەرٸنە 223,2 ملرد تەڭگە, ونىڭ ٸشٸندە بازالىق زەينەتاقى تٶلەۋگە – 68,4 ملرد تەڭگە, ىنتىماقتى زەينەتاقى تٶلەۋگە – 154,8 ملرد تەڭگە بٶلٸندٸ.
2021 جىلعى 1 مامىرداعى جاعداي بويىنشا زەينەتكەرلەر سانى 2 ملن 245 مىڭ ادامدى قۇرايدى.
زەينەتاقى تٶلەمدەرٸنٸڭ ورتاشا مٶلشەرٸ (ونىڭ ٸشٸندە بازالىق زەينەتاقى) 2021 جىلعى 1 مامىرداعى جاعداي بويىنشا 100 مىڭ تەڭگەنٸ قۇرادى.
ەسكە سالايىق, 2018 جىلعى 1 شٸلدەدەن باستاپ مەملەكەتتٸك بازالىق زەينەتاقى تٶلەمٸ, ونىڭ زەينەتاقى جٷيەسٸندەگٸ تەجٸريبەسٸن ەسكەرە وتىرىپ, ەر الۋشىعا جەكە تاعايىندالادى.
بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جٷيەدە جۇمىس ٸستەگەن ۋاقىتى, سونداي-اق مٸندەتتٸ زەينەتاقى جارنالارى تٶلەنگەن كەزەڭدەر زەينەتاقى جٷيەسٸندەگٸ ەڭبەك ٶتٸلٸنە قوسىلادى.
سونىمەن, ەگەر زەينەتاقى جٷيەسٸندەگٸ جۇمىس ٶتٸلٸ 10 جىل نەمەسە ودان از بولسا, سونداي-اق ەگەر مٷلدە جوق بولسا, بازالىق زەينەتاقى ەڭ تٶمەنگٸ كٷنكٶرٸس دەڭگەيٸنٸڭ 54%-ىن قۇرايدى, سودان كەيٸن 10 جىلدان اسقان ەر جىل ٷشٸن ونىڭ مٶلشەرٸ 2%-عا ارتادى.
مىسالى, ەگەر سٸز 20 جىل قاتىسساڭىز, بازالىق زەينەتاقى كٷنكٶرٸس دەڭگەيٸ قۇنىنىڭ 74%-دى, 30 جىل – كٷنكٶرٸس قۇنىنىڭ 94%-ىن قۇرايدى.
33 جەنە ودان دا كٶپ جىل جۇمىس ٶتٸلٸ بولسا, كٷنكٶرٸس قۇنىنىڭ 100% جوعارى مٶلشەرٸندە بەلگٸلەنەدٸ.
ەگەر بٸر اي ٸشٸندە مزج بٸرنەشە رەت بٸرىڭعاي جيناقتاۋشى زەينەتاقى قورىنا جاسالسا, جيناقتاۋشى جٷيەگە قاتىسۋ مەرزٸمٸ بٸر ايدى قۇرايدى.
وسىلايشا, مٸندەتتٸ زەينەتاقى جارنالارى نەعۇرلىم تۇراقتى جەنە تولىق سالىناتىن بولسا, زەينەتاقى جاسىنا جەتكەندە بازالىق زەينەتاقى تٶلەمدەرٸنٸڭ مٶلشەرٸ سوعۇرلىم كٶپ بولادى.
