قر بٸلٸم جەنە عىلىم مينيسترٸ اسحات ايماعامبەتوۆ ەلٸمٸزدٸڭ ماڭىزدى ەلەمدٸك دەڭگەيدەگٸ جارىستاردا – ماتەماتيكا مەن بيولوگييادان حالىقارالىق وليمپيادالارداعى وقۋشىلاردىڭ جەتٸستٸكتەرٸ جايلى مەلٸم ەتتٸ. بۇل تۋرالى ۆەدوموستۆو باسشىسى Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
«قازٸر بٷكٸل ەلەمنٸڭ ەرٸ ەلٸمٸزدٸڭ نازارى توكيوداعى وليمپيادا ويىندارىندا.
بٸز قازاقستان قۇراماسىنا جانكٷيەرمٸز.
بۇل پوستتا ەلٸمٸزدٸڭ باسقا دا ماڭىزدى ەلەمدٸك دەڭگەيدەگٸ جارىستاردا – ماتەماتيكا مەن بيولوگييادان حالىقارالىق وليمپيادالارداعى وقۋشىلاردىڭ جەتٸستٸكتەرٸمەن بٶلٸسكٸم كەلەدٸ.
ماتەماتيكا پەنٸ بويىنشا وليمپيادادا بٸزدٸڭ وقۋشىلار التى مەدال جەڭٸپ الدى, ونىڭ ٸشٸندە بٸر التىن, 3 كٷمٸس جەنە 2 قولا بار. ەلٸمٸزدٸڭ اتىنان ەلەمدٸك دەڭگەيدەگٸ وليمپياداعا نۇر-سۇلتان, الماتى, قاراعاندى جەنە اتىراۋ قالاسىنان التى وقۋشى قاتىستى.
التىن مەدال يەگەرٸ – مىرزاتاي ايبەك, كٷمٸس مەدال يەگەرلەرٸ – دٷيسەنبەكوۆ دانات, ساتۋبالدين تاير, سام فەتۋللاح, قولا مەدال يەگەرلەرٸ – ولجاباەۆ اسىلبەك جەنە بايمۋرزين راحيم.
بيولوگييا پەنٸ بويىنشا وليمپيادادا ەل نامىسىن نۇر-سۇلتان, الماتى, ٶسكەمەن جەنە اقتٶبە قالالارىنان 4 وقۋشى قورعادى. ولار 1 كٷمٸس جەنە 2 قولا مەدال, سونداي-اق 1 قۇرمەت گراموتاسىن ۇلتتىق قۇرامانىڭ قورجىنىنا سالدى.
كٷمٸس مەدالدٸ تەمٸربەكوۆ ەراسىل, قولانى باتىرجانوۆ ەرنار مەن ەرنازاروۆ باقدەۋلەت, قۇرمەت گراموتاسىن ەبدۋەلٸ گٷلدانا جەڭٸپ الدى.
وليمپيادا جٷلدەگەرلەرٸن, ولاردىڭ اتا-انالارىن, مۇعالٸمدەرٸ مەن جاتتىقتىرۋشىلارىن جەڭٸستەرٸمەن قۇتتىقتايمىن!
قۇرمەتتٸ وقۋشىلار!
بۇل – سٸزدەردٸڭ ەڭبەكتەرٸڭٸزدٸڭ جەمٸسٸ. سٸزدەر ەلەمنٸڭ جٷزدەن استام ەلٸندەگٸ قۇرداستارىڭىزبەن زيياتكەرلٸك سايىستا جارىسىپ, ەلٸمٸزدٸڭ نامىسىن ابىرويمەن قورعادىڭىزدار.
بولاشاقتا بيٸك بەلەستەردٸ باعىندىرۋدى تٸلەيمٸن! بٸز ٶز تاراپىمىزدان قازاقستاندىق وقۋشىلار ٶزدەرٸن كٷللٸ ەلەمگە تانىتا وتىرىپ, حالىقارالىق بايقاۋلاردا بۇدان دا ٷزدٸك نەتيجەلەر كٶرسەتۋٸ ٷشٸن جاعداي جاساۋدى جالعاستىرامىز.
وسى جىلدىڭ باسىنان بەرٸ بٸزدٸڭ وقۋشىلار حالىقارالىق وليمپيادالاردا 200-دەن استام مەدال جەڭٸپ الىپ, ٶز بٸلٸمدەرٸنٸڭ جوعارى دەڭگەيٸن كٶرسەتتٸ», - دەپ اتاپ ٶتتٸ اسحات ايماعامبەتوۆ ٶز جازباسىندا.
