سوڭعى تەۋلٸكتە Covid-19 ينفەكتسيياسىنىڭ 112 جاعدايى تٸركەلدٸ. بۇل تۋرالى ەلوردا ەكٸمدٸگٸنٸڭ باسپاسٶز ورتالىعىندا ٶتكەن ونلاين بريفينگٸدە ايتىلدى, دەپ حابارلايدى قازاقپارات.
«سوڭعى تەۋلٸكتە Covid-19 ينفەكتسيياسىنىڭ 112 جاعدايى تٸركەلدٸ. جىل باسىنان بەرٸ ەلوردادا كوروناۆيرۋس ينفەكتسيياسىمەن 7 603 ادام اۋىردى. قاڭتاردا 3 763 ادام, اقپاندا 2 811, ناۋرىزدا 1 029 ادام اۋىردى. پتر تەستٸنٸڭ تەرٸس نەتيجەسٸمەن Covid-19 بولىپ اۋىرعانداردىڭ سانى – 96. قاڭتار ايىندا 55, اقپان ايىندا 28, ناۋرىز ايىندا 13 جاعداي تٸركەلدٸ», - دەيدٸ نۇر-سۇلتان قالاسىنىڭ باس مەملەكەتتٸك سانيتارلىق دەرٸگەرٸ سارحات بەيسەنوۆا.
ونىڭ ايتۋىنشا, ناۋقاستارمەن بايلانىستا بولعان ادامداردىڭ ٷلەس سالماعىنىڭ ديناميكالىق ٶسۋ كٶرسەتكٸشٸ اقپان ايىندا 45%, ناۋرىز ايىندا 49% بولعان.
«بۇل - ادامدار اۋرۋدىڭ الدىن الۋ شارالارىن ساقتامايتىنىن بٸلدٸرەدٸ. قازٸرگٸ ۋاقىتتا قالادا 912 جۇقتىرۋ وشاعى بار. وندا ناۋقاسپەن بايلانىستا بولعان 2 500 ادام باقىلاۋدا», - دەيدٸ ول.
