2020 جىلدىڭ باسىنان بەرٸ نۇر-سۇلتاندا بالالاردىڭ تەرەزەدەن قۇلاۋ جاعدايى 28 رەت تٸركەلگەن. بۇل تۋرالى نۇر-سۇلتان قالالىق تٶتەنشە جاعدايلار بٶلٸمٸنٸڭ باستىعى ەركٸن وتارعالىمۇلى ونلاين بريفينگ بارىسىندا ايتتى, دەپ حابارلايدى قازاقپارات.
«جالپى, 2-7 جاس ارالىعىنداعى بالالاردا تەرەزەدەن قۇلاۋ قاۋپٸ جوعارى. بالالاردىڭ تەرەزەلەردەن قۇلاۋىنىڭ باستى سەبەبٸ - ولاردى اشىق تەرەزە الدىندا قاراۋسىز قالدىرۋ. ٶكٸنٸشكە قاراي, ٷيدە ەشكٸمنٸڭ قاداعالاۋىنسىز وتىرعان بالا اۋلادا ويناپ جٷرگەن بالالاردىڭ داۋىسىن ەستيدٸ. داۋىسقا ەلەڭدەگەن بالا تەرەزەگە قاراي بارادى. وسىعان وراي, قۇرمەتتٸ اتا-انالار, مەن سٸزدەرگە بٸرنەشە ۇسىنىس ايتقىم كەلەدٸ. بٸرٸنشٸدەن, بالانىڭ تەرەزەدەن قۇلاپ كەتۋٸنە جول بەرمەۋ ٷشٸن ولاردى قاراۋسىز قالدىرۋعا مٷلدەم بولمايدى. ەكٸنشٸدەن, جيھازدى بالا تەرەزەگە ٶزدٸگٸنەن كٶتەرٸلٸپ شىعا المايتىنداي ەتٸپ ورنالاستىرۋ قاجەت. ٷشٸنشٸدەن, ماسادان قورعايتىن تور بالانى تەرەزەدەن قۇلاپ كەتۋدەن ساقتاي المايتىنىن ەستە ساقتاۋ كەرەك. كەلەسٸ مەسەلە - تەرەزەگە بۇعات ورناتۋ كەرەك. سونىمەن قاتار, بالالارعا تەرەزە الدىندا ويناۋعا بولمايتىنى تۋرالى ايتۋ كەرەك. قۇرمەتتٸ اتا-انا, ەگەر سٸز وسى ەرەجەلەردٸ ساقتايتىن بولساڭىز, بالاڭىزدىڭ ٶمٸرٸن ساقتاپ قالا الاسىز», - دەدٸ ەركٸن وتارعالىمۇلى.
ونىڭ ايتۋىنشا, 2018 جىلدان بەرٸ ەلوردادا بالالاردىڭ تەرەزەدەن قۇلاۋ وقيعاسىنا قاتىستى 70 جاعداي تٸركەلگەن. 16 بالا تەرەزەدەن قۇلاپ مەرت بولسا, 54 بالا جاراقات العان. تەك بيىلدىڭ ٶزٸندە وسىنداي 28 جاعداي تٸركەلدٸ.
«قۇرىلىس الاڭدارىندا ەرەسەكتەردٸڭ بيٸكتٸكتەن قۇلاپ كەتۋ جاعدايى سانى ٶسٸپ كەلەدٸ. 2020 جىلدىڭ باسىنان بەرٸ وسىنداي 14 وقيعا تٸركەلدٸ. 14 قىركٷيەكتە كٸلتٸن ٷيٸندە ۇمىتىپ كەتكەن استانا تۇرعىنى پەتەرگە پاراپەت ارقىلى كٸرمەك بولىپ, قۇلاپ كەتكەن. التىنشى قاباتتان قۇلاعان ەر ادام وقيعا ورنىندا كٶز جۇمدى», - دەيدٸ ول.
