قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ «اشىق ديالوگ» الاڭىندا مەملەكەت باسشىسى قاسىم-جومارت توقاەۆتىڭ جەمقورلىقپەن كٷرەس تۋرالى سوڭعى مەلٸمدەمەسٸنە قاتىستى پٸكٸر بٸلدٸردٸ, دەپ حابارلايدى قازاقپارات.
اپتا ٸشٸندەگٸ باستى ساياسي اقپاراتتارعا تالداۋ جاسالعان باعدارلامادا دەۋرەن اباەۆ ارام ويى بولماي جەمقورلىق قاتەلٸككە بوي الدىرعان مەملەكەتتٸك قىزمەتشٸگە قىلمىستىق جازا قولدانباۋ تۋرالى قر پرەزيدەنتٸنٸڭ پٸكٸرٸنە تٷسٸنٸك بەردٸ.
«بۇل مەسەلەدەگٸ مەملەكەت ساياساتىن تۇنىق تٷسٸندٸرۋ ٷشٸن ماعان كٶزگە كٶرٸنەۋ جايتتاردى ايتۋ كەرەك سيياقتى. قازٸر بيلٸك مەملەكەتتٸك باسقارۋدىڭ ساپاسى شىنىمەن تٶمەندەپ كەتكەنٸن كٶرٸپ, بٸلٸپ وتىر. بٸز ورتالىق دەڭگەيدە دە, جەرگٸلٸكتٸ اۋقىمدا دا باسقارۋ ٸسٸندە جٷيەلٸك سيپاتتاعى قاتەلٸكتەر كٶبەيگەنٸن تٷسٸنٸپ وتىرمىز», - دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
دەۋرەن اباەۆتىڭ سٶزٸنشە, جەمقورلىق تۋرالى سٶز بولعاندا قازٸر بەرٸ جەڭ ۇشىنان جالعاسقان تامىر-تانىستىق, نەپوتيزم, بيۋروكراتييا سيياقتى مەملەكەتتٸك اپپاراتتىڭ تٷرلٸ اقاۋلارىن ايتاتىن بولعان.
«ال وسى پروبلەمانى قالاي شەشۋ كەرەك دەگەندە ادال ەمەس, اقىلسىز, بٸلٸمٸ جوق ادامداردىڭ ورنىنا قىزمەتكە لايىق, ادال, اقىلدى, بٸلٸمٸ بار ادامداردى قويۋ كەرەك دەگەندٸ جيٸ ايتادى. ەرينە, بۇل ەدەمٸ ەستٸلەدٸ. بٸراق پروبلەما باسقادا. كەز كەلگەن شەنەۋنٸك قالىپتاسقان نٷكتەلەردٸڭ بەلگٸلەنگەن جٷيەسٸندە جۇمىس ٸستەيدٸ. ونى كەسٸبي ەكوجٷيە دەۋگە بولادى. بۇل ەكوجٷيە ٸش پىستىراتىن دٷنيەلەردەن قۇرالعان. ول – رەگلامەنتتەر, لاۋازىمدىق نۇسقاۋلىقتار, قىزمەتتٸك يەرارحييانىڭ ەرەكشەلٸكتەرٸ جەنە تاعى باسقالار. كٶبٸنەسە بۇل پارامەترلەر بىلاي قۇرىلعان. سەن تٸپتٸ, نوبەل سىيلىعىنىڭ ٷش مەرتە لاۋراەاتى نەمەسە مەگاكرەاتيۆتٸ ينتەللەكتۋال بولساڭ دا, ەرتە مە, كەش پە, بەرٸ بٸر قاعاز بەن ەسەپتەرگە كٶمٸلٸپ وتىراتىن كلاسسيكالىق شەنەۋنٸككە, بيۋروكراتقا اينالاسىڭ», - دەدٸ سپيكەر.
پرەزيدەنت ەكٸمشٸلٸگٸ باسشىسىنىڭ ورىنباسارى قاسىم-جومارت توقاەۆتىڭ ەل اۋزىندا جٷرگەن اتالمىش تاپسىرماسى مەملەكەتتٸك باسقارۋ جٷيەسٸنٸڭ پارامەترلەرٸن ٶزگەرتۋ جولىنداعى العاشقى قادامداردىڭ بٸرٸ دەگەن وي ايتتى.
«مەملەكەتتٸك قىزمەتشٸلەردٸڭ ينەرتتٸلٸگٸ, باستامادان جۇردايلىعى, تيتٸمدەي قاتەلٸكتٸ تاۋداي كٶرٸپ قورقۋى مەملەكەتكە جەمقورلىقتىڭ ٶزٸنەن دە ٷلكەن شىعىن ەكەلٸپ جاتقان شىعار. مەن مۇنى ەدەمٸ سٶيلەۋ ٷشٸن ايتىپ وتىرعانىم جوق. قاراپايىم عانا مىسال, بۇرىن دا ايتقانمىن. بىلتىر جازدا پاندەمييا ٶرشٸپ, جىلدام قيمىلداپ, جاۋاپكەرشٸلٸكتٸ مويىنعا الۋ ارقىلى مەديتسينالىق ماسكالار مەن ٶكپە اپپاراتتارىن, دەرٸ-دەرمەكتەردٸ دەر شاعىندا ساتىپ الۋ كەرەك بولعان كەزدە ادامدار جوعارىدان نۇسقاۋ كٷتٸپ وتىرىپ الدى. ال مىنا جاقتا ادامدار اۋا جەتپەي, تۇنشىعىپ جاتقان ەدٸ. وتتەگٸ ماسكالارى, بەرٸ-بەرٸ كەشٸگٸپ جەتتٸ. ٶيتكەنٸ اكتٸلەرگە قولدار مەن بۇرىشتامالار قويىلماعان ەدٸ. تەك پرەزيدەنت ارالاسقاننان كەيٸن عانا پروتسەسس قارقىن الدى», - دەپ ەسكە الدى دەۋرەن اباەۆ.
سونداي-اق, ول پرەزيدەنتتٸڭ ەل اراسىندا قىزۋ تالقىلانعان سٶزٸنٸڭ استارىندا جەمقورلىقپەن كٷرەس جۇمسارتىلادى دەگەن يشارا جاتپاعانىن ەسكەرتتٸ.
«سەنٸڭٸز, جەمقورلىقپەن كٷرەستٸ ەشكٸم توقتاتايىن دەپ جاتقان جوق. كەرٸسٸنشە بۇعان دەيٸن بيۋروكراتييالىق شيەلەنٸستەردٸ تارقاتۋعا باعىتتالعان كٷشتٸڭ بەرٸ شىن جەمقورلىقپەن كٷرەسكە تاستالادى. مەملەكەتتٸك قىزمەتشٸنٸڭ ەلەۋەتٸن تولىق اشۋعا جاعداي جاسالىپ, تيٸمدٸلٸگٸن ارتتىرۋ كەرەك. بۇل باعىتتاعى باستى جۇمىس وسى بولماق» - دەدٸ ول.
