«جۋسان» وپەراتسيياسىمەن ەلگە جەتكٸزٸلگەن ەيەلدەردٸڭ 95 پايىزى راديكالدى دٸني سەنٸمٸنەن تولىق باس تارتتى. بۇل تۋرالى حالىققا ەسەپ بەرۋ كەزدەسۋٸندە قر اقپارات جەنە قوعامدىق دامۋ مينيسترٸ ايدا بالاەۆا ايتتى, دەپ حابارلايدى "ۇلت اقپارات".
«راديكالدى دٸني اعىم قۇرباندارىن وڭالتۋ – ەرينە ۇزاق مەرزٸمدٸ جۇمىس. بۇل پسيحولوگييالىق, زاڭدى-قۇقىقتىق, ەلەۋمەتتٸك, مەديتسينالىق كەشەندٸ كٶمەكتٸ قاجەت ەتەدٸ. ونىڭ ٸشٸندە پسيحولوگتاردىڭ, تەولوگتار مەن يمامداردىڭ كەسٸبي بٸلٸگٸنە قويىلاتىن تالاپ ٶتە جوعارى. بۇل ورايدا, ەلٸمٸزدٸڭ بارلىق ٶڭٸرٸندە «اقنيەت» وڭالتۋ ورتالىعىنىڭ فيليالدارى جۇمىس جاسايدى. سونىڭ ٸشٸندە, ەسٸرەسە «جۋسان» وپەراتسيياسىمەن ەلگە جەتكٸزٸلگەن ەيەلدەر مەن بالالاردى وڭالتۋ – ەڭ باستى نازاردا. جٷيەلٸ دە ساپالى جۇمىستار نەتيجەسٸندە بٷگٸنگە دەيٸن, ەلگە ورالعان ەيەلدەردٸڭ 95 پايىزى راديكالدى دٸني سەنٸمنەن تولىق باس تارتتى», - دەدٸ ايدا بالاەۆا.
سونىمەن قاتار مينيستر ەلٸمٸزدە دٸني احۋال تۇراقتى ەكەندٸگٸن, جات دٸني اعىمداردىڭ الدىن الۋ مەن ونىڭ قۇرباندارىن وڭالتۋ جۇمىستارى جٷيەلٸ جولعا قويىلعاندىعىن باسا ايتتى.
