الماتىنىڭ تٷبٸندە قۇلاعان ۇشاقتىڭ ٸشٸندە بولعان كەسٸپكەر اسلان نازارەلٸ اپاتتىڭ قالاي بولعانىن ايتىپ بەردٸ, دەپ حابارلايدى Sputnik قازاقستان.
"مەن ٶزٸم الماتىدا تۇرامىن. نۇر-سۇلتاندا فيليالىمىز بار. سوعان بارىپ, بٸر شارۋالاردى رەتتەپ كەلەتٸن ويىم بولدى. سٶيتٸپ, تاڭعى رەيسكە بيلەت الىپ, استاناعا ۇشپاقشى ەدٸم", - دەپ باستادى ەڭگٸمەسٸن نازارەلٸ.
ونىڭ ايتۋىنشا, ۇشاققا وتىرعاندا بەرٸ دۇرىس بولعان. تٸپتٸ, جەردەن سەل كٶتەرٸلگەندە ەشقانداي اقاۋلىق بايقالمادى. بٸراق, كٶپ ۇزاماي, ۇشاق شايقالا باستادى.
"كەدٸمگٸدەي قايىق سيياقتى ارى-بەرٸ شايقالىپ, تەڭسەلٸپ كەتتٸ. سوسىن ۇشاقتىڭ بەرٸ سەلكٸلدەي باستادى. مەن ٶزٸم قۇلاققاپ تاعىپ, تەلەفوندى قاراپ وتىرعانمىن. باس كەزٸندە مەن بەرگەن جوقپىن. ال ۇشاقتىڭ سول جاق قاناتى, ودان كەيٸن وڭ جاق قاناتى قاتتى سەلكٸلدەپ, ارتىنان "تىرس" دەگەن دىبىس شىققاندا بٸر اقاۋلىقتىڭ شىققانىن تٷسٸندٸم. بٸرەۋ ۇشاقتى تارتىپ قالعانداي بولدى", - دەيدٸ نازارەلٸ.
كەسٸپكەر 15 قاتاردا وتىرعان. ۇشاق قۇلاعاننان كەيٸن 14-شٸ قاتارعا دەيٸن وتىرعان جولاۋشىلاردىڭ باسىم بٶلٸگٸن زارداپ شەكتٸ.
"سوققىنىڭ زاردابىن 14-شٸ قاتارعا دەيٸن وتىرعان ادامدار كٶردٸ. الدىمدا سول جاقتا وتىرعان بٸر ادامنىڭ قىسىلىپ قالعانى انىق ەسٸمدە. بەرٸ دٷرلٸگٸپ كەتتٸ, بالالار جىلادى. وڭ جاقتا بٸرەۋ اپاتتىق ەسٸكتٸ اشتى. سٶيتٸپ, بەرٸمٸز سودان شىعۋعا ۇمتىلدىق. ۇشاقتىڭ قاناتىمەن تٷستٸك. ول تايعاق بولدى. بەرٸمٸز قۇلاپ, جىعىلىپ شىقتىق قوي", - دەپ اتاپ كٶرسەتتٸ كەسٸپكەر.
ونىڭ سٶزٸنە قاراعاندا, امان قالعان جولاۋشىلار زارداپ شەككەندەرگە كٶمەك كٶرسەتتٸ. بٸرەۋدٸ ۇشاقتان شىعاردى, بٸرەۋٸنە دالادا جەردەمدەستٸ.
"كٶپ ادام زارداپ شەكتٸ. سەبەبٸ 14 قاتارعا دەيٸن ۇشاق قاتتى بۇزىلدى. جاراقات العاندار ٶتە كٶپ بولدى. بٸرەۋدٸڭ اياعى سىندى, بٸرەۋدٸڭ باسى جارىلدى. ومىرتقاسىنان جاراقات العانداردى كٶردٸك. بٸز بەرٸمٸز دالادا بولدىق. 30 مينۋتتان كەيٸن ٶرت سٶندٸرۋشٸلەر كەلدٸ. ارتىنان تاعى 10 مينۋت ٶتكەن سوڭ, سپرينتەر كەلٸپ جەتتٸ. ونىڭ ٸشٸندە مەديتسينا ماماندارى بولدى", - دەدٸ نازارەلٸ.
الماتىداعى تراگەدييا
قايعىلى وقيعا بٷگٸن تاڭعى جەتٸدە الماتى تٷبٸندە بولدى. الماتى ەۋەجايىنان نۇر-سۇلتانعا ۇشىپ شىققان Fokker 100 ۇشاعى كٶپ ۇزاماي تالعار اۋدانىنداعى ەلدٸ مەكەنگە قۇلادى.
ۇشاق بورتىندا 93 جولاۋشى, 5 ەكيپاج مٷشەسٸ بولعان.
پوليتسييا ەزٸرگە 12 ادامنىڭ قازا بولعانىن راستادى. كٶز جۇمعاندار اراسىندا گەنەرالدار كەڭەسٸنٸڭ تٶراعاسى رٷستەم قايداروۆ پەن رەسپۋبليكالىق ينتەرنەت-پورتالدىڭ شىعارۋشى رەداكتورى دانا كرۋگلوۆا بار.
مەملەكەت باسشىسى قاسىم-جومارت توقاەۆ مەرت بولعانداردىڭ جاقىندارىنا كٶڭٸل ايتىپ, كٸنەلٸ ادامدار قاتاڭ جازالاناتىنىن جەتكٸزدٸ. Cونداي-اق, پرەزيدەنت 28 جەلتوقساندى جالپىۇلتتىق ازا تۇتۋ كٷنٸ رەتٸندە جارييالادى.
