مەملەكەت باسشىسىنىڭ موراتورييٸنەن كەيٸن مەملەكەتتٸك ورگانداردىڭ قىمبات جيھاز ساتىپ الۋ فاكتٸلەرٸ تٸركەلگەن جوق. بۇل تۋرالى قر قارجى مينيسترلٸگٸ مەملەكەتتٸك ساتىپ الۋلار زاڭناماسى دەپارتامەنتٸنٸڭ ديرەكتورى سەبيت احمەتوۆ ايتتى, دەپ حابارلايدى قازاقپارات.
«بٷگٸنگٸ كٷنٸ قىمبات جيھاز ساتىپ الۋعا قاتىستى ونداي مىسالدار جوق. ٶيتكەنٸ, اۆتوكٶلٸك سيياقتى جيھازداردى ساتىپ الۋعا دا موراتوريي جارييالانعان. دەگەنمەن, موراتوريي بەلگٸلەنگەنگە دەيٸن, وسى نورماتيۆتٸك-قۇقىقتىق اكتٸلەر شىققانعا دەيٸن ساتىپ الىنعان جيھازدار بار», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار دەپارتامەنت ديرەكتورى بۇقارالىق اقپارات قۇرالدارىندا جارييالانىمدار مەملەكەتتٸك ورگانداردىڭ قىمبات جيھاز ساتىپ الۋىنا توسقاۋىل بولا العاندىعىن دا ايتتى.
«قازٸرگٸ ۋاقىتتا ەربٸر جايتقا قاتىستى بۇقارالىق اقپارات قۇرالدارىنىڭ دەرەۋ ٷن قاتىپ, ساتىپ الۋلارعا مونيتورينگ جاساپ وتىراتىندىعى قۋانتادى. بيۋدجەتتٸك باعدارلامالاردىڭ باسىم بٶلٸگٸ باق-تا جارييالانىم شىققاننان كەيٸن ٶز ەرٸكتەرٸمەن ساتىپ الۋلاردان باس تارتىپ, تەندەردٸ الىپ تاستاپ جاتىر», - دەدٸ سەبيت احمەتوۆ.
