سۋرەت: ماحامبەت ەبجاننىڭ Facebook پاراقشاسىنان
3 اقپاندا استانانىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى جۋرناليست ماحامبەت ەبجانعا ٷكٸم شىعاردى. ول 9 جىلعا باس بوستاندىعىنان ايىرىلدى, دەپ حابارلايدى "ۇلت اقپارات" ازاتتىق راديوسىنا سٸلتەمە جاساپ.
ەبجانعا "كٶرٸنەۋ جالعان اقپارات تاراتۋ" (274-باپتىڭ 3-بٶلٸگٸ) جەنە "بوپسالاۋ" (194-باپتىڭ 4-بٶلٸگٸ, 2-تارماعى) باپتارى بويىنشا ايىپ تاعىلعان.
بۇعان دەيٸن پروكۋرور قوجاحمەتوۆا ايىپتالۋشىعا 11 جىل تٷرمە جازاسىن سۇراعان ەدٸ.
ٸسكە سۋديا ايجان قۇلباەۆا تٶراعالىق ەتتٸ. ال, سوت پروتسەسٸ جابىق ٶتتٸ. الدىن الا تىڭداۋ كەزٸندە قورعاۋعا قارسى تاراپ سوتتى جابىق ٶتكٸزۋدٸ سۇراپ, سۋديا ٶتٸنٸشتٸ قاناعاتتاندىرعان.
ايتا كەتەيٸك, سىبايلاس جەمقورلىققا قارسى ٸس-قيمىل اگەنتتٸگٸ ٶتكەن جىلى 3 شٸلدەدە 39 جاستاعى ماحامبەت ەبجاندى "كەسٸپكەردەن 50 ميلليون تەڭگە بوپسالادى" دەگەن كٷدٸكپەن قاماۋعا العان. ال جۋرناليست ادۆوكاتى ارقىلى تاعىلعان ايىپتاردى جوققا شىعارعان.
ەبجان بىلتىر قاماۋعا الىناردان ەكٸ كٷن بۇرىن Telegram-ارناسىندا ٶزٸن قارالايتىن جالعان اقپارات تارالىپ جاتقانىن جازعان ەدٸ.
ەسكە سالايىق, بۇعان دەيٸنگٸ سوت پروتسەستەرٸندە ەبجان سوت ٸستٸ وبەكتيۆ قاراماي جاتقانىن العا تارتىپ, سۋديا قۇلباەۆانى اۋىستىرۋ تۋرالى ٶتٸنٸش جاساعان. بۇعان ٸستە جەبٸرلەنۋشٸ رەتٸندە تانىلعان تۇلعادان جاۋاپ الۋ جەنە اقشانىڭ كەلۋ جولىن تۇتاس زەرتتەۋ تۋرالى ٶتٸنٸشتٸڭ ورىندالماعانى سەبەپ بولعان. الايدا سۋديانى اۋىستىرۋ تۋرالى ٶتٸنٸشٸ ورىندالمادى.
بۇعان قوسا, الدىن الا تىڭداۋ كەزٸندە ايىپتالۋشى مەن ادۆوكاتى قىسىمعا شاعىمدانعان.
2017 جىلى ماحامبەت ەبجان "الاياقتىق" بابى بويىنشا 3,5 جىلعا باس بوستاندىعىنان ايىرىلعان. 2019 جىلى شارتتى جازا الىپ, مەرزٸمٸنەن بۇرىن بوستاندىققا شىققان.
بىلتىر "جۋرناليستەردٸ قورعاۋ كوميتەتٸ" ٷكٸمەتتٸ سىناپ جٷرگەن جۋرناليستٸڭ ۇستالۋىنا الاڭداۋشىلىق بٸلدٸردٸ.
ايتا كەتەيٸك, "شەكاراسىز تٸلشٸلەر" حالىقارالىق ۇيىمىنىڭ "سٶز بوستاندىعى يندەكسٸندە" قازاقستان 180 ەلدٸڭ اراسىندا 122-ورىندا تۇر. ەلدە سٶز بوستاندىعىنىڭ احۋالى كٷردەلٸ دەپ باعالانادى.
