رەسەيلٸك جۋرناليست, "رەداكتسييا" YouTube-ارناسىنىڭ اۆتورى الەكسەي پيۆوۆاروۆ مەسكەۋدەن قازاقستانعا ۇشقان ۇشاقتىڭ جۇمباق ەرەكەتٸنە تاڭعالدى, سەبەبٸ ۇشاق الدىمەن بەلارۋس شەكاراسىنا بەت العان, - دەپ حابارلايدى Tengrinews.kz.
"كوماندامەن قىزىق وقيعا بولدى. بٸز ۆنۋكوۆودان قازاقستانعا ۇشتىق, بٸراق قازاقستاندىق اۆياكومپانييانىڭ "بوينگ 737-500" ۇشاعى شىعىسقا ەمەس, قاراما-قارسى جاققا قاراي ۇشتى", - دەپ جازدى پيۆوۆاروۆ Instagram-دا.
جۋرناليست "بۇل ەرەكەت سحەمادا جوق ەدٸ", - دەپ تٷسٸندٸردٸ.
"بٸز 10 مىڭ م بيٸككە دەيٸن كٶتەرٸلٸپ, بەلارۋس شەكاراسىنا جاقىندادىق, ياعني مەسكەۋدەن شامامەن 350 شاقىرىم الىستاپ كەتتٸك. سودان كەيٸن بۇرىلىپ, باعىتىمىزعا قاراي ۇشىپ كەتتٸ. بۇل وقىس ەرەكەت ۇشۋ ۋاقىتىنا تاعى بٸر ساعات قوستى. Ryanair تۋرالى ەزٸلدەردٸ جوققا شىعارايىق, بٸرٸنشٸ كەزەكتە ماعان جازىلعان كەسٸبي ۇشقىشتارعا سۇراق: بۇل نە بولدى?" - دەدٸ ول.
"رەداكتسييا" YouTube-ارناسىنىڭ اۆتورى اۆياكومپانييا بۇل وقيعانى قالاي تٷسٸندٸرەتٸنٸنە قىزىعۋشىلىق تانىتتى.
جەلٸ قولدانۋشىلارى تٷرلٸ كٷلكٸلٸ پٸكٸر جازعان.
"بۇل ياندەكس. ناۆيگاتور كەپتەلٸستەردٸ اينالىپ ٶتۋ ٷشٸن وسىلاي جاساعان", "سٸزدەرمەن بٸرگە شەتەلدٸك اگەنت ۇشقان شىعار".
قىركٷيەكتٸڭ سوڭىندا الەكسەي پيۆوۆاروۆ الماتىعا ۇشىپ كەلگەن بولاتىن.
