Reseilik jýrnalist, "Redaktsiia" YouTube-arnasynyń avtory Aleksei Pivovarov Máskeýden Qazaqstanǵa ushqan ushaqtyń jumbaq áreketine tańǵaldy, sebebi ushaq aldymen Belarýs shekarasyna bet alǵan, - dep habarlaidy Tengrinews.kz.
"Komandamen qyzyq oqiǵa boldy. Biz Vnýkovodan Qazaqstanǵa ushtyq, biraq qazaqstandyq aviakompaniianyń "Boing 737-500" ushaǵy shyǵysqa emes, qarama-qarsy jaqqa qarai ushty", - dep jazdy Pivovarov Instagram-da.
Jýrnalist "bul áreket shemada joq edi", - dep túsindirdi.
"Biz 10 myń m biikke deiin kóterilip, Belarýs shekarasyna jaqyndadyq, iaǵni Máskeýden shamamen 350 shaqyrym alystap kettik. Sodan keiin burylyp, baǵytymyzǵa qarai ushyp ketti. Bul oqys áreket ushý ýaqytyna taǵy bir saǵat qosty. Ryanair týraly ázilderdi joqqa shyǵaraiyq, birinshi kezekte maǵan jazylǵan kásibi ushqyshtarǵa suraq: bul ne boldy?" - dedi ol.
"Redaktsiia" YouTube-arnasynyń avtory aviakompaniia bul oqiǵany qalai túsindiretinine qyzyǵýshylyq tanytty.
Jeli qoldanýshylary túrli kúlkili pikir jazǵan.
"Bul Iandeks. Navigator keptelisterdi ainalyp ótý úshin osylai jasaǵan", "Sizdermen birge sheteldik agent ushqan shyǵar".
Qyrkúiektiń sońynda Aleksei Pivovarov Almatyǵa ushyp kelgen bolatyn.
