جٷرگٸزۋشٸ كۋەلٸگٸ, ديپلوم جەنە تەحنيكالىق تٶلقۇجات eGov موبيلدٸك قوسىمشاسىندا پايدا بولۋى مٷمكٸن, – دەپ حابارلايدى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ باسپاسٶز قىزمەتٸ.
تسيفرلىق دامۋ مينيسترٸ اسقار جۇماعاليەۆتٸڭ تٶراعالىعىمەن ٶتكەن مەملەكەتتٸك قىزمەتتەردٸ وڭتايلاندىرۋ جەنە اۆتوماتتاندىرۋ جٶنٸندەگٸ ۆەدومستۆوارالىق كوميسسييانىڭ وتىرىسىندا وسىنداي ۇسىنىس ايتىلدى.
«ۇات» اق باسقارما تٶراعاسى ەسەت تۇرىسوۆ مەملەكەتتٸك ورگان ٶكٸلدەرٸنە ازاماتتاردىڭ موبيلدٸك قوسىمشاعا ەنگٸزٸلگەن قۇجاتتارىنىڭ تٸزٸمٸن كەڭەيتۋدٸ ۇسىندى.
«بٷگٸنگٸ كٷنٸ ازاماتتار eGov موبيلدٸك قوسىمشاسىنان ٶزٸنٸڭ جەكە كۋەلٸگٸن كٶرە الادى. ەگەر ٶزٸمەن بٸرگە جەكە كۋەلٸكتٸڭ تٷپنۇسقاسى بولماعان جاعدايدا, موبيلدٸك قوسىمشاداعى قۇجاتتى پايدالانا الار ەدٸ. دەل وسىنداي پرينتسيپپەن ديپلوم, جٷرگٸزۋشٸ كۋەلٸگٸ, تەحنيكالىق تٶلقۇجات جەنە باسقا دا قۇجاتتاردى ورنالاستىرۋعا بولادى» , - دەدٸ ەسەت تۇرىسوۆ .
ۆەدومستۆوارالىق كوميسسييانىڭ تٶراعاسى, تسيفرلىق دامۋ مينيسترٸ اسقار جۇماعاليەۆ بۇل يدەيانى جٷزەگە اسىرۋدا مەملەكەتتٸك ورگاندارعا قولداۋ كٶرسەتۋگە دايىن ەكەنٸن بٸلدٸردٸ.
«بٸز ٶز تاراپىمىزدان مەملەكەتتٸك ورگاندارعا بارىنشا قولداۋ كٶرسەتۋگە دايىنبىز. ازاماتتىڭ بارلىق قۇجاتتارىنىڭ بٸر قوسىمشادا ورنالاسۋى ٶتە ىڭعايلى بولار ەدٸ. وسىعان وراي, مەملەكەتتٸك ۇيىمداردىڭ تسيفرلىق قۇجاتتاردى تٷپنۇسقامەن تەڭ دەرەجەدە قابىلداۋ مەسەلەسٸن شەشۋ قاجەت», - دەدٸ مينيستر.
«ازاماتتارعا ارنالعان ٷكٸمەت» كەاق باسقارما تٶراعاسى ەسەمگٷل بالتاشەۆا ٶز كەزەگٸندە, حقو-دا ازاماتتار جەكە كۋەلٸگٸنٸڭ تٷپنۇسقاسىن ۇسىنباي-اق, ونى eGov قوسىمشاسى ارقىلى كٶرسەتە الاتىنىن ايتتى. كوميسسييا وتىرىسىندا سونداي-اق, الداعى جۇمىس جوسپارلارى تالقىلانىپ, مەملەكەتتٸك قولداۋ جەنە مەملەكەتتٸك قىزمەتتەردٸ اۆتوماتتاندىرۋ شارالارىن مەرزٸمٸنەن كەشٸكتٸرمەۋ, مەملەكەتتٸك ورگانداردىڭ اقپاراتتىق جٷيەلەرٸن ۋاقتىلى ينتەگراتسييالاۋ قاجەتتٸگٸ ايتىلدى. تسيفرلىق كوميسسارلار كٶتەرگەن مەسەلەلەر دە تالقىلاندى.
اتاپ ايتقاندا, كوميسسييا جەكە كۋەلٸكتٸ ونلاين اۋىستىرۋ قىزمەتٸنە باسا نازار اۋداردى. قىزمەتتٸ ونلاين كٶرسەتۋدەن باس تارتۋ كٶرسەتكٸشٸنٸڭ 80%-ى پايدالانۋشىلاردىڭ ساپاسىز فوتو ۇسىنۋىنا بايلانىستى. وسى ورايدا, اسقار جۇماعاليەۆ قىزمەت كٶرسەتۋشٸگە بۇل مەسەلەنٸ شەشۋ جولدارىن «ۇات» اق-مەن بٸرلەسە پىسىقتاۋدى تاپسىردى.
«ەرٸپتەستەر, ەگەر 100 ٶتٸنٸمنٸڭ 80-ٸ فوتونىڭ ساپاسىز بولۋىنا بايلانىستى قابىلدانبايتىن بولسا, وندا بۇل مەسەلەنٸ شەشۋ قاجەت, انىقتاۋ كەرەك» , - دەدٸ جۇماعاليەۆ.
بۇل ۆەدومستۆوارالىق كوميسسييانىڭ 57-شٸ وتىرىسى ەكەنٸن ايتىپ ٶتكەن جٶن. كوميسسييا قابىلداعان شەشٸمدەر مەن مەملەكەتتٸك ورگاندار جٷرگٸزگەن جۇمىس نەتيجەسٸندە 231 مەملەكەتتٸك قىزمەت اۆتوماتتاندىرىلدى جەنە وڭتايلاندىرىلدى. وسىنىڭ ەسەبٸنەن تالاپ ەتٸلەتٸن قۇجاتتاردىڭ ورتاشا پاكەتٸ 30%-عا ازايىپ, قىزمەت كٶرسەتۋدٸڭ ورتاشا مەرزٸمٸ 3 ەسە (31 كٷننەن 10 كٷنگە دەيٸن) قىسقاردى.
