© Photo : Dean Moriarty
پرەمەر-مينيستر ەليحان سمايىلوۆ جۇمىسسىزدارعا بوس جۇمىس ورىندارى تۋرالى ەلەكتروندى حابارلامالار جٸبەرۋ مەسەلەسٸن پىسىقتاۋدى تاپسىردى, دەپ حابارلايدى Sputnik قازاقستان.
ول بيىل ۇلتتىق جوبالاردى ٸسكە اسىرۋ اياسىندا 269 مىڭنان اسا جۇمىس ورنى قۇرىلۋعا تيٸس ەكەنٸن اتاپ ٶتتٸ. قازٸر 203 مىڭنان استام ادام جۇمىسقا ورنالاسقان. الايدا 175 مىڭى – ۋاقىتشا جۇمىس.
"بٸز تۇراقتى جۇمىس ورىندارىن كٶبەيتۋگە كٷش سالۋىمىز كەرەك. ول ٷشٸن تسيفرلىق تەحنولوگييالارعا سٷيەنۋ ماڭىزدى. مەملەكەتتٸك ورگانداردىڭ جٷيەلەرٸن تولىق ينتەگراتسييالاي وتىرىپ, جۇمىسپەن قامتۋ سەرۆيستەرٸنٸڭ بارلىعىن تسيفرلاندىرۋ قاجەت", - دەدٸ سمايىلوۆ ٷكٸمەت وتىرىسىندا.
وتباسىنىڭ تسيفرلىق كارتاسى, ەلەكتروندى ەڭبەك بيرجاسى مەن جۇمىس ورىندارىن قۇرۋدىڭ ينتەگراتسييالانعان كارتاسىن بٸرٸكتٸرگەننەن كەيٸن, جۇمىسسىز جٷرگەندەرگە ەلەكتروندى حابارلامالار ارقىلى ۆاكانسييالار ۇسىنۋعا بولادى, دەپ جالعاستىردى سٶزٸن پرەمەر.
"جۇمىسسىزدارعا ٶتٸنٸش جازباي-اق بوس جۇمىس ورىندارىن ۇسىنۋ ماڭىزدى. مۇنداي قىزمەتتەردٸ سمارتفون ارقىلى قولجەتٸمدٸ ەتۋ قاجەت", - دەدٸ ٷكٸمەت باسشىسى.
سمايىلوۆ پرەزيدەنتتٸڭ تاپسىرماسىمەن مەملەكەتتٸك ورگاندار مەن بارلىق دەڭگەيدەگٸ ەكٸمدەردٸڭ جۇمىسى جاڭا جۇمىس ورىندارىن قۇرۋ بويىنشا KPI كٶرسەتكٸشٸ نەگٸزٸندە باعالاناتىنىن ەسكە سالدى.
سونداي-اق ول جاستاردى جۇمىسپەن قامتۋدىڭ جاڭا تەسٸلدەرٸ مەن مەحانيزمدەرٸن ەنگٸزۋگە ەرەكشە نازار اۋدارۋدى تاپسىردى.
"جىل سايىن ەڭبەك نارىعىنا 300 مىڭعا جۋىق جاس شىعادى. ولاردىڭ جۇمىس تەجٸريبەسٸ جوق, سوندىقتان جاستارعا بٸرٸنشٸ كەزەكتە جۇمىسقا ورنالاسۋعا كٶمەكتەسۋ كەرەك", - دەدٸ پرەمەر-مينيستر.
سمايىلوۆ تيٸستٸ مينيسترلٸكتەرگە ەڭبەك ادامىنىڭ وڭ يميدجٸن قالىپتاستىرۋدى تاپسىردى.
