قازاقستاندا جەكە جۇمىسپەن قامتۋ ورتالىقتارى جۇمىسسىزداردى جۇمىسقا ورنالاستىرعانى ٷشٸن اقشا الا الادى, دەپ حابارلايدى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸ.
«مەملەكەت بٸر جۇمىسسىزدى جۇمىسقا ورنالاستىرۋ ٷشٸن جۇمىسپەن قامتۋ سالاسىندا اۋتسورسينگتٸك قىزمەت كٶرسەتەتٸن جەكە كومپانييالارعا 52 مىڭ تەڭگەگە دەيٸن تٶلەۋگە دايىن. جەكە جۇمىسپەن قامتۋ اگەنتتٸكتەرٸ 2018 جىلدان باستاپ مەملەكەتتٸك حالىقتى جۇمىسپەن قامتۋ ورتالىقتارىندا تٸركەلگەن جۇمىسسىزدارعا جۇمىس ٸزدەۋ جەنە جۇمىسپەن قامتۋ قىزمەتتەرٸن ۇسىنىپ كەلەدٸ.
بۇل قىزمەتتەردٸ جوعارى (نەمەسە جوعارى وقۋ ورنىنان كەيٸنگٸ) نەمەسە تەحنيكالىق جەنە كەسٸپتٸك بٸلٸمٸ بار جەنە جۇمىسپەن قامتۋ جەنە (نەمەسە) كادرلارمەن قامتاماسىز ەتۋ سالاسىندا قىزمەت كٶرسەتۋدە كەمٸندە 1 جىلدىق تەجٸريبەسٸ بار جۇمىسكەرلەرٸ بار زاڭدى تۇلعالار دا, جەكە تۇلعالار دا ۇسىنا الادى», - دەلٸنگەن حابارلامادا.
اۋتسورسينگ قىزمەتتەرٸن ۇسىنۋ ٷشٸن ەلەكتروندى ەڭبەك بيرجاسىنداعى (www.enbek.kz) جەكە كابينەت ارقىلى جۇمىسپەن قامتۋ ورتالىعى ورنالاستىرعان لوتتى تاڭداپ, بٸلٸكتٸلٸك تالاپتارىنا سەيكەستٸگٸن راستايتىن قۇجاتتاردى تٸركەۋ قاجەت. ەگەر بەرٸ دۇرىس بولسا, جۇمىسپەن قامتۋ ورتالىعى مەن لوتتى تاڭداعان جەكە اگەنتتٸك اراسىندا اۋتسورسينگ تۋرالى كەلٸسٸم جاسالادى. جەكە جۇمىسپەن قامتۋ اگەنتتٸگٸ كەلٸسٸمگە قول قويعان سەتتەن باستاپ جۇمىسقا ورنالاستىرۋ ٷشٸن جۇمىسسىزداردىڭ تٸزٸمٸ بەرٸلەدٸ. قىزمەتتەرگە اقى تٶلەۋ كەزٸندە كەلٸسٸمشارت سوماسىنىڭ 20% الدىن-الا تٶلەۋ قاراستىرىلعان.
«جەكە اگەنتتٸك 30 جۇمىس كٷنٸ ٸشٸندە جۇمىس ٸزدەيدٸ. جۇمىسپەن قامتۋ اگەنتتٸكتەرٸ ارقىلى ورنالاسقاندار بٸر جۇمىس ورنىندا (بٸر جۇمىس بەرۋشٸمەن) 6 اي بويى ٷزدٸكسٸز جۇمىس ٸستەۋٸ كەرەك. بۇل فاكت قىزمەتكەرگە مٸندەتتٸ زەينەتاقى جارنالارىن اۋدارۋ ارقىلى راستالادى», - دەدٸ ەڭبەك رەسۋرستارىن دامىتۋ ورتالىعىنىڭ (بۇدان ەرٸ ەردو) جۇمىسپەن قامتۋ قىزمەتٸن دامىتۋ دەپارتامەنتٸنٸڭ ديرەكتورى يرينا رۋباشينا.
ونىڭ پٸكٸرٸنشە, جۇمىسپەن قامتۋ سالاسىنداعى اۋتسورسينگ قىزمەتتەر جاڭا بيزنەستٸ اشقىسى كەلەتٸندەر ٷشٸن جاقسى مٷمكٸندٸك بولۋى مٷمكٸن, ٶيتكەنٸ ٸس جٷزٸندە ەشقانداي قارجىلىق سالىمداردى قاجەت ەتپەيدٸ.
«مەملەكەت جۇمىسسىزداردىڭ جۇمىسقا ورنالاسۋىنا جەنە جۇمىس ورنىندا ٷش جەنە التى ايدان كەيٸن جۇمىس ٸستەگەن ۋاقىتىنا اقى تٶلەۋگە كەپٸلدٸك بەرەدٸ. تاريفتٸڭ مٶلشەرٸ 35 000-نان 52 500 تەڭگەگە دەيٸن جەنە جۇمىسسىزدارعا جۇمىس تابۋدىڭ قيىندىعىنا جەنە جۇمىسپەن قامتۋ ورتالىعىندا - قالادا نەمەسە اۋىلدىق جەردە تٸركەلۋٸنە بايلانىستى. جەكە اگەنتتٸك اۋماقتىق تۇرعىدان تەۋەلسٸز, دەمەك, بٸرنەشە ايماقتاردا جەنە بٸرنەشە اۋتسورسينگ كەلٸسٸمدەرٸ بويىنشا قىزمەت كٶرسەتە الادى», - دەدٸ رۋباشينا.
اۋتسورسينگ تۋرالى كەلٸسٸم ەلەكتروندىق فورماتتا جاسالادى. حالىقتى جۇمىسپەن قامتۋ ورتالىقتارى جەكە جۇمىسپەن قامتۋ اگەنتتٸكتەرٸنە جان-جاقتى كونسۋلتاتسييالىق قولداۋ كٶرسەتەدٸ جەنە جۇمىسقا ورنالاستىرۋ ٷشٸن قاجەت جۇمىسسىزدار تۋرالى تولىق اقپاراتتى ۇسىنادى.
اۋتسورسينگ مەسەلەلەرٸ بويىنشا جاقىن جەردە ورنالاسقان حالىقتى جۇمىسپەن قامتۋ ورتالىعىنا نەمەسە ەردو-عا 8-7172-954317 تەلەفونى ارقىلى (ٸشكٸ نٶمٸر 392 جەنە 384) نەمەسە d.toktarov@enbek.kz, k.galym@enbek.kz e-mail ارقىلى حابارلاسۋعا بولادى.
