فوتو: gov.kz
مەملەكەت باسشىسىنىڭ جارلىعىمەن 2025 جىل جۇمىسشى ماماندىقتارىنىڭ جىلى بولىپ جارييالاندى. تەحنيكالىق جەنە كەسٸپتٸك بٸلٸم بەرۋ جٷيەسٸن رەفورمالاۋدى جٷزەگە اسىرۋ ماقساتىندا ٷكٸمەتپەن جۇمىسشى ماماندىقتار جىلىن ۇيىمداستىرۋ جٶنٸندەگٸ رەسپۋبليكالىق جوسپار بەكٸتٸلدٸ, سونداي-اق مينيسترلٸكپەن كەسٸپتٸك-تەحنيكالىق بٸلٸم بەرۋدٸ ترانسفورماتسييالاۋدىڭ 2025-2027 جىلدارعا ارنالعان جول كارتاسى قابىلداندى, دەپ وقۋ-اعارتۋ مينيسترلٸگٸنٸڭ باسپاسٶز قىزمەتٸ.
اتاپ ٶتۋ كەرەك, ەلٸمٸزدٸڭ بارلىق ٶڭٸرلەرٸندە جۇمىسشى ماماندىقتارىنىڭ يميدجٸن ٸلگەرٸلەتۋ, كادرلار دايارلاۋدىڭ ساپاسىن ارتتىرۋ, جۇمىس بەرۋشٸلەرمەن ىنتىماقتاستىقتى كەڭەيتۋ شارالارى قامتىلعان جۇمىسشى ماماندىقتارىنىڭ جىلىنا ارنالعان جوسپارلار ەزٸرلەندٸ.
بٷگٸندە قازاقستاندا كەسٸپتٸك-تەحنيكالىق بٸلٸم بەرۋ جٷيەسٸندە 772 كوللەدج جۇمىس ٸستەيدٸ, وندا 565 مىڭ ستۋدەنت وقيدى. 2024 جىلدىڭ قورىتىندىسى بويىنشا تەحنيكالىق جەنە كەسٸپتٸك بٸلٸم بەرۋدەگٸ مەملەكەتتٸك تاپسىرىس كٶلەمٸ 143 مىڭ ورىندى قۇرادى, ال ستۋدەنتتەردٸڭ ستيپەنديياسى ەكٸ ەسەگە ٶستٸ.
ٸس-شارالار جوسپارىندا ٶڭٸرلٸك ەرەكشەلٸكتەر ەسكەرٸلە وتىرىپ جاسالعان جاڭا كەسٸپتەر مەن قۇزىرەتتەر اتلاسى, تەحنيكالىق جەنە كەسٸپتٸك بٸلٸم بەرۋدٸ ترانسفورماتسييالاۋ, حالىقارالىق دەڭگەيدەگٸ سەرتيفيكاتتالعان مامانداردى دايىنداۋ, جۇمىسشى ورىندارىن قۇرۋ, جۇمىسشى مامانداردىڭ قۇقىقتارىن قورعاۋ جەنە مەرتەبەسٸن كٶتەرۋ قامتىلعان. كەسٸپورىندارمەن بٸرلەسٸپ ەلٸمٸزدٸڭ مەكتەپتەرٸندە 1000 بەيٸندٸ سىنىپ اشىلادى.
«كەسٸپتٸك باعدار بەرۋدٸڭ رەفورماسى وقۋشىلارعا ەڭبەك نارىعىنداعى جاڭا تالاپتار تۋرالى بٸلۋگە, ەكونوميكانىڭ ناقتى سەكتورلارىنداعى مانساپ پەرسپەكتيۆالارىن باعالاۋعا جەنە ماماندىقتاردى دۇرىس تاڭداۋعا مٷمكٸندٸك بەرەدٸ. بۇل ٷشٸن مەكتەپتەردەگٸ كەسٸبي باعدارلاۋ قىزمەتٸ كٷشەيتٸلەدٸ, وسى ارقىلى وقۋشىلار تولىعىمەن كەسٸبي دياگنوستيكامەن قامتىلادى. جوعارى سىنىپ وقۋشىلارىن پراكتيكالىق داعدىلارعا جەنە كوللەدجدەر بازاسىندا العاشقى جۇمىس كەسٸبٸنە وقىتۋ تەجٸريبەسٸ ەنگٸزٸلەدٸ», - دەپ اتاپ ٶتتٸ وقۋ-اعارتۋ مينيسترٸ عاني بەيسەمباەۆ.
مەملەكەت كوللەدجەردٸ جان باسىنا شاققانداعى قارجىلاندىرۋدىڭ جاڭا نورماتيۆٸن قابىلدادى. قازٸرگٸ ۋاقىتتا بٸر ستۋدەنتتٸ وقىتۋعا بٶلٸنەتٸن قاراجاتتىڭ ورتاشا مٶلشەرٸ 437 مىڭ تەڭگەنٸ قۇراسا, كەلەسٸ وقۋ جىلىنان باستاپ ناقتى كٶرسەتكٸشتەرگە جەتكەن كوللەدجدەر ٷشٸن ول ورتاشا ەسەپپەن 912 مىڭ تەڭگەنٸ قۇرايتىن بولادى.
«بەسەكەگە قابٸلەتتٸ ماماندار دايارلاۋ, بٸلٸم ۇيىمدارىن زاماناۋي ماتەريالدىق-تەحنيكالىق قۇرالدارمەن جابدىقتاۋ جەنە پەداگوگتەردٸڭ بٸلٸكتٸلٸگٸن ارتتىرۋ بٸز ٷشٸن باستى باسىمدىق», – دەدٸ وقۋ-اعارتۋ مينيسترٸ.
دۋالدى وقىتۋ جٷيەسٸن دامىتۋ جەنە كەسٸپورىنداردىڭ ماقساتتى تاپسىرىسى نەگٸزٸندە ماماندار دايارلاۋ ٷشٸن بيزنەس-قۇرىلىمدار مەن ينۆەستورلاردى بەلسەندٸ تٷردە تارتۋ جوسپارلانۋدا.
قازٸرگٸ ۋاقىتتا كوللەدجدەرگە 518 كەسٸپورىن شەفتٸك قامقورلىق كٶرسەتەدٸ, ولاردىڭ سانىن 4 مىڭعا دەيٸن جەتكٸزۋ جوسپارلانۋدا, كەسٸپتٸك ستاندارتتاردىڭ, مجمبس جەنە WorldSkills ستاندارتتارىنىڭ تالاپتارىن ەسكەرە وتىرىپ, 8 مىڭعا جۋىق بٸلٸم بەرۋ باعدارلاماسى ەزٸرلەندٸ. بيىل كوللەدجدەر مەن جۇمىس بەرۋشٸلەر 2 مىڭنان استام بٸلٸم بەرۋ باعدارلاماسىن دايىندايدى, سونداي-اق ٶندٸرٸستٸك بازادا 1,5 مىڭ پەداگوگتٸڭ تاعىلىمدامادان ٶتۋٸ جوسپارلانۋدا.
تەحنيكالىق جەنە كەسٸپتٸك بٸلٸم بەرۋدٸ ترانسفورماتسييالاۋ بارىسىندا قازاقستاننىڭ 10 كوللەدجٸ ينتەرناتسيونالداندىرىلادى.
شەتەلدٸك كوللەدجدەرمەن تەجٸريبە الماسۋ پەداگوگتەردٸڭ كەسٸبي قۇزىرەتتٸلٸكتەرٸن ارتتىرۋعا, سونداي-اق ستۋدەنتتەردٸڭ اكادەمييالىق ۇتقىرلىق شەڭبەرٸندە ٶز بٸلٸمدەرٸن جەتٸلدٸرۋٸنە مٷمكٸندٸك بەرەدٸ.
مەملەكەت باسشىسى باستاماشىلىق ەتكەن جۇمىسشى ماماندىقتارىنىڭ جىلى اياسىندا استانادا تەحنيكالىق جەنە كەسٸپتٸك بٸلٸم بەرۋ ستۋدەنتتەرٸن قولداۋ جەنە دامىتۋ ٷشٸن ۇلتتىق قۇزىرەتتٸلٸك ورتالىعى قۇرىلادى.
«ورتالىق ستۋدەنتتەردٸڭ كەسٸبي قۇزىرەتتٸلٸكتەرٸ مەن داعدىلارىن دامىتۋعا ىقپال ەتەدٸ, سونداي-اق مامانداردى قايتا دايارلاۋ, ولاردىڭ بٸلٸكتٸلٸگٸن ارتتىرۋ جەنە WorldSkills چەمپيوناتتارىن ٶتكٸزۋ بازاسىنا اينالادى», – دەپ اتاپ ٶتتٸ عاني بەيسەمباەۆ.
جۇمىسشى ماماندىقتار جىلىنداعى ماڭىزدى شارالاردىڭ بٸرٸ - بيىلعى جىلى اقتاۋ قالاسىندا تٷركٸتٸلدەس ەلدەر اراسىندا Turkiskills – 2025 العاشقى كەسٸبي شەبەرلٸك چەمپيوناتى ٶتەدٸ.
