جول كارتاسى جۇمىسسىزدىقپەن كٷرەستٸڭ تيٸمدٸ قۇرالىنا اينالدى, دەپ حابارلايدى نۇر-سۇلتان ەكٸمدٸگٸنٸڭ رەسمي سايتى.
بٷگٸندە ەلوردادا «جۇمىسپەن قامتۋدىڭ جول كارتاسى» باعدارلاماسى اياسىندا 2410 ادام جۇمىسقا ورنالاستىرىلدى. سونداي-اق 91 ۇيىممەن نيەت حاتتاماسى جاسالىپ, 87 جوبا بويىنشا جۇمىستار باستالدى. بوس ورىنداردى 91 جۇمىس بەرۋشٸ ۇسىنعان.
بۇرىن حابارلانعانداي, «جۇمىسپەن قامتۋدىڭ جول كارتاسى – 2020-2021» باعدارلاماسى اياسىندا ەلوردادا 15 مىڭنان استام ادامدى جۇمىسپەن قامتۋ جوسپارلانعان. ولاردىڭ جارتىسى قالالىق جۇمىسپەن قامتۋ ورتالىعى ارقىلى ٶتەدٸ. ەلوردا تۇرعىندارى تٷرلٸ باعىتتار بويىنشا باستالعان 87 ينفراسترۋكتۋرالىق جوباعا جۇمىسقا ورنالاسا الادى. جۇمىسپەن قامتۋدىڭ جول كارتاسى بويىنشا ەلەۋمەتتٸك سالا, ينجەنەرلٸك-كٶلٸكتٸك ينفراقۇرىلىم, تۇرعىن ٷي-كوممۋنالدىق شارۋاشىلىق, ەلدٸ مەكەندەردٸ اباتتاندىرۋ بويىنشا 117 ينفراقۇرىلىمدىق جوباعا جۇمىسقا ورنالاستىرۋ جوسپارلانۋدا. قازٸرگٸ ۋاقىتتا جۇمىسپەن قامتۋ ورتالىعىنىڭ قىزمەتكەرلەرٸ جۇمىسپەن قامتۋ جول كارتاسى جوبالارىنا كادرلار ٸرٸكتەۋدە. بوس جۇمىس ورىندارى enbek.kz ەلەكتروندى ەڭبەك بيرجاسىندا قولجەتٸمدٸ بولادى. ولار قۇرىلىس, جٶندەۋ, اباتتاندىرۋ سالالارىندا جۇمىس ٸستەۋگە مٷمكٸندٸك بەرەدٸ.
بۇدان بٶلەك, اقپاراتتىق-تٷسٸندٸرۋ جۇمىستارىن جٷرگٸزۋ, مەديتسينالىق تەكسەرۋ, قىزمەتكەرلەردٸ جيناۋ جەنە جۇمىس ورنىنا دەيٸن تاسىمالداۋ ٷشٸن موبيلدٸ رەكرۋت پۋنكتٸ قۇرىلدى. باعدارلاماعا قاتىسۋ ٷشٸن نۇر-سۇلتان قالالىق جۇمىسپەن قامتۋ ورتالىعىنا كەلەسٸ نٶمٸرلەر بويىنشا حابارلاسۋ قاجەت: 57-88-89, 72-93-62. تولىق اقپارات جۇمىسپەن قامتۋ ورتالىعىنىڭ (cz.astana.kz) رەسمي سايتىندا.
