Jol kartasy jumyssyzdyqpen kúrestiń tiimdi quralyna ainaldy, dep habarlaidy Nur-Sultan ákimdiginiń resmi saity.
Búginde elordada «Jumyspen qamtýdyń jol kartasy» baǵdarlamasy aiasynda 2410 adam jumysqa ornalastyryldy. Sondai-aq 91 uiymmen niet hattamasy jasalyp, 87 joba boiynsha jumystar bastaldy. Bos oryndardy 91 jumys berýshi usynǵan.
Buryn habarlanǵandai, «Jumyspen qamtýdyń jol kartasy – 2020-2021» baǵdarlamasy aiasynda elordada 15 myńnan astam adamdy jumyspen qamtý josparlanǵan. Olardyń jartysy qalalyq jumyspen qamtý ortalyǵy arqyly ótedi. Elorda turǵyndary túrli baǵyttar boiynsha bastalǵan 87 infrastrýktýralyq jobaǵa jumysqa ornalasa alady. Jumyspen qamtýdyń jol kartasy boiynsha áleýmettik sala, injenerlik-kóliktik infraqurylym, turǵyn úi-kommýnaldyq sharýashylyq, eldi mekenderdi abattandyrý boiynsha 117 infraqurylymdyq jobaǵa jumysqa ornalastyrý josparlanýda. Qazirgi ýaqytta jumyspen qamtý ortalyǵynyń qyzmetkerleri jumyspen qamtý jol kartasy jobalaryna kadrlar irikteýde. Bos jumys oryndary enbek.kz elektrondy eńbek birjasynda qoljetimdi bolady. Olar qurylys, jóndeý, abattandyrý salalarynda jumys isteýge múmkindik beredi.
Budan bólek, aqparattyq-túsindirý jumystaryn júrgizý, meditsinalyq tekserý, qyzmetkerlerdi jinaý jáne jumys ornyna deiin tasymaldaý úshin mobildi rekrýt pýnkti quryldy. Baǵdarlamaǵa qatysý úshin Nur-Sultan qalalyq jumyspen qamtý ortalyǵyna kelesi nómirler boiynsha habarlasý qajet: 57-88-89, 72-93-62. Tolyq aqparat jumyspen qamtý ortalyǵynyń (cz.astana.kz) resmi saitynda.
