مەملەكەت جۇمىسقا ورنالاستىرۋ بويىنشا اۋتسورسينگتٸك قىزمەت كٶرسەتۋگە نيەت بٸلدٸرگەن كومپانييالارعا جەنە جەكە تۇلعالارعا بٸر جۇمىسسىز ازامات ٷشٸن 35 مىڭنان 52,5 مىڭ تەڭگەگە دەيٸن قارجى تٶلەۋگە دايىن, دەپ حابارلايدى "ۇلت اقپارات".
«ەكٸ جىلدان بەرٸ مەملەكەت جۇمىس ٸزدەۋ جەنە جۇمىسسىزداردى ەڭبەككە ورنالاستىرۋ بويىنشا اۋتسورسينگتٸك قىزمەت كٶرسەتەتٸن جەكە HR-اگەنتتٸكتەردٸ تارتۋدا. جۇمىسقا سەتتٸ ورنالاستىرىلعان ەربٸر ادام ٷشٸن 35 مىڭ تەڭگەدەن 52,5 مىڭ تەڭگەگە دەيٸن تٶلەنەدٸ. بٸراق كٶپتەگەن ادامدار تٸپتٸ, جەكە تۇلعالار وسىلاي تابىس تابۋعا بولاتىنىن بٸلمەيدٸ.
«حالىقتى جۇمىسپەن قامتۋ تۋرالى» زاڭعا سەيكەس اۋتسورسينگتٸك قىزمەت كٶرسەتۋگە قاتىساتىن ٷمٸتكەرلەرگە بٸردەي تالاپتار قويىلادى. زاڭدى جەنە جەكە تۇلعالاردىڭ تيٸستٸ جۇمىس تەجٸريبەسٸ, سونداي-اق قاجەتتٸ ماتەريالدىق جەنە ەڭبەك رەسۋرستارى بولۋى تيٸس. ال, جەكە تۇلعالاردىڭ تەك بٸر عانا جالدامالى قىزمەتكەرٸ جەنە جەكە كەسٸپكەرلٸك تۋرالى تٸركەۋٸ بولسا جەتكٸلٸكتٸ», - دەيدٸ «ەڭبەك رەسۋرستارىن دامىتۋ ورتالىعى» اق-دان.
اۋتسورسينگ قاتىسۋشىلارى مەملەكەتتەن بٸرقاتار تيٸمدٸ ۇسىنىستار مەن ارتىقشىلىقتاردى الا الادى:
- مەملەكەتتٸك جۇمىسپەن قامتۋ ورتالىعىنىڭ ماماندارى جان-جاقتى قولداۋ كٶرسەتەدٸ;
- حالىقتى جۇمىسپەن قامتۋ ورتالىعى جۇمىسسىزدار تۋرالى تولىق اقپارات بەرەدٸ;
- ەلەكتروندى فورماتتا حالىقتى جۇمىسپەن قامتۋ ورتالىعىمەن اۋتسورسينگ تۋرالى شارتتى «ەلەكتروندىق ەڭبەك بيرجاسىندا» (www.enbek.kz) جاساي الادى;
- اۋتسورسينگتٸك قىزمەت كٶرسەتۋ اياسىندا جۇمىسسىزداردى جۇمىسقا ورنالاستىرۋ ٷشٸن كەپٸلدٸ تٶلەم الادى;
- «ەلەكتروندىق ەڭبەك بيرجاسى» پورتالىنداعى بوس جۇمىس ورىندارىن شەكسٸز پايدالانا الادى.
«حالىقتى جۇمىسپەن قامتۋ سالاسىندا اۋتسورسينگتٸك قىزمەت كٶرسەتۋ جاڭا بيزنەستٸ باستاعىسى كەلەتٸندەرگە تاماشا مٷمكٸندٸك. ٶيتكەنٸ قاتىسۋ ٷشٸن از قارجى جۇمسالادى. شارت بويىنشا اۋتسورسينگتٸك قىزمەت كٶرسەتەتٸن اگەنتتٸك نەمەسە جەكە كەسٸپكەر (جك) 30 جۇمىس كٷن ٸشٸندە بوس جۇمىس ورنىن ٸزدەپ تابۋى كەرەك. اۋتسورسينگ ارقىلى جۇمىسقا ورنالاسقان ازاماتتار التى ايدان كەم ەمەس ٷزدٸكسٸز جۇمىس ٸستەۋٸ تيٸس», - دەدٸ «ەڭبەك رەسۋرستارىن دامىتۋ ورتالىعى» اق جۇمىسپەن قامتۋ قىزمەتٸن دامىتۋ دەپارتامەنتٸنٸڭ ديرەكتورى يرينا رۋباشينا.
ونىڭ ايتۋىنشا, ازاماتتاردى جۇمىسقا ورنالاستىرعانى ٷشٸن مەملەكەت اقى تٶلەۋگە كەپٸلدٸك بەرەدٸ. تاريف كٶلەمٸ 35 000 تەڭگەدەن 52 500 تەڭگە ارالىعىندا. قارجى كٶلەمٸ جۇمىسسىزدىڭ جۇمىسقا ورنالاسۋ قيىندىعىنا جەنە ونىڭ قالا نەمەسە اۋىلدىق جۇمىسپەن قامتۋ ورتالىعىندا تٸركەلگەن ورنىنا بايلانىستى بولادى.
«اۋتسورسينگتٸك قىزمەت كٶرسەتەتٸن كومپانييالار نە جەكە تۇلعالاردىڭ تٸركەلۋ ورنىنا ەشقانداي تالاپتار قويىلمايدى. ياعني جەكە اگەنتتٸكتەر بٸرنەشە ٶڭٸردە جەنە اۋتسورسينگ تۋرالى بٸرنەشە كەلٸسٸمشارت بويىنشا قىزمەت كٶرسەتە الادى», – دەپ تولىقتىردى ي. رۋباشينا.
اۋتسورسينگ مەسەلەلەرٸ بويىنشا جاقىن جەردە ورنالاسقان حالىقتى جۇمىسپەن قامتۋ ورتالىعىنا نەمەسە «ەڭبەك رەسۋرستارىن دامىتۋ ورتالىعى» اق-عا حابارلاسۋعا بولادى.
