پرەمەر-مينيستر ورىنباسارى ەرالى توعجانوۆ «ەلەۋمەتتٸك جەلٸدە ماڭعىستاۋ ٶڭٸرٸندە جۇمىس مەسەلەسٸ كٷردەلٸ, كٷندە ايقاي تولاستار ەمەس. جۇمىسىزدار سانى كٶپ. ماڭعىستاۋدا 5 مىڭ جۇمىس كٶزٸ اشىلادى دەپ ايتىلعانىنا قاراماستان بٸردە بٸر جۇمىس ورنى اشىلعان جوق دەپ جازىلۋدا. وسى تۋرالى نە ايتاسىز» دەگەن جۋرناليستٸڭ ساۋالىنا ٷكٸمەت كۋلۋارىندا جاۋاپ بەردٸ, دەپ حابارلايدى Baq.kz اگەنتتٸگٸ.
"بٸرٸنشٸدەن, ماڭعىستاۋ وبلىسىن ەلەۋمەتتٸك-ەكونوميكالىق دامىتۋ جٶنٸندەگٸ 2021-2025 جىلدارعا ارنالعان كەشەندٸ جوسپار ەزٸرلەنٸپ, ٸسكە اسىرىلۋدا. كەشەندٸ جوسپارعا سەيكەس ٶڭٸردە جالپى 55 مىڭ جۇمىس ورىندارىن اشۋ كٶزدەلگەن, ونىڭ ٸشٸندە بيىلدىڭ ٶزٸندە 15 مىڭعا جۋىق جۇمىس ورىندارىن اشۋ جوسپارلانعان", - دەدٸ ەرالى توعجانوۆ.
بۇل جوسپاردىڭ ەربٸر تارماعىن ٸسكە اسىرۋ بويىنشا جاۋاپتى ناقتى مەملەكەتتٸك ورگاندار انىقتالعان. كەشەندٸ جوسپاردىڭ ورىندالۋى ٷكٸمەتتٸڭ باقىلاۋىندا.
"ستاتيستيكالىق دەرەكتەرگە سەيكەس 2022 جىلدىڭ 1-شٸ توقسانىندا ماڭعىستاۋ وبلىسىندا 17,3 مىڭ جۇمىسسىز ادام تٸركەلگەن. (جۇمىسسىزدىق دەڭگەيٸ – 4,9%). ەكٸنشٸدەن, جالپى جىل باسىنان بەرٸ ماڭعىستاۋ وبلىسىندا 11,5 مىڭنان اسا جۇمىسقا ورنالاستىرىلدى (ونىڭ 6,7 مىڭى تۇراقتى جۇمىستار). ونىڭ ٸشٸندە 4,3 مىڭ جۇمىس ورنى جاڭاٶزەن قالاسىندا (ونىڭ 2,7 مىڭى تۇراقتى جۇمىس ورىندارى). ياعني جوسپار ورىندالۋدا. بۇل جٷرگٸزٸپ جاتقان جۇمىستاردىڭ ناقتى نەتيجەسٸ", - دەدٸ ول.
جۇمىسپەن قامتۋ ورتالىقتارى ارقىلى – 9,7 مىڭ جۇمىس ورنى. قازمۇنايگاز اق قۇرىلىمدارىندا – 561 جۇمىس ورنى. سەرۆيستٸك كومپانييالاردا – 321 جۇمىس ورنى. باسقا دا جۇمىس كٶزدەرٸندە – 646 جۇمىس ورنى.
"ٷشٸنشٸدەن, ماڭعىستاۋ وبلىسىنداعى ەلەۋمەتتٸك-ەڭبەك احۋالى ٷكٸمەتتٸڭ كٷندەلٸكتٸ, تۇراقتى باقىلاۋىندا. وبلىستا ٶڭٸر باسشىسىنىڭ جەتەكشٸلٸگٸمەن ارنايى شتاب تۇراقتى تٷردە جۇمىس ٸستەپ جاتىر. تٶرتٸنشٸدەن, تەك مۇناي سالاسىندا عانا جۇمىس ٸستەۋٸم قاجەت دەگەن تالاپ قويۋ ورىنسىز. جۇمىسسىز تۇرعىنداردىڭ بارلىعىن مۇناي سالاسىنا ورنالاستىرۋ مٷمكٸن ەمەس. جالپى «جۇمىس جوق» دەپ, قول قۋسىرىپ, قاراپ وتىرۋعا بولمايدى. ەرەكەت جاساعان ادامدارعا جۇمىس ەرقاشان تابىلادى", - دەدٸ توعجانوۆ.
قارىنداسىمىز دينارا ناۋموۆا مٷمكٸندٸگٸ شەكتەۋلٸ بولۋىنا قاراماستان ٶز ٸسٸن اشىپ, ٶزٸن جۇمىسپەن قامتىپ قانا قويماي, 70-تەن اسا ادامعا جۇمىس بەرٸپ وتىر.
"حالقىمىزدا «ەرەكەت تٷبٸ بەرەكەت» دەگەن ناقىل سٶز بار. تۋمىسىنان ەكٸ قولى جوق انار بەكسۇلتانوۆانىڭ ەرٸك-جٸگەرٸ جاستارىمىزعا ٷلگٸ بولۋى تيٸس. ول اياعىمەن ٸس تٸگۋدٸ ٷيرەنٸپ, ٶز كەسٸبٸن اشقان. سارىاعاشتىق تاكسيست, تاعدىردىڭ جازمىشىمەن ەكٸ اياعىنان ايرىلعان نۇرجان باۋىرىمىزدىڭ ەلەۋمەتتٸك جەلٸلەردە تاراعان ۆيدەوسىن بەرٸڭٸز كٶردٸڭٸزدەر. ول «جۇمىس جوق دەگەنگە سەنبەيمٸن» دەيدٸ. سوندىقتان جۇمىس ٸزدەگەن ادام نارىقتىڭ سۇرانىسىنا سەيكەس بٸلٸكتٸلٸگٸن كٶتەرٸپ, كەسٸپكەرلٸكتٸ قولداۋ باعدارلامالارىنىڭ مٷمكٸندٸگٸن پايدالانىپ, ەڭبەك ەتۋ قاجەت دەپ ويلايمىن. بەسٸنشٸدەن, جۇمىس ورىندارى تۋرالى مەسەلەنٸ كٶتەرگەندە تەك ماڭعىستاۋ وبلىسىن عانا ايتۋعا بولمايدى. بۇدان دا كٷردەلٸ مەسەلەلەر باسقا ٶڭٸرلەردە دە بار. اتىراۋ وبلىسىندا تشو كومپانيياسىنىڭ «بولاشاق كەڭەيتۋ» جوباسىنىڭ اياقتالۋىنا بايلانىستى جىل سوڭىنا دەيٸن 37 مىڭ قازاقستاندىق بوساتىلادى دەپ كٷتٸلۋدە (2 مىڭ شەتەلدٸك). قازٸردٸڭ ٶزٸندە 6 مىڭنان اسا ادام بوساتىلدى. ونىڭ 1,5 مىڭى جۇمىسقا ورنالاستىرىلدى. بوساعان قىزمەتكەرلەردٸ باسقا جوبالارعا تارتۋ, قايتا دايارلاۋ بويىنشا ناقتى جۇمىستار جٷرگٸزٸلۋدە", - دەدٸ ول.
