دوكتورانت دايىنداۋ ليتسەنزيياسى بار 80 جوو-نىڭ 54-ٸندە عانا ديسسەرتاتسييالىق كەڭەس قۇرىلعان, دەپ حابارلايدى قازاقپارات.
بٸلٸم جەنە عىلىم مينيسترلٸگٸنٸڭ بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶرايىمى گٷلزات كٶبەنوۆا ديسسەرتاتسييالىق كەڭەس پەن ديسسەرتاتسييا قورعاۋ ەرەجەلەرٸنە ەنگەن ٶزگەرٸستەر تۋرالى باياندادى.
«بۇدان بىلاي ديسسەرتاتسييالىق كەڭەستٸ اشۋ كەزٸندە جوعارى وقۋ ورنىندا تيٸستٸ ليتسەنزييانىڭ بولۋى جەتكٸلٸكسٸز. بٷگٸنگە دەيٸن وسىنداي تالاپ قانا قويىلىپ كەلگەن. ەندٸ جوو-نىڭ بازاسىندا بٸلٸم بەرۋ باعدارلامالارىنىڭ تٸزٸمٸنە ەنگەن, ساراپتامادان ٶتكەن, اككرەديتتەلگەن PhD باعدارلاماسى بولۋى كەرەك. سونداي-اق, ول باعدارلاما بويىنشا مامان دايارلاۋعا جىل سايىنعى مەملەكەتتٸك تاپسىرىسى بار بولۋى تيٸس», - دەدٸ كوميتەت باسشىسى.
ونىڭ ايتۋىنشا, قازٸرگٸ تاڭدا 80-نەن استام جوو-دا دوكتورانت دايىنداۋ ليتسەنزيياسى بار بولعانىمەن, تەك 54-ٸندە عانا ديسسەرتاتسييالىق كەڭەس جۇمىس ٸستەيدٸ. كوميتەت تٶرايىمى جاڭا نورما ديسسەرتاتسييالىق كەڭەس نەعۇرلىم دايىندىعى جوعارى جوو-لاردا عانا قۇرىلۋىنا جول اشاتىنىن ايتادى.
«بۇعان دەيٸن ديسسەرتاتسييالىق كەڭەس قۇرامى 3 جىلعا تاعايىندالىپ, تۇراقتى نەگٸزدٸ جۇمىس ٸستەپ كەلدٸ. ەندٸ ونىڭ قۇرامى ەلدەقايدا يكەمدٸ بولىپ, 50 پايىزى تۇراقتى, 50 پايىزى ۋاقىتشا مٷشەلەرگە بٶلٸنەدٸ. تۇراقتى مٷشەلەردٸ جوو-نىڭ عىلىمي كەڭەسٸ تاعايىندايدى. ال ۋاقىتشا مٷشەلەر دوكتورانتتىڭ قورعايتىن تاقىبىرىنا سەيكەس جەكە-جەكە تاعايىندالادى. بۇل ديسسەرتاتسييانىڭ ەدٸلەتتٸ باعالانۋىنا مٷمكٸندٸك بەرەدٸ», - دەدٸ گٷلزات كٶبەنوۆا.
مينيسترلٸك ٶكٸلٸ بۇعان دەيٸن دوكتورلىق ديسسەرتاتسييا قورعاۋ ٷشٸن ٷمٸتكەرلەر ەڭبەگٸن بٸرنەشە رەت تالقىلاۋدان ٶتكٸزٸپ, تٸپتٸ كەيدە اقىلى نەگٸزدە تالقىلاۋ ۇيىمداستىرۋعا مەجبٷر بولعانىن ەسكە الدى.
«دوكتورانتتار ديسسەرتاتسيياسىن قورعاۋ ٷشٸن بٸرنەشە تالقىلاۋ ساتىسىنان ٶتۋٸ كەرەك بولعان. تٸپتٸ كەيدە اقىلى نەگٸزدە تالقىلاۋدان ٶتكەن جايتتار دا بولعانى جاسىرىن ەمەس. ەندٸ بۇعان جول بەرٸلمەيدٸ. دوكتورانت تالقىلاۋدان كافەدرانىڭ كەڭەيتٸلگەن وتىرىسىندا بٸر-اق رەت ٶتەدٸ. ديسسەرتاتسيياعا قاتىستى پٸكٸرلەردٸڭ بەرٸ قورعاۋ كەزٸندە عانا ايتىلادى. بۇل دوكتورانتتى قورعاۋ الدىنداعى باسى ارتىق جٷكتەمەدەن بوساتىپ, ديسسەرتاتسييالىق كەڭەستٸڭ باعالاۋ كەزٸندەگٸ جاۋاپكەرشٸلٸگٸن ارتتىرادى», - دەدٸ كوميتەت باسشىسى.
