جوعارى وقۋ ورىندارىنىڭ وقىتۋشىلارى تولتىرۋعا مٸندەتتەلٸپ كەلگەن 11 قۇجات الىنىپ تاستالدى. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ Facebook پاراقشاسىندا جازدى, دەپ حابارلايدى "ۇلت اقپارات".
«بٸز قر بعم بۇيرىقتارىنا ٶزگەرٸستەر ەنگٸزٸپ, وقىتۋشىلار تولتىراتىن قۇجاتتار كٶلەمٸن ايتارلىقتاي قىسقارتتىق. تەك سوڭعى ٶزگەرتكەن بٸر بۇيرىقتىڭ نەگٸزٸندە مىسال كەلتٸرەيٸن. قاتاڭ ەسەپتٸلٸك نىساندارىنان 11 قۇجات الىنىپ تاستالدى. ولاردىڭ اراسىندا وقۋ ۋاقىتىن اي سايىنعى جەنە جىلدىق ەسەپكە الۋ ۆەدوموستارى, بٸلٸم الۋشىلاردى ارالىق جەنە قورىتىندى اتتەستاتتاۋعا ارنالعان بٸرنەشە ەمتيحان ۆەدوموستارى, قورىتىندى اتتەستاتتاۋدى ٶتكٸزۋ جٶنٸندەگٸ كوميسسييا وتىرىستارىنىڭ ەرتٷرلٸ حاتتامالارى جەنە تاعى باسقاسى بار», - دەدٸ بٸلٸم جەنە عىلىم مينيسترٸ.
اسحات ايماعامبەتوۆتىڭ ايتۋىنشا بٸر عانا كافەدرانىڭ جۇمىس جوسپارىن جٷرگٸزۋ ٷشٸن 21 تارماقتان قۇرالعان قۇجاتتى تولتىرۋ كەرەك. ال ول كٶپ ۋاقىتتى قاجەت ەتەدٸ.
«ونىڭ بەرٸ مٸندەتتٸ قۇجاتتاردىڭ تٸزٸمٸنەن قىسقارتىلدى. دەگەنمەن كەيبٸر ۋنيۆەرسيتەتتەر بۇرىنعى ەدەتٸنە سالىپ, ەسكٸ تالاپتاردان باس تارتا الماي كەلەدٸ. وقىتۋشىلاردان الداعى ۋاقىتتا باسشىلىق سول قۇجاتتاردى تالاپ ەتسە, قر بعم-نٸڭ بۇيرىقتارىنا سٷيەنۋٸنە بولادى. جالپى بارلىق قۇجاتتار تسيفرلىق فورماتتا جٷرگٸزٸلۋٸ قاجەت», - دەپ تولىقتىردى مينيستر.
