Joǵary oqý oryndarynyń oqytýshylary toltyrýǵa mindettelip kelgen 11 qujat alynyp tastaldy. Bul týraly Bilim jáne ǵylym ministri Ashat Aimaǵambetov Facebook paraqshasynda jazdy, dep habarlaidy "Ult aqparat".
«Biz QR BǴM buiryqtaryna ózgerister engizip, oqytýshylar toltyratyn qujattar kólemin aitarlyqtai qysqarttyq. Tek sońǵy ózgertken bir buiryqtyń negizinde mysal keltireiin. Qatań eseptilik nysandarynan 11 qujat alynyp tastaldy. Olardyń arasynda oqý ýaqytyn ai saiynǵy jáne jyldyq esepke alý vedomostary, bilim alýshylardy aralyq jáne qorytyndy attestattaýǵa arnalǵan birneshe emtihan vedomostary, qorytyndy attestattaýdy ótkizý jónindegi komissiia otyrystarynyń ártúrli hattamalary jáne taǵy basqasy bar», - dedi Bilim jáne ǵylym ministri.
Ashat Aimaǵambetovtyń aitýynsha bir ǵana kafedranyń jumys josparyn júrgizý úshin 21 tarmaqtan quralǵan qujatty toltyrý kerek. Al ol kóp ýaqytty qajet etedi.
«Onyń bári mindetti qujattardyń tiziminen qysqartyldy. Degenmen keibir ýniversitetter burynǵy ádetine salyp, eski talaptardan bas tarta almai keledi. Oqytýshylardan aldaǵy ýaqytta basshylyq sol qujattardy talap etse, QR BǴM-niń buiryqtaryna súienýine bolady. Jalpy barlyq qujattar tsifrlyq formatta júrgizilýi qajet», - dep tolyqtyrdy ministr.
