وتاندىق جوو-داعى بٸلٸم بەرۋ باعدارلامالارىنىڭ 73 پايىزى جۇمىس بەرۋشٸلەردٸڭ سۇرانىسىنا ساي كەلمەيدٸ. بۇل تۋرالى قر بعم بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶراعاسى گٷلزات كٶبەنوۆا مەلٸم ەتتٸ, دەپ حابارلايدى "ۇلت اقپارات".
«بيىل قر بٸلٸم جەنە عىلىم مينيسترلٸگٸنٸڭ تاپسىرىسى بويىنشا, «اتامەكەن» ۇكپ جوعارى وقۋ ورىندارىنىڭ بٸلٸم بەرۋ باعدارلامالارىنىڭ رەيتينگٸسٸن دايىندادى. بٷگٸنگٸ كٷنٸ بٸلٸم بەرۋ باعدارلامالارى بىلتىرمەن سالىستىرعاندا ەدٸستەمەسٸ ٶزگەردٸ. جالپى, رەيتينگتە 109 جوعارى وقۋ ورنىنان 2000 بٸلٸم بەرۋ باعدارلاماسى قامتىلدى», - دەدٸ گ. كٶبەنوۆا ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ سٶزٸنە قاراعاندا, رەيتينگ جٷرگٸزۋ بارىسىندا نەگٸزگٸ 17 كريتەريي نازارعا الىندى. ولاردىڭ ٸشٸندە تٷلەكتەردٸڭ جۇمىسقا ورنالاسۋى, ولاردىڭ ورتاشا جالاقىسى, وقۋ اياقتالعان سوڭ جۇمىس ٸزدەۋ ۇزاقتىعى سەكٸلدٸ جاعدايلار زەردەلەندٸ.
بەلگٸلٸ بولعانداي, ەلٸمٸزدٸڭ ٶڭٸرلەرٸنەن 700-دەن استام ساراپشى قاتىسىپ, ولار 6 مىڭنان استام ٶزدەرٸنٸڭ قورىتىندىسىن ۇسىندى.
«ونىڭ نەتيجەسٸنە توقتالساق, جوعارى وقۋ ورىندارى بٸلٸم بەرۋ باعدارلامالارىنىڭ 73 پايىزى جۇمىس بەرۋشٸلەردٸڭ كٶڭٸلٸنەن شىقپاي وتىر», - دەدٸ كوميتەت باسشىسى.
جٷرگٸزٸلگەن رەيتينگ بارىسىندا تٷلەكتەردٸڭ جۇمىسقا تۇرۋى 74 پايىزدى قۇرايتىنى انىقتالدى. ولاردىڭ ورتاشا ەڭبەكاقىسى 103 مىڭ تەڭگەدەن اسادى.
ايتا كەتەيٸك, «اتامەكەن» ۇلتتىق كەسٸپكەرلەر پالاتاسى ەكٸ جىل قاتارىنان قر بٸلٸم جەنە عىلىم مينيسترلٸگٸ مەن «ەڭبەك رەسۋرستارىن دامىتۋ ورتالىعى» اق-مەن بٸرلەسٸپ, وتاندىق جوعارى وقۋ ورىندارىنىڭ بٸلٸم بەرۋ باعدارلامالارىنا تەۋەلسٸز باعالاۋ جٷرگٸزٸپ كەلەدٸ.
