"جولىم ەندٸ عانا باستالدى": تٶرەعالي تٶرەەلٸ ەرەكشە كٷن تۋرالى ايتتى

فوتو: اشىق دەرەككٶز

تانىمال ەنشٸ تٶرەعالي تٶرەەلٸ تۋعان كٷنٸن دٷركٸرەتٸپ اتاپ ٶتتٸ, دەپ حابارلادى Ult.kz. 

تۋعان كٷن قارساڭىندا ٶنەر يەسٸ ەلەۋمەتتٸك جەلٸدەگٸ پاراقشاسىندا جازبا جارييالادى.

"بٷگٸن مەن ٷشٸن ەرەكشە كٷن.
مەنٸڭ ٶمٸرٸمنٸڭ 33-بەتٸ اشىلدى.

33 — جاي عانا سان ەمەس.
بۇل — ٶتكەنگە شٷكٸرشٸلٸك, كەلەشەككە جاۋاپكەرشٸلٸك.
بۇل — سابىر مەن سەنٸمنٸڭ جاسى.

ٶمٸر ماعان كٶپ نەرسە ٷيرەتتٸ.
جوعالتۋدى دا, تابۋدى دا,
قاتەلەسۋدٸ دە, قايتا تۇرۋدى دا.
ال بەرٸنەن بۇرىن — شٷكٸر ەتۋدٸ.

مەن بٷگٸن تۋعان كٷنٸمدٸ اتاپ ٶتسەم,
ەرتەڭنەن باستاپ ەل اراسىنا شىعامىن —
ٷلكەن تۋر باستالادى.
بايقوڭىردان باستاپ, قىزىلورداعا,
ەر قالاعا, ەر جٷرەككە ساپار شەگەمٸن.

مەن ٷشٸن ەر كونتسەرت —
ەن عانا ەمەس, كەزدەسۋ.
حالىقپەن, ٶزٸممەن, اللامەن كەزدەسۋ.

العىس ايتۋ — پارىز.
اتا-اناما — ٶمٸر مەن تەربيە ٷشٸن.
جارىما, تولقىنعا — ەر كٷنٸمنٸڭ تىنىشتىعى بولعانى ٷشٸن.
بالالارىما — ٶمٸرٸمنٸڭ جالعاسى, ٷمٸتٸم بولعانى ٷشٸن.
جاقىندارىما — سەنٸم مەن مەيٸرٸم ٷشٸن.
حالقىما — مەنٸ تٶرەعالي ەتكەن جٷرەك ٷشٸن.

بٷگٸن مەن 33-تەمٸن.
بٸراق مەنٸڭ جولىم ەندٸ عانا باستالدى.

ٶمٸر — ساحنا ەمەس,
ٶمٸر — سىناق پەن ساۋاپتىڭ ساپارى.
مەن سول ساپاردا — ەنمەن, نيەتپەن, جٷرەكپەن كەلەمٸن", - دەدٸ ەنشٸ.