مەملەكەتتٸك قىزمەتشٸلەردٸڭ ەڭبەكاقىسى كەلەر جىلدىڭ شٸلدەسٸنەن باستاپ, فاكتورلىق-بالدىق شكالا بويىنشا تٶلەنەدٸ.
بۇل تۋرالى قر مەملەكەتتٸك قىزمەت ٸستەرٸ اگەنتٸگٸنٸڭ ماڭعىستاۋ وبلىسى بويىنشا دەپارتامەنتٸنٸڭ باسشىسى نۇرگٷل جاننانازاروۆا مەلٸم ەتتٸ.
مەملەكەت باسشىسى بيىلعى جولداۋىندا جالاقى تٶلەۋدٸڭ جاڭا جٷيەسٸن ەنگٸزۋدٸ تاپسىردى. وسىلايشا, مەملەكەتتٸك قىزمەتكەرلەردٸڭ جاۋاپكەرشٸلٸگٸ مەن موتيۆاتسيياسى نىعايتىلماق. ەكٸ جىلدان بەرٸ ماڭعىستاۋ وبلىسىندا پيلوتتىق جوبا رەتٸندە جٷزەگە اسىپ كەلە جاتقان وسىنداي جٷيە تيٸمدٸلٸگٸن كٶرسەتتٸ. فاكتورلىق-بالدىق شكالا بويىنشا ەڭبەكاقى مەملەكەتتٸك قىزمەتكەردٸڭ جۇمىسىنىڭ كٶلەمٸ مەن قيىندىعىنا بايلانىستى تٶلەنەدٸ. ونىڭ دەستٷرلٸ جالاقى تٶلەۋدەن ارتىقشىلىعى وسىندا.
«فاكتورلىق-بالدىق شكالانىڭ ەنگٸزٸلۋٸ ەسٸرەسە ورتالىق اتقارۋشى ورگاندار مەن جەرگٸلٸكتٸ ەكٸمدٸكتەگٸ قىزمەتشٸلەر اراسىنداعى جالاقى ايىرماشىلىعىن 70 پروتسەنتتەن 20 پروتسەنتكە دەيٸن قىسقارتتى. وسى فاكتورلىق-بالدىق شكالا ەنگٸزٸلگەلٸ بەرٸ ماڭعىستاۋ ٶڭٸرٸندە مەملەكەتتٸك قىزمەتتٸڭ يميدجٸ ارتتى دەپ ايتۋعا بولادى. وعان ناقتى دەلەلدەرٸمٸز دە بار. بۇرىن بٸر ورىنعا ٶتە از ٷمٸتكەر بولاتىن, قازٸرگٸ كٷنٸ ورتاشا العاندا 2,5-3 ادامداي بولىپ تۇر»,-دەدٸ نۇرگٷل جاننازاروۆا.
ٶڭٸردە مەملەكەتتٸك قىزمەتتەن كەتەتٸندەردٸڭ سانى 4 ەسەگە ازايعان. بۇرىنعى ۋاقىتتا جەرگٸلٸكتٸ ەكٸمدٸكتەردەن ٶز ەركٸمەن كەتەتٸندەر سانى 7,5 پروتسەنت بولسا, بٷگٸندە بۇل قىزمەتكە دەگەن قىزىعۋشىلىق ارتقان. اۋىل ەكٸمدٸكتەرٸندە دە مامان تاپشىلىعى جويىلدى. مەسەلەن, 2017 جىلى 28 بوس ورىن بولعان, ال بيىل 2-اق ورىن بوس تۇر. سونىمەن قاتار جەكە سەكتوردان مەملەكەتتٸك قىزمەتكە اۋىسۋشىلار دا كٶبەيگەن. 2 جىل ٸشٸندە 1200 قىزمەتكەر جاڭا جٷيەمەن جالاقى العان. ال كەلەر جىلى 1 شٸلدەدەن باستاپ ولاردىڭ قاتارى 1500-گە ارتپاق.
