فوتو: otyrar.kz
«جولاۋشىلار تاسىمالى» اق پويىزدا جولاۋشى ٶزٸن جايسىز سەزٸنگەن جاعدايدا قانداي ەرەكەت جاساۋ قاجەت ەكەنٸن ەسكە سالادى. بارلىق جولاۋشىلار پويىزدارىنىڭ جولسەرٸكتەرٸ العاشقى مەديتسينالىق كٶمەك كٶرسەتۋ بويىنشا ارنايى دايارلىقتان ٶتەدٸ, ال ەر پويىز مەديتسينالىق قوبديشامەن جابدىقتالعان. بۇل تۋرالى «جولاۋشىلار تاسىمالى» اق باسپاسٶز قىزمەتٸنە سٸلتەمە جاساپ Ult.kz حابارلايدى.
جول ٷستٸندە جولاۋشىنىڭ جاعدايى ناشارلاعان جاعدايدا:
1. ۆاگون جولسەرٸگٸنە دەرەۋ حابارلاۋ قاجەت.
جولسەرٸك جولاۋشىنىڭ جاعدايىن باعالاپ, ٶز قۇزىرەتٸ شەڭبەرٸندە العاشقى كٶمەك كٶرسەتەدٸ.
2. قاجەت بولعان جاعدايدا جولسەرٸك پويىز باستىعىن حاباردار ەتەدٸ.
پويىز باستىعى قاجەتتٸ شارالاردى قابىلداپ, مەديتسينالىق قىزمەتتەرمەن بايلانىستى قامتاماسىز ەتەدٸ.
3. شۇعىل جاعداي تۋىنداسا, جەدەل جەردەم شاقىرىلادى.
قاجەت بولعان جاعدايدا پويىزدى جاقىن ستانتسييادا مەديتسينا قىزمەتكەرلەرٸ قارسى الادى نەمەسە ەرەكشە جاعدايلاردا بەلگٸلەنگەن تەرتٸپكە سەيكەس جوسپاردان تىس توقتاۋ جاسالۋى مٷمكٸن.
4. جەكە دەرٸ-دەرمەكتەردٸ ٶزٸڭٸزبەن بٸرگە الىپ جٷرۋ ۇسىنىلادى.
سوزىلمالى اۋرۋلارى بار جولاۋشىلار قاجەتتٸ دەرٸلەردٸ الدىن الا دايىنداپ, ىقتيمال قاۋٸپتەر تۋرالى جولسەرٸكتٸ حاباردار ەتكەنٸ جٶن.
پويىزداردا تٶتەنشە جاعدايلار تۇراقتى تٷردە ورىن الىپ جاتادى جەنە ولار تەك جولاۋشىنىڭ دەنساۋلىعىنىڭ ناشارلاۋىمەن عانا شەكتەلمەيدٸ. پويىز بريگادالارىنىڭ تەجٸريبەسٸندە تٷرلٸ وقيعالار كەزدەسەدٸ, ونىڭ ٸشٸندە ساپار بارىسىندا بوسانۋ جاعدايلارى دا بار. سوڭعى ٷش جىلدا ۇلتتىق تاسىمالداۋشى پويىزدارىندا جولسەرٸكتەر مەن پويىز باستىقتارىنىڭ قولداۋىمەن شامامەن 15 سەبي دٷنيەگە كەلگەن.
ۇلتتىق تاسىمالداۋشى جولاۋشىلاردىڭ قاۋٸپسٸزدٸگٸ مەن دەنساۋلىعى باستى باسىمدىق ەكەنٸن اتاپ ٶتەدٸ.
«جولاۋشىلار تاسىمالى» اق جولاۋشىلاردى ٶز دەنساۋلىعىنا مۇقييات قاراۋعا جەنە ۋاقتىلى كٶمەك سۇراۋعا شاقىرادى.
