قر جوعارعى سوتى بايان ەسەنتاەۆانىڭ بۇرىنعى كٷيەۋٸ باقىتبەك ەسەنتاەۆقا قاتىستى ٷكٸمدٸ قايتا قاراۋدان باس تارتتى, دەپ حابارلايدى قازاقپارات.
«قر جوعارعى سوتى سوتتالۋشىنىڭ ادۆوكاتى مەن زارداپ شەگۋشٸ بايان ەسەنتاەۆانىڭ ٶتٸنٸش حاتى بويىنشا باقىتبەك ەسەنتاەۆقا قاتىستى ٷكٸمدٸ قايتا قاراۋدان باس تارتتى», - دەلٸنگەن ەلٸمٸزدٸڭ جوعارعى سوت ورگانىنىڭ باسپاسٶز قىزمەتٸ تاراتقان اقپاراتتا.
ەستەرٸڭٸزگە سالا كەتسەك, ٶتكەن جىلدىڭ 13 قاراشا كٷنٸ الماتى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا سۋديا بەرٸكجان بايجٷنٸسوۆ باقىتبەك ەسەنتاەۆقا قاتىستى سوت ٷكٸمٸن جارييا ەتتٸ. سۋديا قاتاڭ رەجٸمدەگٸ كولونييادا 9 جىلعا باس بوستاندىعىنان ايىرۋ تۋرالى ٷكٸم شىعاردى. الايدا, قوس تاراپ سوت ٷكٸمٸمەن كەلٸسپەدٸ. اپپەلياتسييالىق شاعىم تٷسٸردٸ. قورعاۋشىلاردىڭ پٸكٸرٸنشە, باقىتبەك ەسەنتاەۆ ٶزٸنٸڭ بۇرىنعى ەيەلٸن ٶلتٸرۋگە وقتالماعان.
ب. ەسەنتاەۆ قر قك-نٸڭ 24-باپ 3-بٶلٸمٸ, 99-باپتىڭ 2-بٶلٸمٸ 10-تارماعى (زورلاۋمەن نەمەسە سەكسۋالدىق سيپاتتاعى زورلىق-زومبىلىق ەرەكەتتەرiمەن ۇشتاسقان ادام ٶلتiرۋگە وقتالۋ) 120-باپتىڭ 1-بٶلٸمٸ (زورلاۋ) 121-باپتىڭ 1-بٶلٸمٸ (سەكسۋالدىق سيپاتتاعى زورلىق-زومبىلىق ەرەكەتتەرٸ) بويىنشا ايىپ تاعىلعان ەدٸ.
