جمزج ەنگٸزۋ ازاماتتارعا قوسىمشا زەينەتاقى تٶلەمٸن الۋعا مٷمكٸندٸك بەرەدٸ, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"قر ەلەۋمەتتٸك كودەكسٸنٸڭ جوباسىندا زەينەتاقى جٷيەسٸنٸڭ تيٸمدٸلٸگٸن ارتتىرۋ بويىنشا جاڭا شارالار پاكەتٸ قاراستىرىلعان. ولاردىڭ بٸرٸ – 2023-2027 جىلدار كەزەڭٸندە جۇمىس بەرۋشٸلەردٸڭ مٸندەتتٸ زەينەتاقى جارنالارىن كەزەڭ-كەزەڭٸمەن ەنگٸزۋ. بۇل زەينەتكەرلٸك دەمالىسقا شىققان ازاماتتارعا جيناقتاۋشى جٷيەدەن قوسىمشا زەينەتاقى تٶلەمٸن تٶلەۋگە مٷمكٸندٸك بەرەدٸ.
بٷگٸنگٸ تاڭدا قازاقستاندا بازالىق جەنە ىنتىماقتى زەينەتاقىنى, سونداي-اق بجزق-دان زەينەتاقى تٶلەمٸن (قىزمەتكەردٸڭ زەينەتاقى جيناقتارى ەسەبٸنەن قالىپتاستىرىلادى) قامتيتىن كٶپ دەڭگەيلٸ زەينەتاقى جٷيەسٸ قالىپتاستى" - دەلٸنگەن حابارلامادا.
ۆەدومستۆو مەلٸمەتٸنشە, زەينەتاقىنىڭ ىنتىماقتى بٶلٸگٸ جىل سايىن ازاياتىنى بەلگٸلٸ, ٶيتكەنٸ ونى تاعايىنداۋ كەزٸندە 1998 جىلعى 1 قاڭتارعا دەيٸن, ياعني جيناقتاۋشى جٷيە ەنگٸزٸلگەنگە دەيٸن جاسالعان ەڭبەك ٶتٸلٸ ەسكەرٸلەدٸ. بۇل رەتتە جۇمىسكەردٸڭ 10% بجزق-عا جارنالارى تيٸستٸ زەينەتاقى مٶلشەرٸن قامتاماسىز ەتۋ ٷشٸن جەتكٸلٸكسٸز.
ەلەمدٸك تەجٸريبەدە زەينەتاقىمەن قامتاماسىز ەتۋدە جۇمىس بەرۋشٸگە ماڭىزدى رٶل بٶلٸنگەنٸن اتاپ ٶتكەن جٶن. مىسالى, مالايزييادا جۇمىسكەر تابىسىنىڭ 23%-ىنان جۇمىس بەرۋشٸلەر زەينەتاقى قورىنا 12%, قىزمەتكەر – 11%; اۆسترالييادا 9,5%-ىن تەك جۇمىس بەرۋشٸ تٶلەيدٸ; بەلارۋستە – 29%, ونىڭ ٸشٸندە جۇمىس بەرۋشٸ – 28%; گەرمانييادا – 18,6%, ونىڭ ٸشٸندە جۇمىس بەرۋشٸ –– 9,3% تٶلەيدٸ.
"قازاقستاندا جمزج ەنگٸزۋ حالىقتى زەينەتاقىمەن قامسىزداندىرۋ جاۋاپكەرشٸلٸگٸن مەملەكەت, جۇمىس بەرۋشٸ جەنە قىزمەتكەر اراسىندا بٶلۋگە مٷمكٸندٸك بەرەدٸ,سونداي-اق جوعالعان تابىستى بارابار زەينەتاقى تٶلەمدەرٸمەن الماستىرۋدى قامتاماسىز ەتۋگە ىقپال ەتەتٸن بولادى.
كەسٸپكەرلٸك سۋبەكتٸلەرٸنٸڭ مٷددەلەرٸن ەسكەرە وتىرىپ, كٷن تەرتٸبٸنەن تىس كەزەڭدە جۇمىس بەرۋشٸلەرگە تٷسەتٸن جٷكتەمەنٸ ازايتۋ ماقساتىندا قر ەلەۋمەتتٸك كودەكسٸنٸڭ جوباسىندا 5 جىل ٸشٸندە جمزج كەزەڭ-كەزەڭمەن ەنگٸزۋ كٶزدەلگەن" - دەيدٸ مينيسترلٸكتٸڭ باسپاسٶز قىزمەتٸ.
بۇل شارا زەينەتاقىسىنىڭ مٶلشەرٸ ولاردىڭ زەينەتاقى اۋدارىمدارىنا تٸكەلەي بايلانىستى بولاتىن 1975 جىلدان كەيٸن تۋعان قازاقستاندىقتاردى قولداۋعا باعىتتالعان. ولاردىڭ زەينەتاقىسى ٷش كومپونەنتتەن قۇرالادى: مەملەكەتتەن بازالىق زەينەتاقى, جيناقتاۋشى زەينەتاقى – بجزق-عا ٶز اۋدارىمدارى ەسەبٸنەن جەنە شارتتى-جيناقتاۋشى زەينەتاقى-جۇمىس بەرۋشٸلەر جارنالارى ەسەبٸنەن.
شارتتى-جيناقتاۋشى قۇرامداۋىش جيناقتاۋشى (اۋدارىمدار كەزەڭٸ جەنە ولاردىڭ جيىنتىق كٶلەمٸ تٸركەلەدٸ) جەنە ىنتىماقتى (تٷسكەن قاراجات 1975 جىلدان كەيٸن تۋعان جەنە زەينەتكەرلٸك جاسقا جەتكەن جٷيەگە قاتىسۋشىلارعا زەينەتاقى تٶلەۋگە باعىتتالاتىن بولادى) زەينەتاقى جٷيەلەرٸنٸڭ ارتىقشىلىقتارىن قامتيدى.
