فوتو: Polisia.kz
ٶتكەن جىلى 22 مىڭنان استام ادام قازاقستان ازاماتتىعىن الدى. بۇل تۋرالى ٸٸم-نٸڭ اپتالىق بريفينگٸندە ايتىلدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"جىل سايىن 20 مىڭعا جۋىق تٸلەك بٸلدٸرۋشٸ ەل ازاماتتىعىن الۋ مەسەلەسٸ بويىنشا جٷگٸنەدٸ. تەۋەلسٸزدٸك جىلدارى بٸر ميلليوننان استام ادام قازاقستان ازاماتتىعىن الدى. ال ٶتكەن جىلى – 22 مىڭ, ونىڭ ٸشٸندە قر پرەزيدەنتٸنٸڭ جارلىعىمەن – 1375, جەڭٸلدەتٸلگەن تەرتٸپپەن – 20 مىڭنان استام ادام ازاماتتىققا قول جەتكٸزدٸ.
ونىڭ ٸشٸندە: 17,5 مىڭنان استامى قانداس (17 676), قازاقستان, بەلارۋس, قىرعىزستان جەنە رەسەي اراسىنداعى ازاماتتىققا قابىلداۋدىڭ جەڭٸلدەتٸلگەن تەرتٸبٸ تۋرالى كەلٸسٸم بويىنشا – 1287, تۇرمىسقا شىققان ەيەلدٸڭ ازاماتتىعى تۋرالى كونۆەنتسييا بويىنشا – 1777" - دەلٸنگەن حابارلامادا.
ٸٸم بۇۇ بجكب-نىڭ قازاقستانداعى ٶكٸلدٸگٸمەن جەنە ٷەۇ-مەن بٸرلەسٸپ, ەكٸ جىل ٸشٸندە قۇجاتسىز, سونداي-اق ازاماتتىعى بەلگٸسٸز ادامداردى انىقتاۋ جەنە تٸركەۋ بويىنشا كەڭ اۋقىمدى اكتسييا ٶتكٸزگەن.
اكتسييا نەتيجەسٸندە ازاماتتىعى جوق, قۇجاتتارى جوق 8 مىڭنان استام ادام انىقتالعان. ونىڭ ٸشٸندە 5 مىڭ ادام قازاقستان ازاماتتىعىنا جاتاتىنىن راستاپ, جەكە كۋەلٸكتەرٸ رەسٸمدەلگەن. 3 مىڭنان استامىنا ازاماتتىعى جوق ادامنىڭ كۋەلٸگٸ بەرٸلدٸ.
ايتا كەتۋ كەرەك, قازاقستان قوس ازاماتتىقتى مويىندامايدى, سوندىقتان مۇنداي فاكتٸلەردٸ انىقتاۋ بويىنشا جۇمىس ەرەكشە باقىلاۋدا. زاڭنامادا ەلٸمٸزدٸڭ ازاماتتىعىنان ايىرىلعان ادامنىڭ قازاقستان ازاماتىنىڭ تٶلقۇجاتىن نەمەسە جەكە كۋەلٸگٸن پايدالانعانى, سونداي-اق زاڭدا بەلگٸلەنگەن ادامدارعا حابارلاماعانى ٷشٸن ەكٸمشٸلٸك جاۋاپكەرشٸلٸك كٶزدەلگەن. قوس ازاماتتىعى بار فاكتٸنٸ جاسىرعانى ٷشٸن 200 اەك-كە دەيٸن ايىپپۇل سالۋ نە قر شەكاراسىنان شىعارۋ قاراستىرىلعان.
ۆەدومستۆو ەلٸمٸزدٸڭ ازاماتتىعىنان ايىرىلعان ازاماتتىڭ قازاقستان ازاماتىنىڭ تٶلقۇجاتىن نەمەسە جەكە كۋەلٸگٸن پايدالانعانى, سونداي-اق زاڭدا بەلگٸلەنگەن ادامدارعا حابارلاماعانى ٷشٸن زاڭنامادا ەكٸمشٸلٸك جاۋاپكەرشٸلٸك قاراستىرىلعانىن ەسكە سالدى.
"مەسەلەن, ٶتكەن جىلى قوس ازاماتتىعى ٷشٸن 841 ادام ەكٸمشٸلٸك جاۋاپكەرشٸلٸككە تارتىلدى, سوتتاردىڭ شەشٸمدەرٸمەن 138 ادام ەلدەن شىعارىلدى, قالعاندارىنا ايىپپۇل سالىندى.
سوڭعى بەس جىلدا ازاماتتىق تۋرالى زاڭنامانى بۇزعان 3515 ادام جاۋاپقا تارتىلدى, ونىڭ 3 مىڭنان استامىنا ايىپپۇل سالىندى, 473-ٸ ەلدەن شىعارىلدى. بارلىعىنىڭ قازاقستاندىق ازاماتتىعى جويىلدى.
بيىل قوس ازاماتتىق فاكتٸلەرٸنٸڭ الدىن الۋ ٷشٸن ەكٸنشٸ ازاماتتىعىن جاسىرعاندارعا جاۋاپكەرشٸلٸكتٸ قاتاڭداتۋ ٷشٸن زاڭنامالىق اكتٸلەرگە تٷزەتۋلەر ەنگٸزۋ جوسپارلانىپ وتىر.
ٶزگە ازاماتتىقتى قابىلداۋ كەزٸندە زارداپتاردىڭ بولماۋىن قامتاماسىز ەتۋ ماقساتىندا باسقا ەلدەرگە كەتكەن جەنە ٶزگە دە ازاماتتىقتى قابىلداعان قازاقستاننىڭ بۇرىنعى ازاماتتارى 30 تەۋلٸك ٸشٸندە ازاماتتىعىن جوعالتۋدى تٸركەۋ ٷشٸن قازاقستاننىڭ كونسۋلدىق مەكەمەسٸنە جٷگٸنۋٸ قاجەت" - دەلٸنگەن حابارلامادا.
