فوتو: t.me/mazhilis_kz
مەجٸلٸستەگٸ «اۋىل» پارتيياسى فراكتسيياسى دەپۋتات جيگۋلي دايراباەۆ مانداتىن تاپسىرمايتىنىن مەلٸمدەدٸ, دەپ حابارلايدى قازاقپارات.
بٷگٸن مەجٸلٸستە تٸلشٸلەر «اۋىل» پارتيياسى فراكتسيياسىنىڭ جەتەكشٸسٸ, دەپۋتات اناس باققوجاەۆتان پارتييا مٷشەسٸ جيگۋلي دايراباەۆتىڭ ٸستٸ بولعان ۇلدارىنا قاتىستى سۇراق قويدى.
«اتالعان وقيعادان كەيٸن دەپۋتات جيگۋلي دايراباەۆ مانداتىن تاپسىرا ما?» دەپ سۇرادى جۋرناليستەر.
ٶز كەزەگٸندە باققوجاەۆ فراكتسييا مٷشەسٸ دايراباەۆ دەپۋتاتتىق مانداتىن تاپسىرمايتىنىن ايتتى.
«ول دەپۋتاتتىق مانداتىن تاپسىرمايدى. وسى ورايدا فراكتسييانىڭ مەلٸمدەمەسٸن ايتىپ وتىرمىن. بٸز وعان ەشقانداي مٸن تاعا المايمىز. بٸرٸنشٸدەن, ونىڭ جەكە باسىنا قاتىستى اتالعان ٸستە ەشتەڭە ايتىلماعان. ەكٸنشٸدەن, ونىڭ بالالارى ەرەسەك ازاماتتار. ولار ٶز ٸسٸنە ٶزدەرٸ جاۋاپ بەرۋٸ كەرەك. ولار اۋىل شارۋاشىلىعىمەن بٸرازدان بەرٸ اينالىسىپ كەلە جاتىر. تەۋەكەلدٸڭ بارىن بٸلەدٸ. ٶزدەرٸن قورعاپ, ٶزدەرٸ جاۋاپتى بولۋى كەرەك», - دەدٸ مەجٸلٸستەگٸ «اۋىل» پارتيياسى فراكتسيياسىنىڭ جەتەكشٸسٸ.
بۇدان بۇرىن حابارلانعانداي, كەشە تاراز قالاسىنىڭ №2 سوتى الاياقتىق جاسادى جەنە ٸرٸ مٶلشەردە اقشا جىمقىردى دەپ ايىپتاپ, ٷكٸم شىعارعان ەكٸ كٷدٸكتٸنٸڭ مەجٸلٸس دەپۋتاتى جيگۋلي دايراباەۆتىڭ ۇلدارى (ديدار مولداقالىق پەن مارات دايراباەۆ - رەد.) ەكەنٸ بەلگٸلٸ بولدى.
جامبىل وبلىستىق اۋىل شارۋاشىلىعى باسقارماسى باسشىسىنىڭ ٶسٸمدٸك شارۋاشىلىعى مەسەلەلەرٸ جٶنٸندەگٸ ورىنباسارى ەرلان قۇلكەەۆ, كەسٸپكەرلەر ەلجان ەلٸباي, ديدار مولداقالىق جەنە مارات دايراباەۆ سۋبسيدييا قاعيدالارىن بۇزا وتىرىپ, «البيون» قۇلپىناي كٶشەتتەرٸنە مەملەكەتتەن سۋبسيدييا العان.
ونىڭ بٸر بٶلٸگٸ الاياقتىق جولمەن ۇرلانىپ, جەكە قاجەتتٸلٸگٸنە جۇمسالعان. مەملەكەتكە 550 849 430 تەڭگە كٶلەمٸندە زالال كەلدٸ.
