ۆيدەودان الىنعان كادر
دەپۋتات جيگۋلي دايراباەۆ مەجٸلٸستٸڭ جالپى وتىرىسىندا جاقىندا سوتتالعان بالالارىنىڭ كٸنەسٸ جوق ەكەنٸن مەلٸمدەدٸ, دەپ حابارلايدى Sputnik قازاقستان.
سونداي-اق ول ٶزٸن قولداۋشىلارعا العىسىن بٸلدٸرٸپ, بالالارى ەدٸلدٸك ٷشٸن سوڭىنا دەيٸن كٷرەسەتٸنٸن ايتتى.
"قۇرمەتتٸ ەرٸپتەستەر, الدىمەن سٸزدەرگە ريزاشىلىعىمدى بٸلدٸرگٸم كەلەدٸ. بالالارىما بايلانىستى تۋىنداعان مەسەلە بويىنشا كٶبٸڭٸز دەپۋتات, ەرٸپتەس رەتٸندە قولداۋ كٶرسەتٸپ جاتىرسىزدار. مورالدىق جاعىنان ەدٸلدٸك تانىتىپ, قۇقىقتىق جاعىنان ساۋاتتىلىق بٸلدٸرگەندەرٸڭٸزدٸ جوعارى باعالايمىن. بالالارىمدى كٸنەلٸ دەپ ەسەپتەمەيمٸن. ولار ەدٸلدٸك ٷشٸن كٷرەسەدٸ. اپەللياتسييالىق سوتقا جٷگٸنٸپ, ابىرويىن قورعاۋعا مٷددەلٸ. ەندەشە مەن مەجٸلٸستەن نە ٷشٸن كەتۋٸم كەرەك? اۋىل تۇرعىندارى, شارۋالار, ٶزٸمدٸ سايلاعان اۋىل پارتيياسى ماعان ٷلكەن ٷمٸت ارتىپ وتىر", - دەدٸ دايراباەۆ.
"دەپۋتاتتىق ماندات ول ويىنشىق ەمەس. حالىقتىڭ ٷلكەن سەنٸمٸ. سوندىقتان مەن حالىقتىڭ سەنٸمٸن اقتايمىن. كەۋدەمدە جانىم سوعىپ تۇرسا, حالىق ٷشٸن قىزمەت ەتەمٸن", - دەپ تولىقتىردى ول.
ەسكە سالا كەتەيٸك, پرەزيدەنتتٸككە ەكس-كانديدات, قازٸرگٸ مەجٸلٸس دەپۋتاتى جيگۋلي دايراباەۆتىڭ ەكٸ بٸردەي ۇلى – مارات دايراباەۆ پەن ديدار مولداحالىق 550 ملن تەڭگە سۋبسيدييا ۇرلادى دەپ ايىپتالدى.
الاياقتىق تۋرالى قىلمىستىق ٸستٸ تاراز سوتى قارادى. "اۋىل" پارتيياسى اتىنان سايلانعان دەپۋتاتتىڭ ۇلدارىمەن بٸرگە سوت الدىنا تاعى ەكٸ ادام باردى.
قىلمىستىق ٸس بويىنشا جامبىل وبلىسى ەكٸمدٸگٸ اۋىل شارۋاشىلىعى باسقارماسى باسشىسىنىڭ بۇرىنعى ورىنباسارى ەرلان كٷلكەەۆ, كەسٸپكەر ەلجان ەلٸباي جەنە دايراباەۆتىڭ ۇلدارى – ديدار مولداحالىق پەن مارات دايراباەۆ ايىپتالدى.
سوت انىقتاعانداي, ايىپتالۋشىلار "البيون" قۇلپىناي كٶشەتتەرٸن ساتىپ الۋ ٷشٸن مەملەكەتتەن سۋبسيدييا الىپ, بٸر بٶلٸگٸن جەكە قاجەتتٸلٸگٸنە جۇمساعان. مەملەكەتكە 550 849 430 تەڭگە شىعىن كەلتٸرٸلدٸ.
سوت تٶرتەۋٸن دە الاياقتىق جاساعانى ٷشٸن كٸنەلٸ دەپ تاپتى. وسىلايشا ەرلان كٷلكەەۆ 6 جىلعا, ەلجان ەلٸباي 5 جىلعا باس بوستاندىعىنان ايىرىلدى. ال ديدار مولداحالىق پەن مارات دايراباەۆ قىلمىستىق كودەكستٸڭ 63-بابىن قولدانىپ, ەرقايسىسى شارتتى تٷردە 5 جىلعا سوتتالدى.
بۇدان بٶلەك, سوت جامبىل وبلىسى ەكٸمدٸگٸ قارجى باسقارماسىنىڭ مەملەكەتتٸك شىعىندى ٶندٸرۋ تۋرالى ازاماتتىق تالاپ-ارىزىن قاناعاتتاندىردى:
- كٷلكەەۆ پەن ەلٸبايدان مەملەكەت پايداسىنا – ورتاق تەرتٸپتە 167 924 830 تەڭگە;
- كٷلكەەۆ, ەلٸباي, دايراباەۆ جەنە مولداحالىقتان – ورتاق تەرتٸپتە 92 400 000 تەڭگە;
- دايراباەۆ پەن مولداحالىقتان ورتاق تەرتٸپتە 290 524 600 تەڭگە ٶندٸرٸلدٸ.
ٷكٸم زاڭدى كٷشٸنە ەنگەن جوق.
