جول-كٶلٸك وقيعاسىنان قازا بولعان جٷرگٸزۋشٸنٸڭ ۇيالى تەلەفونىن ۇرلاعان ەكٸ پوليتسەي سوتتالدى. جەزقازعان قالالىق سوتى ۇرلىق, لاۋازىمدىق ٶكٸلەتتٸكتەرٸن اسىرا پايدالانۋ جەنە الاياقتىق جاسادى دەگەن ايىپپەن ۇستالعان بۇرىنعى تەرتٸپ ساقشىلارىنا ٷكٸم شىعاردى, دەپ حابارلايدى "ۇلت اقپارات".
ٶتكەن جىلدىڭ كٶكتەمٸندە جەرگٸلٸكتٸ پوليتسييا باسقارماسىنىڭ ەكٸ كريميناليستٸ جول اپاتى بولعان جەزقازعان – سەتباەۆ جولىنا شاقىرتىلعان. وقيعا ورنىندا پوليتسييا قىزمەتكەرلەرٸ قازا تاپقان جٷرگٸزۋشٸنٸڭ ۇيالى تەلەفونىن تاۋىپ العان. ونى زاتتاي دەلەل رەتٸندە تاپسىرۋدىڭ ورنىنا پوليتسەي تەلەفوندى الىپ كەتكەن. كەيٸن موبيلدٸك قوسىمشا ارقىلى تەلەفون يەسٸنٸڭ اتىنا ميكروكرەديتتەر رەسٸمدەگەن. سوڭىرا شوتقا تٷسكەن اقشانى دوسىنىڭ كارتاسىنا اۋدارعان.
بٸراز ۋاقىتتان كەيٸن ولاردىڭ الاياقتىق ەرەكەتٸ انىقتالدى. كٷدٸكتٸلەر پروكۋرورمەن ٸس جٷرگٸزۋ كەلٸسٸمٸن جاساپ, ٶز كٸنەسٸن تولىق مويىندادى. جەزقازعان قالالىق سوتى ولاردى 3,6 جىلعا باس بوستاندىعىن شەكتەۋ تۋرالى ٷكٸم شىعاردى. سونداي-اق, سوت ولاردى ارناۋلى اتاعىنان ايىردى.
«باياندالعاندى نەگٸزگە الا وتىرىپ, سوت سوتتالۋشىلاردى كٸنەلٸ دەپ تانىدى جەنە بٸرٸنشٸ سوتتالۋشىعا 3 جىل 6 اي باس بوستاندىعىن شەكتەۋ تٷرٸندەگٸ جازا تاعايىندادى. بۇل رەتتە ول ٶمٸر بويى مەملەكەتتٸك قىزمەتتە جۇمىس ٸستەۋ قۇقىعىنان, سونداي-اق پوليتسييا لەيتەنانتى ارناۋلى اتاعىنان ايىرىلدى. ەكٸنشٸ سوتتالۋشىعا پوليتسييا اعا لەيتەنانتى ارناۋلى اتاعىنان ايىرا وتىرىپ, 3 جىل 6 اي باس بوستاندىعىن شەكتەۋ جازاسى تاعايىندالدى. ٷكٸم زاڭدى كٷشٸنە ەندٸ», - دەدٸ جەزقازعان قالالىق سوتىنىڭ باسپاسٶز قىزمەتٸ.
