فوتو: wikimapia.org
جەزقازعان قالاسىنىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان سوتىندا وبلىستىق پروكۋراتۋرا مٷلكٸنە زاقىم كەلتٸرگەن ەر ادامعا قاتىستى ەكٸمشٸلٸك ٸس قارالدى.
سوتتا انىقتالعانداي, وقيعا 2025 جىلدىڭ 30 تامىزىندا ساعات 05:23 شاماسىندا بولعان.
"ەر ادام ماساڭ كٷيدە بولا تۇرا ۇلىتاۋ وبلىسى پروكۋراتۋراسىنىڭ عيماراتىنىڭ قاقپاسىن دوسىنىڭ ٷيٸ دەپ ويلاپ, قاقپانى اشا الماعاننان كەيٸن ۇرىپ-سوققان جەنە قاقپا جانىنداعى تەمٸر پاراقتى قاساقانا بٷلدٸرگەن", - دەپ جازىلعان حابارلامادا.
سوت وتىرىسىندا ۇلىتاۋ وبلىسى پروكۋراتۋراسىنىڭ ٶكٸلٸ كەلتٸرٸلگەن شىعىننىڭ مٶلشەرٸ — 259 484 تەڭگە 40 تيىن ەكەندٸگٸن مەلٸمدەدٸ جەنە شىعىننىڭ ٸشٸنارا ٶتەلگەنٸن حابارلادى.
قۇقىق بۇزۋشى سوتتا ٶز كٸنەسٸن مويىنداپ, ٸستەگەن ەرەكەتٸنە ٶكٸنەتٸنٸن جەتكٸزدٸ; سونداي-اق شىعىننىڭ جاقىندا تولىق كٶلەمدە ٶتەلەتٸنٸن ايتتى. مەديتسينالىق كۋەلاندىرۋ نەتيجەسٸ بويىنشا ازامات ورتاشا دەرەجەلٸ الكوگولدٸك ماساڭ كٷيدە بولعانى انىقتالعان.
سوت ەر ادامنىڭ ٸس-ەرەكەتٸندە ەكٸمشٸلٸك قۇقىق بۇزۋشىلىقتىڭ قۇرامى بار دەپ تانىپ, وعان 5 تەۋلٸككە ەكٸمشٸلٸك قاماققا الۋ جازاسىن تاعايىندادى.
