بٷگٸن جەزقازعان جىلۋ ەلەكتر ورتالىعىندا تاعى بٸر قازاندىق ٸستەن شىقتى. قازٸرگٸ ۋاقىتتا وبلىس ورتالىعىنىڭ تۇرعىندارىن جىلۋمەن تەك ٷش قازاندىق قامتاماسىز ەتٸپ وتىر, دەپ حابارلايدى قازاقپارات.
جەزقازعان جىلۋ ەلەكتر ورتالىعىندا سوڭعى ەكٸ تەۋلٸكتە 2 قازاندىق ٸستەن شىققان. ولاردىڭ بٸرٸنشٸسٸ - № 5 قازاندىق 27 قاراشادا جۇمىسىن توقتاتتى. ال كەشە تٷندە №6 قازاندىقتا اپات بولدى. قازٸر قالا تۇرعىندارىن جىلۋمەن تەك ٷش قازاندىق قامتاماسىز ەتٸپ وتىر.
نورماعا ساي جەزقازعانداعى ٷيلەردە اۋا تەمپەراتۋراسى 22 گرادۋستى قۇراۋى تيٸس. اپات سالدارىنان تەمپەراتۋرا 9 گرادۋسقا تٶمەندەپ, قازٸر نەبەرٸ 13 گرادۋستى قۇرايدى.
تۇرعىندار تاراپىنان جىلۋعا قاتىستى شاعىمدار وسىعان دەيٸن دە بٸرنەشە رەت تٷسكەن. ولار جىلىتۋ ماۋسىمى باستالعاننان بەرٸ پەتەرلەرٸ جىلىماعانىن ايتىپ وتىر.
«قازان ايىنان باستاپ ٷيٸمٸز بٸر جىلىعانىن سەزبەدٸك. ال سوڭعى ەكٸ كٷندە جاعدايىمىز ودان دا بەتەر قيىندادى. اياز كٷشەيٸپ بارادى, ال قۇبىرلارىمىزدا جىلۋ جوق. مەن مٷگەدەك بولىپ قالعالى ٷيدە وتىرۋعا مەجبٷرمٸن. ەندٸ سۋىق ٷيدە ورانىپ-قىمتانىپ وتىرمىن», - دەيدٸ جەزقازعان تۇرعىنى لاريسا گريگورەۆا.
جەزقازعاندىقتار جەو-داعى اپات تۋرالى كەشە عانا, ونىڭ ٶزٸ باق ارقىلى بٸلگەن. بٸرٸنشٸ اپاتتان كەيٸن بٸر كٷن ٶتپەستەن №6 قازاندىق ٸستەن شىعىپ, جەو باسشىلىعى ونىڭ جۇمىسىن دا دەرەۋ توقتاتۋعا مەجبٷر بولعان.
«قازٸر 7,9,11 قازاندىقتار جۇمىس ٸستەپ تۇر. ەرينە, بۇل تۇرعىندارعا ساپالى جىلۋ بەرۋگە جەتكٸلٸكسٸز ەكەنٸن تٷسٸنەمٸز. جىلۋ تالاپقا ساي بەرٸلمەي تۇر. قولدان كەلگەننٸڭ بەرٸ جاسالىپ جاتىر. جاعدايدى باقىلاۋعا الدىق. جوسپار بويىنشا, كٷن باتقانشا 6-شى قازاندىقتى ٸسكە قوسامىز. ارتىنشا, 5-شٸ قازاندىقتاعى جٶندەۋ جۇمىستارى اياقتالىپ قالار. قازٸر جىلۋ تاسىمالداعىش تەمپەراتۋرا 77 گرادۋس, بۇل نورمادان شامامەن 9 گرادۋسقا تٶمەن», - دەپ تٷسٸندٸردٸ جەزقازعان قالاسى ەكٸمٸنٸڭ ورىنباسارى ەرلان قۇسايىنوۆ.
جەزقازعان جىلۋ ەلەكتر ورتالىعى «قازاقمىس ەنەرگيياسى» جشس مەنشٸگٸندە. جىلۋ كٶزٸنٸڭ جابدىقتارى 70-شٸ جىلدارى ورناتىلعان. كومپانييا بيىل جاڭعىرتۋ جۇمىستارىنا 4 ملرد تەڭگەدەن استام قارجى سالدى. ايتا كەتۋ كەرەك, ٸستەن شىققان ەكٸ قازاندىق تا بيىل جٶندەلگەن. الايدا ولار العاشقى سىناقتارعا تٶتەپ بەرە المادى.
كٶمٸر قورىنا كەلەتٸن بولساق, بۇل مەسەلەگە قاتىستى دا تۇرعىنداردىڭ كٶپتەگەن سۇراعى بار. جەرگٸلٸكتٸ بيلٸك حابارلاعانداي, قويمالاردا 100 مىڭ توننادان استام كٶمٸر بار, ولار تەك 24 كٷنگە جەتەدٸ ەكەن.
