جەتٸسۋدىڭ اجارىن ايشىقتاعان قۇرىلىس

الماتى وبلىسىندا ەكٸ جىلدا 280 نىسان بوي كٶتەرٸپ, 17 مىڭ 229 ادام جۇمىسپەن قامتىلدى

جەتٸسۋ جەرٸندە بوي كٶتەرگەن قۇرىلىستىڭ سانى دا, ساپاسى دا ٶزگە ٶڭٸرلەردەن اسىپ تۇرعانىن ستاتيستيكالىق مەلٸمەت راستايدى. سالىستىرمالى تٷردە الساق, بٸر جازدا تالدىقورعانداعى ەكٸ شاعىن اۋداندا 5-9 قاباتتى تۇرعىن ٷيلەر بوي كٶتەرٸپ, پايدالانۋعا بەرٸلدٸ. مەكتەپ, بالاباقشادان تىس قوس-قوس قاباتتارىن ەرتە كٶكتەمنەن بەرٸ كٶتەرٸپ ٷلگەرگەن سالتانات سارايى, كٶرمە كەشەنٸ سەكٸلدٸ ەلەۋمەتتٸك نىساندار مەن الداعى ايدا العاشقى قوناقتارىن قابىلدايتىن بەس جۇلدىزدى جەكەمەنشٸك 12 قاباتتى قوناقٷي ٶز الدىنا. كٷنٸ كەشە عانا ەلباسى كٸرٸپ, ارالاپ كٶرگەن وقۋشىلار سارايى, كٶپسالالى اۋرۋحانا جەنە جاستار ساياباعى زاماناۋي وزىق ٷلگٸ ٷردٸسٸن پاش ەتٸپ تۇرعانى قانداي تاماشا. بۇل مەملەكەتتٸك ساياساتقا ساي ەرەكەت ەتە بٸلۋدٸ كٶرسەتەدٸ.

سوندىقتان قالاسىندا دا, دالاسىندا دا ەرەكشە قارقىنمەن سالىنىپ, كٶرگەن جاننىڭ كٶزٸن تويدىرعان نىسانداردى يگٸلٸگٸنە جاراتىپ وتىرعان حالىقتىڭ قۋانىشى شەكسٸز. جەتٸسۋلىقتار قالادان دا, اۋىلدان دا پەتەر كٸلتٸن الىپ تۇرىپ ەۋەلگٸ كەزەكتە سارابدال ساياساتىمەن وسى­ناۋ مٷمكٸندٸككە جول اشىپ بەرگەن ەلباسىنا العىستارىن ارناۋدا. شا­دىمان شاتتىققا بٶلەنگەن سول ەل تولا­يىم تابىسقا بٶلەنۋٸنە سەبەپشٸ بولعان ٶڭٸر باسشىسىنا دەگەن ىقىلىسىن دا ٸرٸكپەۋدە. بۇل – فاكت. سٶز رەتٸ كەلگەندە ايتا كەتەر جايت – جەتٸسۋ قۇرىلىسىنا ونىڭ ٸشٸندە تالدىقورعاننىڭ تٷرلەنۋٸنە وبلىس ەكٸمٸ اماندىق باتالوۆ كٶپ كٷش-جٸگەر جۇمسادى. جەتٸسۋدىڭ كٸندٸك قالاسىنىڭ باس جوسپارىن جاساۋداعى سالماعى, ىقپالى تاعى بار. سوندىقتان تالدىقورعان قالاسىنداعى تۇرعىن ٷي­لەر مەن ەلەۋمەتتٸك جەنە تاعى باسقا نىساندار ەر جىلدارى سالىنعانىمەن بٸرتۇتاستىقتى ەرٸ ەدەمٸلٸكتٸ ساقتاپ تۇر. مىسالى, قاراتال شاعىن اۋدانىنداعى 4, 5, 6, 9, 12 قاباتتى تۇرعىن ٷيلەر, تەننيس ورتالىعى, دوستىق ٷيٸ, تٸل سارايى, نازارباەۆ زيياتكەرلٸك مەكتەبٸ مەن جاتاق­حاناسى, كٶپسالالى تٶرت كورپۋستان تۇراتىن اۋرۋحانا, پەرزەنتحانا قاراتال ٶزەنٸن جاعالاي جارىسا بوي تٷزەگەن. گٷلجيەك دەپ تە اتالاتىن وسى جاعالاۋدا ەرەسەكتەر مەن بالالاردىڭ ەركٸن سەرۋەندەپ, تىنىعۋىنا بارلىق جاعداي جاسالعان. ال قاراتالدىڭ ەكٸنشٸ جاعالاۋىنداعى شىعىس شاعىن اۋدانى مەن ٶندٸرٸستٸك ايماقتا, ودان ەرٸرەكتەگٸ جەكە تۇلعالار تۇرعىزعان كوتتەدج قالاشىعىندا دا قۇرىلىس قارقىندى جٷرۋدە. تۇتاستاي العاندا, تالدىقورعاننىڭ شىعىس شەڭ­بەرٸنەن كٸرگەندە قاراتال ٶزەنٸنٸڭ قوس جاعالاۋىندا تۇرعىزىلعان ەدەمٸ عيماراتتار كٶز جاۋىن الادى.

نەگٸزٸ قانداي دا بٸر نىساننىڭ بوي كٶتەرۋٸ وڭاي جۇمىس ەمەس. ون بەس جىلدان بەرٸ جەتٸسۋ جەرٸندە بوي تٷزەگەن قۇرىلىس نىساندارىنىڭ جەرتٶلەسٸن ايتپاعاندا ٸرگەتاسى, قابىرعاسى, شاتىرى, سىرتقى بوياۋى دەپ تٸزبەلەنەتٸن جۇمىستارىنىڭ جاي-جاپسارىن كٶكەيگە تٷيٸپ جٷرگەندٸكتەن تالدىقورعاننىڭ وڭتٷستٸك-باتىسىندا جاڭادان سالىنىپ جاتقان تۇرعىن ٷي كەشەنٸن تاعى بٸر رەت ارالادىق. اۆتوكٶلٸك پەن جاياۋ جٷرگٸنشٸلەر جولى جايلىلىق پەن ەر­كٸندٸكتٸ سەزدٸرەدٸ. الماتى – ٶسكەمەن كٷرەجولىنان تال­دى­قورعان قالاسىنا كٸرە­­بەرٸستەگٸ 12 قاباتتى قوناقٷي قۇرى­لىسى اياقتالۋعا جاقىن قالىپتى. اسپان تٷستەس زەۋلٸم عيمارات ەينەگٸ التىن كٷن نۇرىمەن شاعىلىسا جارقىراپ تۇر. ٶڭٸردە 2014 جىلى قۇرىلىس سالاسىنا بارلىعى 61,674 ملرد تەڭگە بٶلٸنٸپ, سول قاراجاتقا 297 نىسان قۇرىلىسىن سالۋ جوسپارلانعان ەدٸ. نەتيجەسٸندە 189 نىسان سول جىلى پايدالانۋعا بەرٸلٸپ, 108 نىسان كەلەسٸ جىلعا ٶتكەن-تٸن. ال 2015 جىلى قۇرىلىس سالاسىنا بٶلٸنگەن 40,0 ملرد تەڭگەنٸڭ 99,7%-ى يگەرٸلٸپ, بەلگٸلەنگەن قۇرىلىس نىساندارى تولى­عىمەن پايدالانۋعا بەرٸلگەن بولاتىن. اتقارىلعان جۇمىس­تىڭ تالاپقا ساي ەكەندٸگٸ كەسٸبي تۇرعىدا ساراپتالادى. بۇل رەتتە جەتٸسۋ جەرٸندە سالىنعان قۇرىلىس ساپاسىنا كەپٸلدٸك بەرۋگە بولادى.

ال الماتى وبلىسىنىڭ ورتالىعى تالدىقورعان قالاسى بولسىن دەپ بەكٸتكەن ەلباسى جارلىعى­نان كەيٸن ٶڭٸر قۇرىلىسىنىڭ تٸزگٸنٸن امان­دىق باتالوۆ ۇستاعالى سالا­داعى ساپا مەسەلەسٸنە سىن ايتىلعان جوق. «جاقسىنىڭ جاقسىلىعىن ايت, نۇرى تاسىسىن» دەگەندەي, ٶڭٸر باس­شىسىنىڭ ۇستانىمى وسىعان سايادى. سونداي-اق, تالدىقورعان قالاسىندا بەيبەرەكەت سالىنعان قۇرىلىستى كەزدەستٸرە المايسىز. سونىمەن, 2014 جىلى 40 دەن­ساۋلىق ساقتاۋ نىسانىنىڭ قۇرىلىسى مەن سەيسميكالىق نىعايتىلۋىنا رەس­پۋبليكالىق بيۋدجەتتەن 4 ملرد 628 ملن تەڭگە, جەرگٸلٸكتٸ بيۋدجەتتەن 4 ملرد 154 ملن تەڭگە بٶلٸنگەن ەدٸ. نەتيجەسٸندە ەڭبەكشٸقازاق اۋدانىنىڭ قازاقستان, تەشكەنساز, تٷرگەن, تاۋقاراتۇرىق اۋىل­دارىندا, تالعار اۋدانىنىڭ بٸرلٸك, قىزىل تۋ اۋىلدارىندا, ٸلە اۋدانىنىڭ جەپەك, قوسٶزەن, ەكپٸندٸ, پوكروۆكا, قويان­قۇس اۋىلدارىندا, الاكٶل اۋدانى­نىڭ بالاپانوۆ, توقجايلاۋ اۋىلدارىندا, جامبىل اۋدانىنىڭ دەگەرەس, اقسەڭگٸر, تاڭبالىتاس, ىنتىماق اۋىلدارىندا, قاراتال اۋدانىنىڭ جاڭاتالاپ, كٶكسۋ اۋدانىنىڭ مۇسابەك اۋىلىندا, ۇيعىر اۋدانىنىڭ سۇڭقار اۋىلىندا بارلىعى 20 دەرٸگەرلٸك امبۋلاتورييا سالىنسا, رايىمبەك اۋدانىنىڭ كەگەن اۋىلىندا ەمحانا, پانفيلوۆ اۋدانىنىڭ جاركەنت اۋىلىندا اۋرۋحانا, تالدىقورعان قالا­سىندا كارديولوگييالىق ورتالىق سالىنىپ, دەنساۋلىق ساقتاۋ نىساندارىن سەيس­ميكالىق نىعايتۋ جۇمىستارى جٷر­گٸزٸلدٸ.

سونىمەن قاتار, 2014 جىلى 714,4 مىڭ شارشى مەتر تۇرعىن ٷي پايدالانۋعا بەرٸلٸپ, بەلگٸلەنگەن جوس­پار 106,6 % ارتىعىمەن ورىندالۋىن حالىق قاجەتتٸلٸگٸن ٶتەۋدٸڭ بٸر جولى دەپ تٷسٸنگەن دۇرىس. ەندٸ وسى مەلٸمەتتٸ تاراتا ايتساق, 51 تۇرعىن ٷيدەن 921 پەتەر پايدالانۋعا بەرٸلدٸ. ونىڭ ٸشٸندە 497,3 مىڭ شارشى مەتر جەكەمەنشٸك تۇرعىن ٷي, 79,8 مىڭ شارشى مەتر كوممەرتسييالىق تۇرعىن ٷي بولدى. سٶيتٸپ, بارلىعى رەسپۋبليكالىق جەنە جەرگٸلٸكتٸ بيۋدجەتتەن 6449,6 ملن تەڭگە بٶلٸنٸپ, يگەرٸلدٸ. «ٶڭٸر­لەردٸ دامىتۋدىڭ جول كارتاسى-2020» مەملەكەتتٸك باعدارلاماسىنا سەيكەس 29,7 مىڭ شارشى مەتر تۇرعىن ٷي, سونىمەن قاتار, «جەتٸسۋ» ەلەۋمەتتٸك كەسٸپكەرلٸك كورپوراتسيياسى 4,4 مىڭ شارشى مەتر, «سامۇرىق-قازىنا» اق 170,6 مىڭ شارشى مەتر تۇرعىن ٷي قۇرىلىسىن تولىعىمەن اياق­تاپ, تۇرعىندارعا پەتەر كٸلتتەرٸن تابىستادى. اتالعان باعدارلاما اياسىندا بيىل بارلىق قارجىلاندىرۋ كٶزدەرٸ ارقىلى 544,1 مىڭ شارشى مەتر تۇرعىن ٷي پايدالانۋعا بەرۋ قاراس­تىرىلعان. اعىم­داعى جىلى 4 ملرد 376 ملن تەڭگە قارجى بٶلٸنٸپ, سەگٸز ايدا 2319 ملن تەڭگە يگەرٸلدٸ. بيۋدجەتتٸك قاراجات ەسە­بٸنەن 23,0 مىڭ شارشى مەتر ٷي, تۇرعىندار مەن مەملەكەتتٸك ەمەس مەكەمەلەر ەسەبٸنەن 465,5 مىڭ شارشى مەتر ٷي سالۋ جوسپارلانعان. ال سەگٸز ايدا 865,3 مىڭ شارشى مەتر ٷي پايدالانۋعا بەرٸلدٸ. سونىمەن قاتار, «بەيتەرەك دەۆەلوپمەنت» اق ارقىلى «قازاقستان يپوتەكالىق كومپانيياسى» اق جەلٸسٸمەن «نۇرلى جول» ينفراقۇرىلىمدى دامىتۋ باعدارلاماسىنا سەيكەس تالدىقورعان قالاسىنىڭ وڭتٷستٸك-باتىس شاعىن اۋدانىندا بىلتىر 290 پەتەر قۇرىلىسى باستالعان بولاتىن.  اۋماعى 18,1 مىڭ شارشى مەتر 5 ٷيدٸڭ قۇرىلىسىن دا اياقتاۋ مەجەلەنگەن. اعىمداعى جىلى 40 نىساننىڭ ينجەنەرلٸك-كوممۋنيكاتسييالىق ينفرا­قۇرىلىمى جٷرگٸزٸلٸپ, 19 نىسان پاي­دالانۋعا بەرٸلەدٸ. جالپى بۇل شاعىن اۋداندا 2012-2016 جىلدارى قۇنى 9,3 ملرد تەڭگەگە باعالانعان 103 مىڭ شارشى مەترلٸك 1411 پەتەردٸ قۇرايتىن 21 ٷي پايدالانۋعا بەرٸلدٸ. قازٸرگٸ كەزدە 825 پەتەرلٸ 7 ٷيدٸڭ قۇرىلىسى جٷرگٸزٸلۋدە.

الماتى وبلىسىندا بيىل ٷش اۋىسىمدى جەنە اپاتتىق جاعدايداعى مەكتەپ مەسەلەسٸ تولىعىمەن شەشٸلەدٸ. وعان نەگٸز بار. ٶڭٸر باسشىسى ٷستٸمٸزدەگٸ جى­لى جامبىل اۋدانى, جاڭاقۇرىلىس اۋىلىندا ابدوللا قارساقباەۆ اتىنداعى جاڭا مەكتەپتٸڭ اشىلۋىنا قاتىسىپ كٶپشٸلٸكتٸڭ قۋانىشىن بٶلٸستٸ.

«مەملەكەت باسشىسى «100 ناقتى قادام» ۇلت جوسپارىندا بٸلٸم بەرۋ جٷيەسٸن جاڭعىرتۋعا ەرەكشە كٶڭٸل بٶلگەنٸ مەلٸم. ۇرپاققا ساپالى بٸلٸم بەرٸپ, زامانعا ساي, ەلەمدٸك بەسەكەگە قابٸلەتتٸ, تالانتتى جاستاردى دايىنداۋ – ورتاق مٸندەتٸمٸز. ول ٷشٸن بارلىق جاعداي جاسالاتىن بولادى. قازٸردٸڭ ٶزٸندە وبلىس بيۋدجەتٸنٸڭ ٷشتەن بٸر بٶلٸگٸ بٸلٸم بەرۋ سالاسىنا جۇمسالۋدا. جاڭا مەكتەپتەر سالۋ, ماتەريالدىق-تەحنيكالىق بازانى نىعايتۋ, كٷردەلٸ جەنە اعىمداعى جٶندەۋدەن ٶتكٸزۋ, وقۋلىقتار ساتىپ الۋ, كومپيۋتەرلەندٸرۋ مەسەلەلەرٸ وڭ شەشٸمٸن تابۋدا. ٶڭٸردە بيىل 9 جاڭا مەكتەپ سالىنۋدا, سونىڭ العاشقىسى تامىزدا اشىلسا, 4 مەكتەپ وسى وقۋ جىلىنىڭ العاشقى ايىندا, 4-ەۋٸ جىل سوڭىنا دەيٸن پايدالانۋعا بەرٸلەدٸ. «نۇرلى جول» باعدارلاماسى بويىنشا بيىلعى جىلعا ۇلتتىق قور ەسەبٸنەن 27 مەكتەپ جەنە 3 بالاباقشا قۇرىلىسىنا 24 ملرد 272 ملن تەڭگە بٶلٸندٸ», – دەگەن ەدٸ اماندىق باتالوۆ وسىعان وراي.

ەلباسىنىڭ تاپسىرماسىمەن جٷزەگە اسىرىلىپ جاتقان «100 مەكتەپ, 100 اۋرۋحانا» باعدارلاماسى اياسىندا الماتى وبلىسىندا ون مەكتەپتٸڭ قۇرىلىس جۇ­مىستارى تولىعىمەن اياقتالىپ, پاي­دالانۋعا بەرٸلدٸ. بٷگٸنگٸ كٷنٸ 7050 وقۋشى سول جاڭا مەكتەپتەردە بٸلٸم الۋدا. مەكتەپتەردەگٸ حيمييا, فيزيكا جەنە ينفورماتيكا پەندەرٸنە ارنالعان سىنىپتار جاڭا جابدىقتارمەن قامتاماسىز ەتٸلگەن. سپورت زالدارى قازٸرگٸ زامانعا ساي سپورتتىق قۇرالدارمەن جاساقتالعان.

«جۇمىسپەن قامتۋدىڭ جول كارتاسى-2020» باعدارلاماسى شەڭبەرٸندە بىلتىر 15 دەرٸگەرلٸك امبۋلاتورييا مەن فەلد­شەرلٸك-اكۋشەرلٸك پۋنكت قۇرىلىسىنا رەسپۋبليكالىق جەنە جەرگٸلٸكتٸ بيۋدجەتتەن 3 ملرد 034 ملن تەڭگە بٶلٸنٸپ, يگەرٸل­دٸ. باعدارلاما اياسىندا 548 ادام جۇمىسپەن قامتىلدى. جالپى, الماتى وبلىسىندا 350 دەرٸگەرلٸك امبۋلاتورييا, 40 دەنساۋلىق ساقتاۋ نىسانى پايدالانۋعا بەرٸلگەن.

قورىتا ايتقاندا, بۇل دەرەكتەر جەتٸ­سۋ­دىڭ قالاسىندا دا, دالاسىندا دا سوڭعى ەكٸ جىلدا قارقىن العان قۇرىلىستى راستايدى. ەڭ باستىسى, ەلباسى دا, ەل دە الماتى وبلىسىنىڭ ەكٸمٸ اماندىق باتالوۆتىڭ تٶل مٸندەتٸن كەمشٸلٸكسٸز دەرلٸك اتقارىپ وتىرعانىنا ريزا. ال ەل العىسىنا كەلسەك, تاياۋدا عانا رايىمبەك اۋدانى, نارىنقول اۋىلىنان 87 جاستاعى تاۋتاي ەستەۋسٸزوۆ دەگەن قارييا تەلەفون سوعىپ, تاسادا قالىپ بارا جاتقان نارىنقولعا وبلىس ەكٸمٸنٸڭ جاقسى كٶڭٸل بٶلٸپ وتىرعانىن تٸزبەلەپ بەرگەندە «ەپ, بەرەكەلدٸ!» دەپ بٸز دە قۋاندىق. نارىنقول اۋىلىنىڭ تۇرعىندارىن ساپالى اۋىزسۋمەن قامتۋ ماقساتىندا 2014 جىلى جالپى قۇنى 938,6 ملن تەڭگەگە سۋمەن جابدىقتاۋ جٷيەلەرٸنٸڭ قۇرىلىسى جەنە قايتا جاڭعىرتۋ جوباسى ٸسكە اسىرىلا باستاعان ەدٸ. بيىل قۇرىلىس-مونتاج جۇمىستارىن اياقتاۋعا رەسپۋبليكالىق جەنە وبلىستىق بيۋدجەتتەن 382,6 ملن تەڭگە بٶلٸنٸپ, يگەرٸلۋدە. بۇل جوبادا 34 شاقىرىم اۋىل ٸشٸ سۋ جەلٸلەرٸن قايتا جاڭعىرتۋ, تۇتىنۋدى جٷيەگە قوسۋ ٷشٸن 341 قۇدىق ورناتۋ, تاعى باسقا نىسانداردى تۇرعىزۋ ۇيعارىلعان. كەلٸسٸمشارت بويىنشا جۇمىستاردى اياقتاۋ مەرزٸمٸ بيىلعى قاراشا ايىنا جوسپارلانعان.

يە, جەتٸسۋ جەرٸندە جان جادىراتىپ, كٶڭٸل قۋانتاتىن جۇمىستار اتقارىلۋ ٷستٸندە. ونىڭ بەرٸ ەل يگٸلٸگٸنە ارنالعان.

وسىعان وراي وبلىس ەكٸمٸنٸڭ ورىنباسارى عالىمجان ەبدٸ­رايىموۆ­پەن ەڭگٸمەلەسۋدٸڭ رەتٸ تٷسكەن ەدٸ.

– عالىمجان رايىلۇلى, كەسٸبي مامان رەتٸندە جەتٸسۋ جەرٸندە جەدەل قارقىن العان قۇرىلىس جٶنٸندە ايتىپ بەرسەڭٸز.

– ەرينە, الدىمەن تاپسىرىلعان جۇ­مىستى جەتە تٷسٸنٸپ, جاۋاپكەرشٸلٸكپەن اتقارا بٸلۋ كەرەك. بٸز تٶل مٸندەتٸمٸزدٸ كەمشٸلٸكسٸز اتقارۋ ٷشٸن قولدان كەل­گەننٸڭ بەرٸن جاسايمىز. مامان قۇرىلىس­شىلارمەن جيٸ كەزدەسٸپ, جۇمىس بارىسىن كەڭٸنەن تالقىلايمىز. كەمشٸلٸك بولدىرماۋدىڭ جولىن انىقتاپ, سوعان سەيكەس نىسان قۇرىلىسىن ساپالى ەتٸپ سالۋدى باستى ماقسات تۇتامىز. جۇمىس قار­قى­نىن ارتتىرۋ مەسەلەسٸ قاشاندا كٷن تەرتٸبٸنەن تٷسپەيدٸ. تاپسىرىلعان مٸندەتتٸ مەرزٸمٸندە ورىنداۋ ەربٸر قۇرىلىسشىنىڭ قاعيداسىنا اينالعان. ەڭ باستىسى بٸزدٸڭ اتقارعان جۇمىس جٶنٸندەگٸ ەسەبٸمٸزدٸ وبلىس باسشىسى مۇقييات تىڭدايدى. اراسىندا ۋاقىت تاۋىپ ەلگٸ قۇرىلىس نىسانىنا ٶزٸ بارىپ كٶرەدٸ. كەمشٸن تۇستارى بولسا تيٸستٸ تالاپ قويىپ, ۋاقتىلى ورىندالۋىن باقىلاۋعا الادى. نەتيجەسٸندە جۇمىستىڭ قارقىنى دا, ساپاسى دا ارتادى. كەمشٸلٸك اتاۋلىعا كەڭشٸلٸك بەرٸلمەيدٸ.

– كٶرٸكتٸ قۇرىلىس كٶپشٸلٸكتٸڭ كٶزايىمى ەمەس پە. بۇل تۋرالى نە دەيسٸز?

– تالدىقورعاندا تٶرت كورپۋس­تان تۇراتىن كٶپسالالى اۋرۋحانا قۇرى­­لى­سىنىڭ جەرتٶلەسٸنەن باستاپ قا­بىر­عاسىن قالاپ, شاتىرىن جاۋىپ پاي­دالانۋعا ٶتكٸزۋگە دەيٸنگٸ جۇمىستىڭ باسى-قاسىندا جٷردٸم. نەگٸزگٸ باقىلاۋ جٷكتەلگەندٸكتەن جاۋاپكەرشٸلٸگٸ دە زور بولدى. قۇرىلىس جۇمىستارى اياق­تالعاندا سىرتىن قوڭىرقاي تٷسپەن بوياپ ٷلگەرٸپتٸ. كٶڭٸلٸمە جاقپادى. سودان اماندىق عابباسۇلى كەلدٸ. بٸردەن سىرتقى بوياۋدى ۇناتپاي: «بۇل – اۋرۋحانا. مۇندا ادامدار ەمدەلۋ ٷشٸن جابىرقاۋ كٶڭٸلمەن كەلگەندە جاندارىن سەرپٸلتەر اشىق تٷستٸ عيماراتقا كٸرسە, تىڭايىپ, كٶتەرٸلٸپ قالۋى كەرەك. بٸلە-بٸلسەڭٸزدەر, بۇل – بٸرٸنشٸ ەم», – دەپ كٶپسالالى جاڭا اۋرۋحانانىڭ تٶرت كورپۋسىن دا سارعىش تٷسكە, جوعارى بەلدەۋٸن كٷلگٸن تٷسكە بوياتقىزدى. بۇل ەكٸ تٷس ٷيلەسٸپ كٶرٸكتٸ ەرٸ كٶرگەن جان­نىڭ كٶڭٸلٸن جادىراتار كٶرٸنٸس بەرٸپ تۇر. وسى اۋرۋحانانىڭ قاتارىندا بۇدان كٶپ جىل بۇرىن سا­لىنعان قوس كورپۋستى پەرزەنتحانانى دا دەل وسىنداي تٷسپەن بوياتىپ, شاتىرىن اۋىستىرىپ ەدٸك, ول عيمارات تا جاڭارىپ, جايناپ شىعا كەلدٸ. مۇنداي مىسالداردى جەتٸسۋدىڭ ٶزگە قالالارى مەن اۋىلدارىنان دا كٶپتەپ كەزدەستٸرۋگە بولادى.

جالپى,  جەتٸسۋ ٶڭٸرٸ ەكونو­ميكالىق جەنە ەكونوميكالىق-مەدەني دامۋدىڭ داڭعىل جولىنا تٷسٸپ, ٶركەندٸ ٸستەردٸ ٶرلەتۋگە جۇمىلعان. قالاسى مەن دالاسى قىزۋ تٸرلٸككە تولى. يە, راسىندا دا ونىڭ بەرٸ ەل يگٸلٸگٸنە ارنالعان. ال مۇنداي ۇمتىلىس بولاشاققا دەگەن سەنٸمدٸلٸكتٸ نىعايتىپ, ىرىس-بەرەكەنٸ مولايتۋعا بەرٸك نەگٸز قالايتىنى سٶزسٸز.

نۇربول ەلدٸباەۆ,

«ەگەمەن قازاقستان»

الماتى وبلىسى