فوتو: اشىق دەرەككٶز
تالدىقورعان قالالىق سوتىندا پارا العان مەن بەرگەندەردٸڭ ٸسٸ قارالدى.
بٸر سوتتالۋشىعا پارا العانى ٷشٸن (قك 366-بابىنىڭ 3-بٶلٸگٸنٸڭ 4-تارماعى), ٷشەۋٸنە پارا الۋ بويىنشا دەلدال بولعانى (قك 368-بابىنىڭ 2-بٶلٸگٸ, 1-بٶلٸگٸ), بەسەۋٸنە پارا بەرگەنٸ (قك 367-بابىنىڭ 1-بٶلٸگٸ) ٷشٸن ايىپ تاعىلدى.
جەرگٸلٸكتٸ ەڭبەك دەپارتامەنتٸ مەديتسينالىق-ەلەۋمەتتٸك ساراپتاما بٶلٸمٸنٸڭ باسشىسى دەلدالدار — پانفيلوۆ اۋداندىق اۋرۋحاناسىنىڭ تراۆماتولوگى, سارقان اۋداندىق اۋرۋحاناسىنىڭ پسيحياترى جەنە اقسۋ اۋداندىق اۋرۋحاناسىنىڭ ۋزي دەرٸگەرٸ ارقىلى بٸرنەشە رەت 450 مىڭ تەڭگەدەن پارا العان.
بەس ادام پارا بەرٸپ, مٷگەدەكتٸك الىپ, ۇزارتقان.
سوت ٷكٸمٸمەن بٶلٸمنٸڭ بۇرىنعى باسشىسى 8,7 ملن تەڭگە (پارانىڭ 60 ەسەلەنگەن مٶلشەرٸ) ايىپپۇل تٶلەيتٸن بولدى.
تراۆماتولوگقا 9 ميلليون تەڭگە ايىپپۇل سالىندى (پارانىڭ 20 ەسەلەنگەن مٶلشەرٸ);
پسيحياتر مەن ۋزي دەرٸگەرٸ سەيكەسٸنشە 300 مىڭ تەڭگە جەنە 700 مىڭ تەڭگە (پارانىڭ 10 ەسەلەنگەن سوماسى) ايىپپۇل تٶلەيدٸ.
بەس پارا بەرۋشٸگە قىلمىستىق كودەكستٸڭ 367-بابىنىڭ 1-بٶلٸگٸ بويىنشا 450 مىڭنان 1,5 ميلليون تەڭگەگە دەيٸن ايىپپۇل سالىندى.
ايىپپۇلدى تٶلەۋدەن جالتارعان جاعدايدا تٶلەنبەگەن بٶلٸگٸ باس بوستاندىعىنان ايىرۋ جازاسىنا اۋىستىرىلادى.
ٷكٸم زاڭدى كٷشٸنە ەنگەن جوق.
