فوتو: ۆيدەودان سكرينشوت
جەتٸسۋ وبلىسىندا كەمەلەتكە تولماعان ۇلىن اياۋسىز سوققىعا جىقتى دەپ ايىپتالعان 28 جاستاعى ەيەلگە قاتىستى سوت شەشٸمٸ شىقتى, دەپ حابارلايدى Ult.kz.
ٶز بالاسىن ازاپتاعان انانىڭ ٷستٸنەن قوزعالعان قىلمىستىق ٸس پانفيلوۆ اۋداندىق سوتىندا قارالدى.
وقيعا بيىلعى جىلدىڭ 18 قاڭتارىندا نۇركەنت كەنتٸندەگٸ كٶپقاباتتى تۇرعىن ٷيلەردٸڭ بٸرٸندە بولعان. ۆيدەودا جاس ەيەلدٸڭ شامامەن ٷش-تٶرت جاستاعى كٸشكەنتاي بالانى اياۋسىز سوققىعا جىققانى بەينەلەنگەن. ەيەل جىلۋ باتارەياسىنا بايلانعان بالانى ۇرىپ, تەپكٸلەپ تاستايدى.
كەيٸنٸرەك ەيەلدٸڭ بالاسىن جۋىناتىن بٶلمەدەگٸ كراندى جابۋدى ۇمىتىپ كەتكەنٸ ٷشٸن وسىلاي “جازالاعانى” بەلگٸلٸ بولدى.
تەرگەۋ بارىسىندا ەيەلدٸڭ پسيحيكالىق اۋىتقۋى بار ەكەنٸ انىقتالىپ, ول قىلمىستىق جاۋاپكەرشٸلٸكتەن بوساتىلدى. سوت-پسيحياترييالىق ساراپتاما قورىتىندىلارىن ەسكەرە وتىرىپ, سوت ەيەلدٸ مەجبٷرلٸ ەمدەۋگە جٸبەرۋ تۋرالى شەشٸم قابىلدادى.
“سوت شەشٸم قابىلداۋ كەزٸندە بالانىڭ اناسىنا قاتىستى ساراپتاما قورىتىندىلارى نەگٸزگە الدى. وعان مٸنەز-قۇلقىندا ايقىن بۇزىلىستارى بار, كٷتٸم مەن ەمدەۋدٸ قاجەت ەتەتٸن جەڭٸل دەرەجەدەگٸ اقىل-وي كەمٸستٸگٸ دياگنوزى قويىلعان. قىلمىس جاسالعان سەتتە ول ٶز ەرەكەتتەرٸنٸڭ ناقتى سيپاتى مەن قوعامدىق قاۋٸپتٸلٸگٸن تٷسٸنە الماعان ەرٸ ولاردى باسقارا الماعان. پسيحيكالىق جاي-كٷيٸنە بايلانىستى ەيەل سوت پروتسەسٸنە قاتىسۋعا قابٸلەتسٸز جەنە ٶزٸ مەن اينالاسىنداعىلارعا قاۋٸپ تٶندٸرەدٸ. وسىعان بايلانىستى ول قىلمىستىق جاۋاپكەرشٸلٸكتەن بوساتىلىپ, جالپى تيپتەگٸ پسيحياترييالىق ستاتسيوناردا مەجبٷرلٸ ەمدەۋ تٷرٸندەگٸ مەديتسينالىق شارا قولدانىلدى”, – دەدٸ جەتٸسۋ وبلىسى سوتىنىڭ باسپاسٶز قىزمەتٸنٸڭ باسشىسى نۇرسۇلتان ورىنباساروۆ.
ايىپتالۋشىنىڭ تٶرت جەنە ەكٸ جاستاعى ۇلدارى قازٸر تالدىقورعان قالاسىنداعى بالالار مەكەمەلەرٸنٸڭ بٸرٸندە تەربيەلەنۋدە. جاقىن ارادا سوت قورعانشىلىق جەنە قامقورشىلىق ورگاندارى جيناعان ماتەريالداردى قاراپ, بالالارعا قاتىستى شەشٸم قابىلداۋى تيٸس.
ەسكە سالساق, بۇعان دەيٸن قازاقستاندىق ەيەل ٶز بالاسىن جىلۋ باتارەياسىنا بايلاپ, اياۋسىز ۇرىپ-سوققانى تۋرالى جازعان ەدٸك. وقيعانىڭ ۆيدەوسى جەلٸدە تاراعاننان كەيٸن بالاسىن اياۋسىز ۇرعان ەيەل ۋاقىتشا ۇستاۋ يزولياتورىنا قامالدى.
