فوتو: gov.kz
جەتٸسۋ وبلىسىنىڭ ورتالىعى تالدىقورعان قالاسىندا جىلۋمەن قامتۋ نىساندارىن سالۋ جوبالارىنا شامامەن 5,7 ملرد تەڭگە بٶلٸندٸ. تيٸستٸ قاۋلىعا پرەمەر-مينيستر ولجاس بەكتەنوۆ قول قويدى, دەپ حابارلايدى Ult.kz.
اتالعان قاراجات قالاداعى وڭتٷستٸك-باتىس جاڭا تۇرعىن اۋدانىندا قازاندىق پەن جىلۋ جەلٸلەرٸن تارتۋ جوبالارىن اياقتاۋعا باعىتتالادى.
بٷگٸندە تالدىقورعان قالاسىنىڭ ورتالىقتاندىرىلعان جىلۋمەن جابدىقتاۋ جٷيەسٸندە جالپى قۋاتى 400 گكال/ساع بولاتىن 10 قازاندىق جۇمىس ٸستەيدٸ. جىلۋ جەلٸلەرٸنٸڭ جالپى ۇزىندىعى 179 شاقىرىمدى قۇرايدى, ورتاشا توزۋ دەڭگەيٸ – 62%. «باسقۋات» ورتالىق قازاندىعى 1980 جىلى پايدالانۋعا بەرٸلگەن, ونىڭ نەگٸزگٸ جابدىقتارى 71% توزعان.
وبلىس ورتالىعىنداعى حالىق سانى جىل سايىن ارتىپ كەلە جاتقاندىقتان, «باسقۋات» قازاندىعى قوسىمشا جىلۋ جٷكتەمەسٸن تولىق قامتاماسىز ەتە الماي وتىر.
وسىعان بايلانىستى جٷكتەمەنٸ ازايتۋ جەنە كەزەڭ-كەزەڭٸمەن ەكولوگييالىق تازا ەنەرگييا كٶزدەرٸنە كٶشۋ ماقساتىندا قالادا قۋاتى 49 گكال/ساع بولاتىن قازاندىقتىڭ قۇرىلىسى جٷرگٸزٸلۋدە.
جوبا قۇنى كەلٸسٸمشارت بويىنشا 11,1 ملرد تەڭگەنٸ قۇرايدى. قازٸرگٸ تاڭدا قۇرىلىس جۇمىستارىنىڭ شامامەن 60%-ى ورىندالدى. نىساندى پايدالانۋعا بەرۋ 2026 جىلعى قىركٷيەك ايىنا جوسپارلانعان.
جاڭا قازاندىقتىڭ تولىققاندى جۇمىس ٸستەۋٸن قامتاماسىز ەتۋ ٷشٸن وڭتٷستٸك-باتىس تۇرعىن اۋدانىنا جىلۋ جەلٸلەرٸن تارتۋ جوباسى قاتار جٷرگٸزٸلۋدە. اتالعان جوبانى اياقتاۋ دا وسى جىلدىڭ كٷزٸنە جوسپارلانعان.
جوبالاردى ۋاقتىلى جٷزەگە اسىرۋ نەتيجەسٸندە «بولاشاق», «كٶكتەم», «بٸرلٸك» جەنە «قۇلاگەر» شاعىن اۋداندارىندا 2024–2026 جىلدارى سالىنعان كٶپقاباتتى تۇرعىن ٷيلەر مەن ەلەۋمەتتٸك نىساندار ساپالى ەرٸ ٷزدٸكسٸز جىلۋمەن قامتاماسىز ەتٸلەدٸ. جالپى ابونەنتتەر سانى 20 مىڭدى قۇرايدى, ونىڭ ٸشٸندە 120 كٶپقاباتتى تۇرعىن ٷي جەنە 17 ەلەۋمەتتٸك, كوممەرتسييالىق جەنە ٶزگە دە نىساندار بار.
