فوتو: Polisia.kz
جەتٸسۋ وبلىسىندا اۋىر جٷك كٶلٸكتەرٸن توناعان 6 ادامنان قۇرالعان قىلمىستىق توپ ۇستالدى, – دەپ حابارلايدى Polisia.kz.
ۇيىمداسقان قىلمىسقا قارسى كٷرەس باسقارماسى جەتٸسۋ وبلىسى پروكۋراتۋراسىنىڭ ٷيلەستٸرۋٸمەن, جەتٸسۋ ٶڭٸرٸ ارقىلى الماتى – ٶسكەمەن تاس جولى ارقىلى ترانزيتپەن كەتٸپ بارا جاتقان اۋىر جٷك كٶلٸكتەرٸنەن مٷلٸكتٸ ۇرلاۋمەن اينالىسقان قىلمىسكەرلەردٸ انىقتاۋ بويىنشا جەدەل-ٸزدەستٸرۋ ٸس-شارالارىن جٷرگٸزگەن.
10 شٸلدەدە ۇزاق جەنە ٷيلەسٸمدٸ جۇمىستىڭ نەتيجەسٸندە التى ادامنان تۇراتىن توپ ۇستالدى, ولار جٷيەلٸ تٷردە ٸرٸ پارتييالى جٷك كٶلٸكتەردەن تٷرلٸ تاۋارلاردى ۇرلاعان.
بۇل توپتىڭ جۇمىسى ۇرلانعان مٷلٸكتٸ ساتۋعا دەيٸن جاقسى ۇيىمداستىرىلعان.
"قىلمىسكەرلەردٸڭ بٸر سحەما بويىنشا ەرەكەت ەتكەنٸ انىقتالدى: ولار تٷندە تاس جولعا شىعىپ, فۋرانىڭ ارتىندا جٷرٸپ كەلە جاتىپ, تراسسادا جٷك كٶلٸگٸ جىلدامدىعىن بەسەڭدەتەتٸن جەنە تەڭسەلمەي جٷرەتٸن جەرلەردٸ تاڭداماق بولعان. ٶز كٶلٸكتەرٸنٸڭ شامدارىن الدىن الا سٶندٸرٸپ, كٶلٸكتٸڭ شاعىلىستىراتىن ەلەمەنتتەرٸن جاپسىرىپ قويۋعا تىرىسقان. قاراقشىلار اۋىر جٷككە جاقىنداپ, ونىمەن تٷيٸسۋ كەزٸندە ٸلگەگٸ بار ارنايى جاسالعان باسپالداقتىڭ كٶمەگٸمەن جٷك كٶلٸگٸنٸڭ تٶبەسٸنە كٶتەرٸلگەن. ەكەۋٸ جٷك كٶلٸگٸنٸڭ تٶبەسٸنە شىعىپ, تەنتتٸڭ جوعارعى بٶلٸگٸن كەسٸپ, بٸرەۋٸ فۋرانىڭ ٸشٸنە كٸرٸپ, ەكٸنشٸسٸنە تاۋاردى بەرٸپ وتىرادى. ونىڭ بارلىعى جول جيەگٸنە لاقتىرىلعان. بٸراز ۋاقىتتان كەيٸن, سىبايلاستارى گازەل اۆتوكٶلٸگٸمەن تاۋارلاردى جيناۋعا كٸرٸسكەن. ۇرلانعان زاتتاردى ساتۋعا الماتى قالاسىنداعى تانىستارى كٶمەكتەسكەن. قازٸرگٸ ۋاقىتتا بٸرنەشە ادامنىڭ بۇل قىلمىسقا قاتىسى بار-جوعى تەكسەرٸلٸپ جاتىر", – دەيدٸ جەتٸسۋ وبلىسى پد باستىعىنىڭ ورىنباسارى ەبدٸكەنوۆ.
فوتو: Polisia.kz
ولاردى ۇستاۋ كەزٸندە جەتٸسۋ وبلىسىنىڭ, الماتى وبلىسىنىڭ جەنە الماتى قالاسىنىڭ اۋماعىندا 30-دان استام تٸنتۋ ٸس-شاراسى ٶتكٸزٸلگەن.
سوتقا دەيٸنگٸ تەرگەپ-تەكسەرۋ قر قك-نٸڭ 188-بابى 4-بٶلٸگٸ (قىلمىستىق توپ جاساعان ۇرلىق) بويىنشا جٷرگٸزٸلٸپ جاتىر. قازٸرگٸ ۋاقىتتا كٷدٸكتٸلەر قاماۋعا الىندى.
پوليتسەيلەر باسقا زارداپ شەككەن ادامداردى انىقتاۋ جەنە ۇستالعانداردىڭ ۇقساس قىلمىستارعا قاتىسى بار-جوعىن تەكسەرۋ جۇمىستارىن جالعاستىرىپ جاتىر.
