فوتو: Pexels.com
جەتٸسۋ وبلىسىندا ەسكەري بٶلٸمگە تيەسٸلٸ تەمٸرجول ينفراقۇرىلىمى نىسانى مەملەكەت مەنشٸگٸنە قايتارىلدى, دەپ حابارلايدى Ult.kz.
ەسكەري پروكۋرورلار ەسكەري مٷلٸكتٸڭ ماقساتتى ەرٸ زاڭدى پايدالانىلۋىن باقىلاۋ جۇمىستارى بارىسىندا بٸرقاتار زاڭبۇزۋشىلىقتاردى انىقتاعان. سارىٶزەك گارنيزونىنىڭ ەسكەري پروكۋراتۋراسى جٷرگٸزگەن تالداۋ نەتيجەسٸندە جەر كوميسسيياسىنىڭ شەشٸمٸ مەن جەرگٸلٸكتٸ اتقارۋشى ورگانمەن جاسالعان ساتىپ الۋ-ساتۋ شارتى نەگٸزٸندە ەسكەري بٶلٸمنٸڭ تەمٸرجولعا باراتىن تارماعىنىڭ بٸر بٶلٸگٸ كوممەرتسييالىق كەسٸپورىنعا زاڭسىز بەرٸلگەنٸ بەلگٸلٸ بولدى.
انىقتالعان فاكتٸ بويىنشا ەسكەري بٶلٸم جەتٸسۋ وبلىسىنىڭ مامانداندىرىلعان اۋدانارالىق ەكٸمشٸلٸك سوتىنا تالاپ ارىز بەردٸ. سوت ەسكەري پروكۋراتۋرانىڭ ۇستانىمىن قولداپ, شەشٸم مەن شارتتى زاڭسىز دەپ تانىدى. نەتيجەسٸندە قۇنى 75 ملن تەڭگەدەن اساتىن كٸرمە جول قايتادان قورعانىس مينيسترلٸگٸنٸڭ مەنشٸگٸنە قايتارىلدى.
ەسكەري پروكۋراتۋرا ورگاندارى ەسكەري نىسانداردىڭ ساقتالۋى مەن ولاردىڭ ماقساتتى پايدالانىلۋىن قامتاماسىز ەتۋ باعىتىنداعى جۇمىستاردى جالعاستىرا بەرەتٸنٸن مەلٸمدەدٸ.
