جەتٸسۋ وبلىسىنداعى الاكٶلگە اپاراتىن ٷشارال-دوستىق تاس جولىنان 677 سىناما الىندى. دەگەنمەن ونىڭ 160-ى تالاپقا ساي بولماي شىقتى. تٶرت جىلدا ەرەڭ اياقتالعان جول قۇرىلىسىنا 60 ميللياردتان استام تەڭگە جۇمسالعان ەكەن, دەپ حابارلايدى "ۇلت اقپارات" كتك ارناسىنا سٸلتەمە جاساپ.
مامانداردىڭ سٶزٸنشە, بۇل جولعا قاراعاندا 160 ميلليارد تەڭگە بٶلٸنٸپ, ەلٸ دە قۇرىلىس جۇمىستارى جٷرٸپ جاتقان تالدىقورعان مەن ٶسكەمەن اراسىنداعى كٷرە جولدىڭ سىناماسى ەلدەقايدا جاقسى.
ٷشارال-دوستىق تاس جولى جۇرتشىلىقتىڭ الاكٶلگە ەمٸن-ەركٸن جەتۋٸ ٷشٸن 60 ميللياردتان استام تەڭگەگە سالىنعان.
"380 ميلليون تەڭگە, بٸر شاقىرىمىنا ورتاشا ەسەپپەن. ول كٶپٸر ٷشارال - دوستىق اۆتوجولىنىڭ قايتا قۇرۋدا سالىنعان كٶپٸر. بۇرىنعى ەسكٸ كٶپٸردەن بٸر شاقىرىم سولعا قاراي الىپ, جەل باعىتىن ەسەپتەي وتىرىپ سالىنعان "روزا ۆەتروۆ" دەپ اتالىپ كەتكەن كٶپٸر", – دەدٸ "قازاۆتوجول" ۇك جەتٸسۋ وبلىسى فيليالىنىڭ ديرەكتورى نۇرحات اقىلتاەۆ.
جول ساپاسىن تەكسەرەتٸن ماماندار بۇل جولدان سىناما الىپ 160-ىنىڭ تالاپقا ساي ەمەسٸن انىقتاپتى. وسىدان كەيٸن مەردٸگەرلەر كەمشٸلٸگٸن مويىنداپ, ولقىلىقتى تەز رەتتەگەن. دەل وسىنداي زەرتتەۋ بٸر شاقىرىمى 500 ميلليون تەڭگەگە سالىنىپ جاتقان تالدىقورعان مەن ٶسكەمەن اراسىنداعى كٷرە جولدا دا جٷرگٸزٸلگەن.
"الىنعان سىنامالار مٸندەتتٸ تٷردە ەشكٸم بٸلمەيتٸندەي قىلىپ, شتريح-كود پايدا بولادى. ول ارقىلى تەك زەرتتەۋدەن ٶتٸپ بولعاننان كەيٸن انىقتالادى. قاي جەردەن, قاي مەردٸگەردەن الىنعانى, سونداي تەرتٸپتە. ەكٸنشٸدەن, زەرتحانالارىمىزدا تسيفرلاندىرۋ جٷرٸپ جاتىر", – دەدٸ "جول اكتيۆتەرٸنٸڭ ۇلتتىق ساپا ورتالىعى" رمك باس ديرەكتورى بولاتبەك ايتباەۆ.
شەنەۋنٸكتەردٸڭ ايتۋىنشا, بيىل جولداعى ويىق-شۇڭقىردى رەتتەۋگە 500 ميلليارد تەڭگە بٶلٸنگەن. بٸراق مۇنىڭ ٶزٸن ازسىنىپ, حالىقارالىق ينستيتۋتتاردان كٶمەك سۇراعان ەكەن.
"جوسپارعا سەيكەس جول جٶندەلۋٸنە بايلانىستى قارجى ٶزگەرتٸلٸپ وتىرادى. رەسپۋبليكالىق بيۋدجەتتە قارجى تاپشىلىعى بار. سول سەبەپتەن دە حالىقارالىق قارجى ينستيتۋتتارىنان قارجى تارتىپ, وسى جوبالاردى جٷزەگە اسىرىپ جاتىرمىز", – دەدٸ كٶلٸك مينيسترلٸگٸ اۆتوموبيل جولدارى كوميتەتٸنٸڭ باسقارما باسشىسى نۇرتٸلەك حاسانوۆ.
ەلٸمٸزدە 95 مىڭ شاقىرىم جول بار. ونىڭ 12 مىڭى جٶندەۋدەن ٶتۋٸ تيٸس. جول جٶندەۋشٸلەر ەلٸمٸزدەگٸ جولدى 100 پايىز ساپالى ەتۋ ٷشٸن قاراجاتتان بٶلەك, ماماندار دا جەتكٸلٸكسٸز دەيدٸ.
