29 سەۋٸر كٷنٸ تٷركٸستان وبلىسى جەتٸساي اۋدانىنداعى بٸرنەشە اۋىلدىڭ شارۋالارى ەككەن قىرىققاباتتارى شٸري باستاعانىن ايتىپ شاعىمداندى. بۇل تۋرالى ازاتتىق تٸلشٸسٸ حابارلادى.
شابلان دٸلدابەكوۆ اۋىلدىق وكرۋگٸنٸڭ تۇرعىنى انارباي ەشٸمتاەۆتىڭ ايتۋىنشا, 3 گەكتار جەرگە 75 مىڭ تٷپ قىرىققابات ەككەن. سٶزٸنشە, قىرىققابات ٶسٸرٸپ, دايىنداۋعا التى ميلليون تەڭگە جۇمساعان. ول اۋىلدا ساتىپ الاتىن ادام بولماعان سوڭ 600 مىڭ تەڭگەگە جٷك كٶلٸگٸن جالداپ, قاراعاندى قالاسىنا الىپ بارماقشى.
- شىعىن شاش-ەتەكتەن. كاپۋستا پٸستٸ. ٶتكٸزە الماي دال بولىپ وتىرمىز. قاراعاندىعا الىپ بارايىق دەپ تەۋەكەلگە باردىق. كٶرٸپ تۇرسىزدار پٸسكەن كاپۋستالار شٸري باستادى. ەندٸ تاعى بٸر اپتادا ساتىپ ٷلگەرمەسەك, جارىلىپ, اعىپ كەتەدٸ, - دەيدٸ ول.
ەگٸن القاپتارىنان شٸرٸگەن قىرىققاباتتاردىڭ يٸسٸ شىعا باستاعان. جارىلىپ جاتقان قىرىققابتتار دا بار. كەيبٸر شارۋا جارىلعان قىرىققاباتتى تەگٸن الاتىن ادام تاپپاي دالاعا تٶگٸپ جاتىر.
- "كارانتين, ٷيدەن شىقپا" دەيدٸ. شىقپاعاندا نە ٸستەيمٸز? ەگٸنٸمٸز اعىپ, ساسىپ جاتىر. ەل باسىندا وتىرعاندار مىنا شٸرٸپ جاتقان كاپۋستانى كٶرسٸنشٸ. كەلٸسٸن 10 تەڭگەدەن سۇراپ جاتىر. پايدا كٶرۋدٸ ايتپاعاندا, بٸر كەلٸ كاپۋستانىڭ شىعىنى 50 تەڭگەگە بارادى. ٷكٸمەت وسىنشا شارۋانى شىرىلداتىپ قايدا قاراپ وتىر? ەڭ بولماعاندا سۋبسيدييا بٶلمەي مە? - دەيدٸ اباي اۋىلدىق وكرۋگٸنٸڭ تۇرعىنى نازيرا ٶتەگەنوۆا.
اباي اۋىلدىق وكرۋگٸنٸڭ ەكٸمدٸگٸنٸڭ مەلٸمەتٸنشە, مۇندا 230 گەكتار جەرگە قىرىققابات ەگٸلگەن. كوروناۆيرۋس پاندەميياسىنا ەنگٸزٸلگەن كارانتينگە بايلانىستى ٶنٸم دايىن بولعانىمەن قىرىققابات ساتىپ الاتىن ادامدار از.
28 سەۋٸر كٷنٸ تٷركٸستان وبلىسىنىڭ ەكٸمٸ ٶمٸرزاق شٶكەەۆ ٷكٸمەتتەن قىرىققابات ەككەن شارۋالارعا كٶمەك بەرۋدٸ سۇراعان. ەكٸم وبلىستا 250 مىڭ توننا قىرىققابات دايىن تۇرعانىن, شارۋالار ٶتكٸزە الماي جاتقانىن مەلٸمدەگەن. پرەمەر-مينيستر اسقار مامين بۇل مەسەلەنٸ شەشۋگە كٶمەك بەرۋدٸ اۋىل شارۋاشىلىعى مينيسترلٸگٸنە تاپسىرعان.
قازاقستاندا كوروناۆيرۋس تاراپ, ەلدٸڭ باسىم بٶلٸگٸندە كارانتين جارييالانعان. وسىدان سوڭ ەر ايماقتاعى ديحاندار مەن شارۋالار ٶنٸمدەرٸن باسقا وبلىستارعا شىعارا الماي قالدى.
