اقش ۇلتتىق اەروناۆتيكا جەنە عارىش باسقارماسى (NASA) كەلەسٸ ايدا ٷلكەن استەرويدتىڭ جەرگە جاقىندايتىنىن مەلٸم ەتتٸ, دەپ حابارلايدى قازاقپارات Newsweek سايتىنا سٸلتەمە جاساپ.
NASA باعالاۋىنا ساي, 2001 CB21 استەرويدى 4 ناۋرىز كٷنٸ شىعىس ۋاقىتى بويىنشا تاڭعى 3:00-دە جەرگە جاقىن كەلەدٸ. اسپان دەنەسٸنٸڭ ديامەترٸ – 1,3 كيلومەتر.
ونىڭ جىلدامدىعى - ساعاتىنا 26 800 ميليا بولماق. بۇل ۆينتوۆكادان اتىلعان وقتىڭ جىلدامدىعىنان 13 ەسە, جويعىش ۇشاقتىڭ ماكسيمالدى جىلدامدىعىنان 18 ەسە تەز.
NASA-نىڭ جەرگە جاقىن وبەكتٸلەردٸ زەرتتەۋ ورتالىعىنىڭ (CNEOS) مەلٸمدەۋٸنشە, الاڭداۋعا سەبەپ جوق. استەرويد «ىقتيمال قاۋٸپتٸ» وبەكتٸلەر ساناتىنا جاتادى.
الايدا جاقىن ارادا ول جەرمەن بەتپە-بەت كەلمەيدٸ, سەبەبٸ استەرويد 3 ميلليون ميليا قاشىقتىقتا بولماق.
استەرويدتىڭ «ىقتيمال قاۋٸپتٸ» بولىپ بەلگٸلەنۋٸ ونىڭ بٸزگە سوعىلاتىنىن بٸلدٸرمەيدٸ. مۇنداي اتاۋعا جەرگە ٶتە جاقىن كەلگەن وبەكتٸلەر يە بولادى.
2001 CB21 استەرويدى كٷندٸ تولىعىمەن 384 كٷندە اينالادى. بۇل بٸزدٸڭ عالامشارىمىزدىڭ كٶرسەتكٸشٸنە جاقىن. اتالعان استەرويدتىڭ كٶلەمٸ وعان ۇقساس تٷرلەردەن ەدەۋٸر ٷلكەن (97%).
30 قاڭتار كٷنٸ يتالييالىق استرونوم دجانلۋكا ماسي 2001 CB21 استەرويدىنىڭ سۋرەتٸن تٷسٸردٸ. وعان سەيكەس, اسپان دەنەسٸ سول كەزدە جەردەن 35 ميلليون كيلومەتر قاشىقتىقتا بولعان.
ال 6 ناۋرىز كٷنٸ 2001 CB21 جەرگە كەزەكتٸ رەت جاقىنداماق, ەكەۋٸنٸڭ اراسى 4,8 ميلليون كيلومەتر بولادى.
ەسكە سالا كەتەيٸك, 1994 PC1 استەرويدى 18 قاڭتار كٷنٸ جەرگە جاقىن كەلدٸ. ونىڭ ەنٸ - 1 شاقىرىم.
