جەلٸدە تاراعان ۆيدەو كادرى
جەلٸدە جەر سٸلكٸنٸسٸ كەزٸندە توڭازىتقىش ادام ٶمٸرٸن قۇتقارا الاتىنى تۋرالى اقپارات پايدا بولدى, - دەپ حابارلايدى Tengrinews.kz.
حابارلامادا توڭازىتقىشتار جوعارىدان قۇلاعان اۋىر بەتونداردى ۇستاپ تۇرعانى ايتىلادى.
"بٸزدٸڭ تٷركيياداعى تج قىزمەتكەرلەرٸ جەر سٸلكٸنٸسٸ بولعان جاعدايدا ەڭ قاۋٸپسٸز جەر توڭازىتقىشتىڭ جانى (كٶبٸسٸ امان قالعان) ەكەنٸن ايتادى", - دەلٸنگەن WhatsApp جەلٸسٸندە تاراعان حات مەتٸنٸندە.
"مٸنە, نۇسقاۋلاردىڭ بٸرٸ: توڭازىتقىشتىڭ ماڭايى - قاۋٸپسٸز جەر. مەن, ەرينە, توڭازىتقىشتىڭ جانى ەڭ قاۋٸپسٸز دەپ ايتپايمىن, بٸراق قانشا پەتەردٸ قارادىق - بەرٸندە تٶبەنٸ توڭازىتقىش كٶتەرٸپ تۇر. تٷسٸندٸڭٸز بە? توڭازىتقىش مايىسىپ قالمايدى. سودان كەيٸن توڭازىتقىشتا تاماق پەن سۋ - بارلىق قاجەتتٸ بار. مەن ەلٸ وسىنداي 500 كادر تٷسٸرە الامىن. قايدا بارساڭىز دا - بارلىق جەردە وسىنداي جاعداي. ول قالاي دا جانشىلىپ قالمايدى. ماعان قىزىعى, ونىڭ ٷستٸندە 10-15 قابات پليتكا جاتىر, بٸراق ول ۇستاپ تۇر", - دەيدٸ اۋديو-حابارلامادا ەر ادامنىڭ داۋىسى.
قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸ قازاقستاندىق قۇتقارۋشىلار بۇل اقپاراتتى راستاي الماعانىن حابارلادى.
"بٸز جٸگٸتتەرٸمٸزدەن - قازٸر سول جەردە (تٷركييادا - اۆت.ەسك.) جۇمىس ٸستەپ جاتقان قۇتقارۋشىلاردان سۇرادىق. ولار مۇندايدى كٶرمەگەن. بەلكٸم, بۇل باسقا ايماقتاردا تٷسٸرٸلگەن سۋرەتتەر شىعار. سوندىقتان بۇل اقپاراتتى راستاي دا, جوققا شىعارا دا المايمىز", - دەدٸ قر تٶتەنشە جاعدايلار مينيسترلٸگٸنٸڭ رەسمي ٶكٸلٸ رۋسلان يمانقۇلوۆ.
