Jelide taraǵan video kadry
Jelide jer silkinisi kezinde tońazytqysh adam ómirin qutqara alatyny týraly aqparat paida boldy, - dep habarlaidy Tengrinews.kz.
Habarlamada tońazytqyshtar joǵarydan qulaǵan aýyr betondardy ustap turǵany aitylady.
"Bizdiń Túrkiiadaǵy TJ qyzmetkerleri jer silkinisi bolǵan jaǵdaida eń qaýipsiz jer tońazytqyshtyń jany (kóbisi aman qalǵan) ekenin aitady", - delingen WhatsApp jelisinde taraǵan hat mátininde.
"Mine, nusqaýlardyń biri: tońazytqyshtyń mańaiy - qaýipsiz jer. Men, árine, tońazytqyshtyń jany eń qaýipsiz dep aitpaimyn, biraq qansha páterdi qaradyq - bárinde tóbeni tońazytqysh kóterip tur. Túsindińiz be? Tońazytqysh maiysyp qalmaidy. Sodan keiin tońazytqyshta tamaq pen sý - barlyq qajetti bar. Men áli osyndai 500 kadr túsire alamyn. Qaida barsańyz da - barlyq jerde osyndai jaǵdai. Ol qalai da janshylyp qalmaidy. Maǵan qyzyǵy, onyń ústinde 10-15 qabat plitka jatyr, biraq ol ustap tur", - deidi aýdio-habarlamada er adamnyń daýysy.
QR Tótenshe jaǵdailar ministrliginiń baspasóz qyzmeti qazaqstandyq qutqarýshylar bul aqparatty rastai almaǵanyn habarlady.
"Biz jigitterimizden - qazir sol jerde (Túrkiiada - avt.esk.) jumys istep jatqan qutqarýshylardan suradyq. Olar mundaidy kórmegen. Bálkim, bul basqa aimaqtarda túsirilgen sýretter shyǵar. Sondyqtan bul aqparatty rastai da, joqqa shyǵara da almaimyz", - dedi QR Tótenshe jaǵdailar ministrliginiń resmi ókili Rýslan Imanqulov.
