ۇلتتىق قوعامدىق سەنٸم كەڭەسٸ مەن جەر كوميسسيياسىنىڭ مٷشەسٸ, قوعام بەلسەندٸسٸ مۇرات ەبەنوۆ جەر تۋرالى زاڭناماعا ەنگزٸلٸلگەن سوڭعى ٶزگەرٸستەر مەن تٷزەتۋلەر تۋرالى پٸكٸر بٸلدٸردٸ, دەپ حابارلايدى قازاقپارات.
ساراپشى Facebook پاراقشاسىندا بٷگٸن پرەزيدەنت قاسىم-جومارت توقاەۆ قول قويعان «جەر قاتىناستارىنداعى ٶزگەرٸستەر تۋرالى» زاڭ جٶنٸندە پٸكٸر بٸلدٸردٸ.
«شاتاسپاۋ ٷشٸن باسىن اشىپ الايىق. مامىر ايىندا مەملەكەت باسشىسىنىڭ باستاماسىمەن جەردٸ شەتەلدٸكتەردٸڭ يەمدەنۋٸنە تىيىم سالاتىن قۇجات قابىلدانعان بولاتىن. بٷگٸن قول قويىلعان ەكٸنشٸ قۇجاتقا قوعام ٶكٸلدەرٸ مەن ساراپشىلار قاتىسقان جەر كوميسسيياسى ۇسىنعان ٶزگەرٸستەر ەنگٸزٸلٸپ وتىر», - دەيدٸ قوعام بەلسەندٸسٸ.
ۇلتتىق كەڭەس مٷشەسٸ مەملەكەت باسشىسىنىڭ جەر مەسەلەسٸنە بەيجاي قارامايتىن حالىقتىڭ پايىمىن ەسكەرٸپ, جەرگە شەتەلدٸكتەردٸڭ يەلٸك ەتۋٸنە تولىق تىيىم سالۋ تۋرالى ساياسي جاۋاپكەرشٸلٸكتٸ ٶز موينىنا العانىن, رەفورماداعى ٶزگە مەسەلەلەردٸ حالىقتىڭ تالقىسىنا قالدىرعانىن ەسكە سالادى.
«كوميسسييا نە شەشتٸ? ونىڭ 5 وتىرىسى ٶتٸپ, قۇرامىنداعى 80 ادام 120-عا جۋىق ۇسىنىس ەنگٸزدٸ. مەن دە وسى كوميسسييانىڭ قۇرامىندا بولدىم. مەنٸڭ ۇستانىمىم - اۋىل شارۋاشىلىعى جەرٸن تەك قر ازاماتتارىنا جالعا بەرۋ ەدٸ. ساتۋدىڭ كەز-كەلگەن تٷرٸ جەردٸ قارجى-ٶنەركەسٸپتٸك توپتاردىڭ ساتىپ الۋىنا جول اشادى. مەنٸڭ ەكٸنشٸ نەگٸزگٸ ۇسىنىسىم – جەردٸڭ شىنايى يەلەرٸ تۋرالى بارلىق اقپاراتتى اشۋ. راس, بۇل تٷزەتۋ ٷشٸن ٷكٸمەتتەگٸ لاتيفۋنديستەر مەن لوببيستەر جەردٸ تسيفرلاندىرۋ مەن كوسمومونيتورينگكە قويىلاتىن تالاپتاردى جويۋعا تىرىسىپ, سوڭىنا دەيٸن كٷرەسٸپ باقتى. داۋ ۇزاققا سوزىلدى, سوڭىندا ىمىراعا كەلدٸك. بٸراق بۇل ىمىرا ۋاقىتشا دەپ ايتار ەدٸم. ٶيتكەنٸ سۇراقتاردىڭ بٸر بٶلٸگٸ كەيٸنگە قالدى», - دەيدٸ مۇرات ەبەنوۆ.
قوعام بەلسەندٸسٸ جەر كوميسسيياسىنىڭ ۇسىنىستارى نەگٸزٸندە قابىلدانعان زاڭنامالىق ٶزگەرٸستەرگە توقتالدى.
«ەكٸمدەردەن جەر قاتىناستارىن باقىلاۋ فۋنكتسيياسى الىندى, ەسەسٸنە جەرگە مەملەكەتتٸك باقىلاۋدى كٷشەيتۋ تۋرالى شەشٸم قابىلداندى. بۇرىن ەكٸمدەردٸڭ قولىندا بولعان بۇل قۇزىرەت جەر رەسۋرستارىن باسقارۋ كوميتەتٸنە بەرٸلدٸ.
جەردٸ پايدالانۋ ماقساتىن ٶزگەرتۋگە تىيىم سالىندى: ەندٸ «باۋ-باقشا» جەنە «ساياجاي قۇرىلىسىنا» الىنعان جەرلەر باقىلاۋدان بوساتىلمايدى.
اۋىل ماڭىنداعى جايىلىم جەرگٸلٸكتٸ حالىقتىڭ ورتاق يگٸلٸگٸنە قايتارىلادى. حالىقتىڭ مۇقتاجدىقتارىن ەسكەرە وتىرىپ, جايىلىمدىق جەرلەردٸڭ شەكارالارىن انىقتاۋ جولعا قويىلادى», - دەيدٸ جەر كوميسسيياسىنىڭ مٷشەسٸ.
مۇرات ەبەنوۆ كوسمونيتورينگ قۇرالى ارقىلى ەلدەگٸ لاتيفۋنديستەردٸڭ اتى-جٶنٸ كٶپشٸلٸككە مەلٸم بولاتىنىنا سەنٸمدٸ.
«اۋىل شارۋاشىلىعى جەرلەرٸن ساتۋعا تىيىم سالىندى. بٸراق تىيىمنىڭ مەرزٸمٸ – ەزٸرگە 5 جىل. قازاقستاندىقتارعا اۋىل شارۋاشىلىعى ماقساتىنداعى جەرلەردٸ جەكەمەنشٸككە بەرۋگە موراتوريي مەرزٸمٸ 2026 جىلعى 31 جەلتوقسانعا دەيٸن ۇزارتىلدى.
لاتيفۋنديستەر اشىقتىققا قارسى ەركەت ەتٸپ باعادى. جەردٸڭ كوسمومونيتورينگٸن جويۋعا, يەلەردٸڭ اتتارىن اشقىزباۋعا تىرىسادى. بٸراق مەن قوعام بۇعان جول بەرمەيدٸ دەپ سەنەمٸن. پرەزيدەنتتٸڭ توقاەۆ ازاماتتاردىڭ نەگٸزگٸ تالاپتارىن تٷسٸنٸپ, قوعام ۇسىنىپ وتىرعان ٶزگەرٸستەرگە باستاماشى بولعانى جاقسى. مۇنداي جاعدايلاردا ازاماتتار مەن پرەزيدەنتتٸڭ ويى بٸر جەردەن شىققانى ماڭىزدى.
بٸراق ارقانى كەڭگە سالۋعا بولمايدى. ٸرٸ جەر يەلەرٸ جاڭا نورمالارعا شابۋىلدى باستاپ كەتتٸ. باق ارقىلى سىني ماقالالار جارييالاپ, ساراپشىلار ارقىلى ٶزدەرٸنە قولايلى پٸكٸر قالىپتاستىرۋعا كٷش سالىپ جاتىر.
دەگەنمەن قوعام كەلەر ۇرپاقتىڭ مٷددەسٸن قورعاي العانى ٷشٸن قۋانا الادى. ەرقايسىمىز سولاردىڭ الدىندا جاۋاپتىمىز», - دەپ تٷيٸندەدٸ ۇلتتىق كەڭەس مٷشەسٸ.
