بٷگٸن, 5 قاڭتاردا كٷن مەن عالامشارىمىزدىڭ ارا قاشىقتىعى ەڭ تٶمەنگٸ كٶرسەتكٸشتە, سونىڭ نەتيجەسٸندە كٷننٸڭ ديسكٸ تەلەسكوپتا شٸلدە ايىنداعى پلانەتالار بٸر-بٸرٸنەن بارىنشا الشاقتاعان سەتتەگٸدەن 3% ٷلكەن كٶرٸنٸپ تۇر. بۇل تۋرالى جەكسەنبٸ كٷنٸ مەسكەۋدەگٸ پلانەتاريي قىزمەتكەرٸ ليۋدميلا كوشمان مەلٸمدەدٸ, دەپ حابارلايدى "ۇلت اقپارات" تاسس-قا سٸلتەمە جاساپ.
«جەكسەنبٸ, 5 قاڭتاردا عالامشارىمىز پەريگەلييدە – جىلىنا بٸر رەت قايتالاناتىن كٷنگە ەڭ جاقىن نٷكتەسٸندە بولادى. جەر ول تۇستان قاڭتاردىڭ باسىندا ٶتەدٸ, ول 147 ملن شاقىرىمدى قۇرايدى. ەڭ الىس نٷكتەسٸنەن – افەلييدەن شٸلدەنٸڭ باسىندا ٶتٸپ, كٷننەن 152 ملن شاقىرىم قاشىقتىقتا بولادى. كٷن ديامەترٸ بۇرىشتىق گرادۋسپەن ٶلشەنەدٸ. افەليي مەن پەريگەلييدەگٸ كٷن ديسكٸسٸنٸڭ ديامەترٸ اراسىنداعى ايىرماشىلىق كٶزگە كٶرٸنبەيدٸ, ٶيتكەنٸ كٷن ديسكٸسٸ جارتى جىلدا بٸركەلكٸ جٷرەدٸ. دەگەنمەن, ولاردى سالىستىرار بولساق, كٷن ديسكٸسٸنٸڭ ديامەترٸ قاڭتاردا 3% ٷلكەن بولادى», - دەپ تٷسٸندٸردٸ استرونوم.
سونداي-اق, ول جەردەگٸ جىل مەزگٸلدەرٸنٸڭ اۋىسۋى جەردٸڭ كٷننەن قاشىقتىعىنا ەمەس, جەردٸڭ ٶز وسٸن اينالۋىنا بايلانىستى ەكەنٸن ەسكە سالادى.
پلانەتامىز كٷندٸ 365 كٷن 6 ساعات 9 مينۋت 10 سەكۋندتا اينالىپ شىعادى.
