Búgin, 5 qańtarda Kún men ǵalamsharymyzdyń ara qashyqtyǵy eń tómengi kórsetkishte, sonyń nátijesinde Kúnniń diski teleskopta shilde aiyndaǵy planetalar bir-birinen barynsha alshaqtaǵan sáttegiden 3% úlken kórinip tur. Bul týraly jeksenbi kúni Máskeýdegi planetarii qyzmetkeri Liýdmila Koshman málimdedi, dep habarlaidy "Ult aqparat" TASS-qa silteme jasap.
«Jeksenbi, 5 qańtarda ǵalamsharymyz perigeliide – jylyna bir ret qaitalanatyn Kúnge eń jaqyn núktesinde bolady. Jer ol tustan qańtardyń basynda ótedi, ol 147 mln shaqyrymdy quraidy. Eń alys núktesinen – afeliiden shildeniń basynda ótip, Kúnnen 152 mln shaqyrym qashyqtyqta bolady. Kún diametri buryshtyq gradýspen ólshenedi. Afelii men perigeliidegi kún diskisiniń diametri arasyndaǵy aiyrmashylyq kózge kórinbeidi, óitkeni Kún diskisi jarty jylda birkelki júredi. Degenmen, olardy salystyrar bolsaq, kún diskisiniń diametri qańtarda 3% úlken bolady», - dep túsindirdi astronom.
Sondai-aq, ol Jerdegi jyl mezgilderiniń aýysýy Jerdiń Kúnnen qashyqtyǵyna emes, Jerdiń óz osin ainalýyna bailanysty ekenin eske salady.
Planetamyz Kúndi 365 kún 6 saǵat 9 minýt 10 sekýndta ainalyp shyǵady.
